Surah 23 · 118 verses · Unknown

Surah Al-Mu'minun in Kendayan

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

23:1

قَدۡ أَفۡلَحَ ٱلۡمُؤۡمِنُونَ

Sungguh baruntukng urakng-urakng nang baiman

23:2

ٱلَّذِينَ هُمۡ فِي صَلَاتِهِمۡ خَٰشِعُونَ

(Yakoa) urakng nang khusyuk dalapm shalatnya

23:3

وَٱلَّذِينَ هُمۡ عَنِ ٱللَّغۡوِ مُعۡرِضُونَ

Man urakng-urakng nang nyauhatn diri’ dari (pabuatatn man pakataatn) nang nana’ baguna

23:4

وَٱلَّذِينَ هُمۡ لِلزَّكَوٰةِ فَٰعِلُونَ

Man urakng-urakng nang marentatn zakat

23:5

وَٱلَّذِينَ هُمۡ لِفُرُوجِهِمۡ حَٰفِظُونَ

Man urakng nang miharanyaga kamaluatnnya

23:6

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Kacoali kada’ bini-bininya ato amba sahaya nang nyaka’koa nyampu’i, 549 maka sabatolnya iaka’koa nana’ labih

23:7

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Tapi barang sae ngago’ salain koa (babaya’ man sabagenya) maka iaka’koalah urakng- urakng nang ngalampoi labih

23:8

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

Man (sungguh baruntukng) urakng nang mihara amanat-amanat man janjinya

23:9

وَٱلَّذِينَ هُمۡ عَلَىٰ صَلَوَٰتِهِمۡ يُحَافِظُونَ

Sarata urakng nang mihara salatnya

23:10

أُوْلَٰٓئِكَ هُمُ ٱلۡوَٰرِثُونَ

Ia ka’ kolah urakng nang pasti nyawarisi

23:11

ٱلَّذِينَ يَرِثُونَ ٱلۡفِرۡدَوۡسَ هُمۡ فِيهَا خَٰلِدُونَ

(Yakoa) nang pasti ngawarisi (saruga) Firdaus, iaka’koa kakal ka’ dalapmnya

23:12

وَلَقَدۡ خَلَقۡنَا ٱلۡإِنسَٰنَ مِن سُلَٰلَةٍ مِّن طِينٍ

Man sungguh, Kami udah nyajoat talino dari saripati (barasal) dari tanah

23:13

ثُمَّ جَعَلۡنَٰهُ نُطۡفَةً فِي قَرَارٍ مَّكِينٍ

Laka’ koa Kami nyadiatnnya ai’ mani (nang disimpan) dalapm tampat nang kuat (sarakng paranakatn)

23:14

ثُمَّ خَلَقۡنَا ٱلنُّطۡفَةَ عَلَقَةً فَخَلَقۡنَا ٱلۡعَلَقَةَ مُضۡغَةً فَخَلَقۡنَا ٱلۡمُضۡغَةَ عِظَٰمًا فَكَسَوۡنَا ٱلۡعِظَٰمَ لَحۡمًا ثُمَّ أَنشَأۡنَٰهُ خَلۡقًا ءَاخَرَۚ فَتَبَارَكَ ٱللَّهُ أَحۡسَنُ ٱلۡخَٰلِقِينَ

Laka’ koa, ai’ mani koa dijadiatn jukut nang ngarakat, lalu jukut nang ngarakat koa Kami jadiatn sabalongko’ dageng, man sagumpal dageng koa Kami jadiatn tulakng-tulakng, tulakng-tulakng koa Kami bungkus mang dageng, Kami nyadiatnnya makhluk nang (babantuk) lain. Maha Cuci Baraseh Allah, pamajuat nang edo’ gagas

23:15

ثُمَّ إِنَّكُم بَعۡدَ ذَٰلِكَ لَمَيِّتُونَ

Abis koa, sungguh kita’ pasti mati

23:16

ثُمَّ إِنَّكُمۡ يَوۡمَ ٱلۡقِيَٰمَةِ تُبۡعَثُونَ

Laka’ koa, sungguh kita’ pasti tatap diduhai- nani (dari subur kita’) ka’ ari kiamat nae

23:17

وَلَقَدۡ خَلَقۡنَا فَوۡقَكُمۡ سَبۡعَ طَرَآئِقَ وَمَا كُنَّا عَنِ ٱلۡخَلۡقِ غَٰفِلِينَ

Man sungguh, Kami udah majoat tujuh (lapis) langit ka’ atas kita’, man Kami nana’lah lengah ka’ahe nang kami pajoat

23:18

وَأَنزَلۡنَا مِنَ ٱلسَّمَآءِ مَآءَۢ بِقَدَرٍ فَأَسۡكَنَّٰهُ فِي ٱلۡأَرۡضِۖ وَإِنَّا عَلَىٰ ذَهَابِۭ بِهِۦ لَقَٰدِرُونَ

Man Kami nuruntatn ai’ dari langit nang dah di ngukur, lalu Kami jadiatn ai’ koa badiapm ka’babah (bumi), man pasti Kami bakuasa ngalanyapatnnya

23:19

فَأَنشَأۡنَا لَكُم بِهِۦ جَنَّٰتٍ مِّن نَّخِيلٍ وَأَعۡنَٰبٍ لَّكُمۡ فِيهَا فَوَٰكِهُ كَثِيرَةٌ وَمِنۡهَا تَأۡكُلُونَ

Lalu mang ai’ koa, Kami numuhatn nto’nyu kabon-kabon mang anggur, ka’ koa kita namu buah-buahatn nang manyak man sabagian dari (buah-buah ka’ koa kita makatni)

23:20

وَشَجَرَةً تَخۡرُجُ مِن طُورِ سَيۡنَآءَ تَنۢبُتُ بِٱلدُّهۡنِ وَصِبۡغٍ لِّلۡأٓكِلِينَ

Man (Kami numuhatn) batakng (zaitun) nang tumuh dari gunung Sinai, nang ngasilatn binyak, man bahan pambangkit salera nto’ urakng-urakng nang makatn

23:21

وَإِنَّ لَكُمۡ فِي ٱلۡأَنۡعَٰمِ لَعِبۡرَةًۖ نُّسۡقِيكُم مِّمَّا فِي بُطُونِهَا وَلَكُمۡ فِيهَا مَنَٰفِعُ كَثِيرَةٌ وَمِنۡهَا تَأۡكُلُونَ

Man sungguh ka’ laok-laok idupatn tadapat suatu palajaran ka’ kita. Kami mare’ kita’ cocok dari (ai’ susu’) nang ada ka’dalapm parutnya; man ka’ ia uga’ ada manyak mampa’at nto kita’. Man sabagiannyya kita makatn

23:22

وَعَلَيۡهَا وَعَلَى ٱلۡفُلۡكِ تُحۡمَلُونَ

Atasnya (laok-laok idupatn), man ka’ atas kapal-kapal kao angkut

23:23

وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ

Man sungguh, Kami udah mangutus Nuh ka’ kaumnya, lalu ia bakata, ”Wahe kaumku! Sambahlah Allah, (karana) nana’ ada tuhan nang edo’ gagas di sambah salain Ia. Maka, jahe kita’ bai’ batakwa ka’ Ia

23:24

فَقَالَ ٱلۡمَلَؤُاْ ٱلَّذِينَ كَفَرُواْ مِن قَوۡمِهِۦ مَا هَٰذَآ إِلَّا بَشَرٌ مِّثۡلُكُمۡ يُرِيدُ أَن يَتَفَضَّلَ عَلَيۡكُمۡ وَلَوۡ شَآءَ ٱللَّهُ لَأَنزَلَ مَلَٰٓئِكَةً مَّا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ

Maka bakatalaj Sigana pramuka urakng kapir dari kaumnya, “urakng nian inalain nggelah talino biasa ampahe kita’, nang mao’ jadia’ urakng mulia daripada kita’. Man sakiranya Allah mao’, tantu ia ngutus Mala’ekat. Gi’ nana kala’ kami nangar (pamaba ampahe) nian dari da’ne’ moyang dahoya

23:25

إِنۡ هُوَ إِلَّا رَجُلُۢ بِهِۦ جِنَّةٌ فَتَرَبَّصُواْ بِهِۦ حَتَّىٰ حِينٍ

Ia nggelah saurakng laki-laki nang gila, maka tunggulah (sabarlah) ngadapi’nya sampe waktu nang ditantuatn

23:26

قَالَ رَبِّ ٱنصُرۡنِي بِمَا كَذَّبُونِ

Ia (Nuh) bado’a, ”Oh Tuhanku, tolonglah aku, jukut iaka’koa madah aku pangalok”

23:27

فَأَوۡحَيۡنَآ إِلَيۡهِ أَنِ ٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا فَإِذَا جَآءَ أَمۡرُنَا وَفَارَ ٱلتَّنُّورُ فَٱسۡلُكۡ فِيهَا مِن كُلٍّ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ مِنۡهُمۡۖ وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ

Lalu Kami wahyuatn ka’ ia, ”pamuatlah kapal atas pangawasan man patunjuk Kami, maka kade’ parentah Kami atakng man tanur (dapur) udah mancaratn ai’, maka tama’lah ka’ dalapm (kapal) koa sapasang- sapasang dari satiap janis, uga’ kaluarganyu, kacoali urakng nang labih dolo’ ditatapatn (akan kana timpa siksaatn) ka’ antara nyaka’koa. Man amelah kao kataatn ka’ Aku urakng-urakng nang zalim, sabatolnya iaka’koa pasti ditingalampatn

23:28

فَإِذَا ٱسۡتَوَيۡتَ أَنتَ وَمَن مَّعَكَ عَلَى ٱلۡفُلۡكِ فَقُلِ ٱلۡحَمۡدُ لِلَّهِ ٱلَّذِي نَجَّىٰنَا مِنَ ٱلۡقَوۡمِ ٱلظَّٰلِمِينَ

Man kade’ kao man urakng-urakng nang barage man kao udah barada ka’ atas kapal, maka kataatnlah, ”Sagala puji nto’ Allah nang udah nyalamatatn Kami dari urakng- urakng nang zalim

23:29

وَقُل رَّبِّ أَنزِلۡنِي مُنزَلًا مُّبَارَكًا وَأَنتَ خَيۡرُ ٱلۡمُنزِلِينَ

Man bado’alah, ”Oh Tuhanku tampatatnlah aku ka’ tampat nang dibarakati, man Kita’ sidi sabaik-baik pamare’ tampat

23:30

إِنَّ فِي ذَٰلِكَ لَأٓيَٰتٍ وَإِن كُنَّا لَمُبۡتَلِينَ

Sungguh, ka’ (kajadiatn) koa batol-batol tadapat tanda-tanda (kakuasaan Allah) man sabatolnya Kami batol-batol nimpa’atn siksaatn (ka’ kaum Nuh koa)

23:31

ثُمَّ أَنشَأۡنَا مِنۢ بَعۡدِهِمۡ قَرۡنًا ءَاخَرِينَ

Lalu salaka’ iaka’koa, Kami pajoat umat nang lain (kaum ‘Ad)

23:32

فَأَرۡسَلۡنَا فِيهِمۡ رَسُولًا مِّنۡهُمۡ أَنِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ

Lalu Kami utus ka’ ia ka’ koa seko’ urakng rasul dari kalangan nyaka’koa babari (nang bakata), ”Sambahlah Allah! Nana’ ada tuhan (nang edo’ disambah) di kita’ salain Ia. Maka ngahe kita’ nana’ bataqwa (ka’ Ia)? ” 23. AL-MU'MIN

23:33

وَقَالَ ٱلۡمَلَأُ مِن قَوۡمِهِ ٱلَّذِينَ كَفَرُواْ وَكَذَّبُواْ بِلِقَآءِ ٱلۡأٓخِرَةِ وَأَتۡرَفۡنَٰهُمۡ فِي ٱلۡحَيَوٰةِ ٱلدُّنۡيَا مَا هَٰذَآ إِلَّا بَشَرٌ مِّثۡلُكُمۡ يَأۡكُلُ مِمَّا تَأۡكُلُونَ مِنۡهُ وَيَشۡرَبُ مِمَّا تَشۡرَبُونَ

Man bakatalah sigana pamuka urakng kapir dari kaumnya man nang madah alok patamuan mang ari naherat sarata iaka’koa nang udah Kami bare’ kamewahatn man kasanangan dalapm kaidupatn ka’ dunia.” (urakng) nian nana’ lain inggelah talino ampahe kao. Ia makatn ahe nang kao makatn, man ia nyocok ahe nang kao cocak

23:34

وَلَئِنۡ أَطَعۡتُم بَشَرًا مِّثۡلَكُمۡ إِنَّكُمۡ إِذًا لَّخَٰسِرُونَ

Sidimiah batol, kade’ kao naati talino nang ampahe kao, pasti kao akan rugi

23:35

أَيَعِدُكُمۡ أَنَّكُمۡ إِذَا مِتُّمۡ وَكُنتُمۡ تُرَابًا وَعِظَٰمًا أَنَّكُم مُّخۡرَجُونَ

Ada ke’ ia nyanjiatn ka’ kita’, bahoa’ kade’ kita’ udah mati jadi tanah mang tulakng- tulakng, sabatolnya kita’ pasti dikaluaratni (dari subur kita’)

23:36

هَيۡهَاتَ هَيۡهَاتَ لِمَا تُوعَدُونَ

Jauh! Jauh miah (dari kabanaratn) ahe nang ancamannya ka’ kao

23:37

إِنۡ هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا نَحۡنُ بِمَبۡعُوثِينَ

(Kaidupatn koa) nana’ lain inggelah kaidupatn diri’ ka’ dunia nian, (ka’ koalah) diri’ mati man idup550 man nana’ diidupatna’(agi’)

23:38

إِنۡ هُوَ إِلَّا رَجُلٌ ٱفۡتَرَىٰ عَلَى ٱللَّهِ كَذِبًا وَمَا نَحۡنُ لَهُۥ بِمُؤۡمِنِينَ

Nyakoa nana’ lain nggan nang laki nang kajuh babuat alok ka’ Allah, mau diri’ nana akan mue aya’i’nya

23:39

قَالَ رَبِّ ٱنصُرۡنِي بِمَا كَذَّبُونِ

Ia (Hud) bado’a, ”Oh Tuhanku, tolonglah aku sabab iaka’koa madah aku alok.”

23:40

قَالَ عَمَّا قَلِيلٍ لَّيُصۡبِحُنَّ نَٰدِمِينَ

Ia (Allah) bapirman, ”Nana’ lama agi’ iaka’koa pasti nasal

23:41

فَأَخَذَتۡهُمُ ٱلصَّيۡحَةُ بِٱلۡحَقِّ فَجَعَلۡنَٰهُمۡ غُثَآءًۚ فَبُعۡدًا لِّلۡقَوۡمِ ٱلظَّٰلِمِينَ

Lalu iaka’koa batol-batol dingariboatn di suara nang dah bunyi late’, man Kami jadiatn iaka’koa (ampahe) pangkauh nang di baha’ nyanyutatn’, 551 maka babariboatnlah urakng-urakng nang zalim

23:42

ثُمَّ أَنشَأۡنَا مِنۢ بَعۡدِهِمۡ قُرُونًا ءَاخَرِينَ

Laka’ ia ka’ koa Kami pajoatlah umat-umat nang baharu

23:43

مَا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ

Nana’ ada sote’ umat pun nang bisa nyapati’ kamatianya, man nana’ (uga’)bisa ngulur- ngulurnya

23:44

ثُمَّ أَرۡسَلۡنَا رُسُلَنَا تَتۡرَاۖ كُلَّ مَا جَآءَ أُمَّةً رَّسُولُهَا كَذَّبُوهُۖ فَأَتۡبَعۡنَا بَعۡضَهُم بَعۡضًا وَجَعَلۡنَٰهُمۡ أَحَادِيثَۚ فَبُعۡدًا لِّقَوۡمٍ لَّا يُؤۡمِنُونَ

Laka’ koa, Kami utus rasul-rasul Kami baturut-turut. Satiap kali seko’ urakng rasul atakng ka’ soatu umat, iaka’koa madehnya alok, maka Kami pagantian sabagian iaka’koa man sabagian nang lain (dalapm siksaatn). Man kami pamuas ia ka’koa manjadi gesah (ka’talino). Maka binasalah urakng-urakng nang nana’ baiman

23:45

ثُمَّ أَرۡسَلۡنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلۡطَٰنٍ مُّبِينٍ

Laka’koa, Kami utus Musa man kamarkapalanya Harun mang ngicakng tanda-tanda (kakuasa’an) Kami, man bukti nang nyata

23:46

إِلَىٰ فِرۡعَوۡنَ وَمَلَإِيْهِۦ فَٱسۡتَكۡبَرُواْ وَكَانُواْ قَوۡمًا عَالِينَ

Ka’ Pir’aun man sigana pamuka kaumnya, tapi iaka’koa angkuh man iaka’koa memang kaum nang sombong

23:47

فَقَالُوٓاْ أَنُؤۡمِنُ لِبَشَرَيۡنِ مِثۡلِنَا وَقَوۡمُهُمَا لَنَا عَٰبِدُونَ

Maka iaka’koa bakata, ”Aheke’ (pantas) diri’ pucaya’ ka’ dua urakng talino nang sama mang diri’, padahal urangannya ka’koa (Bani Israil) koa urakng-urakng nang ngambaatn diri’ nya’ diri’?”

23:48

فَكَذَّبُوهُمَا فَكَانُواْ مِنَ ٱلۡمُهۡلَكِينَ

Maka iaka’koa madah alok kaduanya, karana koa iaka’koa tamasok urakng nang diriboatni’

23:49

وَلَقَدۡ ءَاتَيۡنَا مُوسَى ٱلۡكِتَٰبَ لَعَلَّهُمۡ يَهۡتَدُونَ

Man sungguh, udah Kami barentatn ka’ Musa kitab (Taurat) supaya iaka’koa (Bani Israil) namu patunjuk

23:50

وَجَعَلۡنَا ٱبۡنَ مَرۡيَمَ وَأُمَّهُۥٓ ءَايَةً وَءَاوَيۡنَٰهُمَآ إِلَىٰ رَبۡوَةٍ ذَاتِ قَرَارٍ وَمَعِينٍ

Man udah Kami jadiatn (Isa) nak Mariyam mang uwe’nya sabage tanda bukti nang nyata (atas kakuasa’an Kami) man Kami ngalindungi’ nyaka’koa ka’ sabuah ongkol nang tingi, (tampat nang tanang, rindang man manyak buah-buahan) man mata ai’ nang ngalir

23:51

يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٌ

Allah bapirman, ”wahe sigana Rasul! Makatnlah dari (makanan) nang baik-baik, man pamuatlah kabaikatn. Sungguh, Aku Maha Nau’an ahe nang kita’ karajaatni

23:52

وَإِنَّ هَٰذِهِۦٓ أُمَّتُكُمۡ أُمَّةً وَٰحِدَةً وَأَنَا۠ رَبُّكُمۡ فَٱتَّقُونِ

Man sungguh (agama tauhid) nianlah agama nto’ kita’, agama nang sote’ man Akulah Tuhannyu, maka bataqwalah ka’ Aku

23:53

فَتَقَطَّعُوٓاْ أَمۡرَهُم بَيۡنَهُمۡ زُبُرًاۖ كُلُّ حِزۡبِۭ بِمَا لَدَيۡهِمۡ فَرِحُونَ

Laka’koa iaka’koa tapacah balah dalapm urusan (agama) nya manjadi sangahe 23. A golongan. Satiap golongan (marasa) rep mang ahe nang ada ka’ iaka’koa (masin masing)

23:54

فَذَرۡهُمۡ فِي غَمۡرَتِهِمۡ حَتَّىٰ حِينٍ

Maka biaratnlah iaka’koa dalapm kasasatatnnya sampe waktu nang ditant

23:55

أَيَحۡسَبُونَ أَنَّمَا نُمِدُّهُم بِهِۦ مِن مَّالٍ وَبَنِينَ

Ahe ke’ iaka’koa ngira bahoa’ Kami mare’atn harta man anak-anak ka’ iaka’ (barati bahoa’)

23:56

نُسَارِعُ لَهُمۡ فِي ٱلۡخَيۡرَٰتِۚ بَل لَّا يَشۡعُرُونَ

Kami qaneeh mare’atna kabaikatn- kabaikatn ka’ iaka’koa? (nana’) tapi iaka’koa nana’ nyadari’nya

23:57

إِنَّ ٱلَّذِينَ هُم مِّنۡ خَشۡيَةِ رَبِّهِم مُّشۡفِقُونَ

Sungguh, urakng-urakng nang karana g (ka’siksa) Tuhannya, iaka’koa miah baa ati

23:58

وَٱلَّذِينَ هُم بِـَٔايَٰتِ رَبِّهِمۡ يُؤۡمِنُونَ

Man iaka’koa nang baiman ka’ tanda-ta (kakuasa’atn) Tuhannya

23:59

وَٱلَّذِينَ هُم بِرَبِّهِمۡ لَا يُشۡرِكُونَ

Man iaka’koa nang nana’ masakutuatn Tuhannya

23:60

وَٱلَّذِينَ يُؤۡتُونَ مَآ ءَاتَواْ وَّقُلُوبُهُمۡ وَجِلَةٌ أَنَّهُمۡ إِلَىٰ رَبِّهِمۡ رَٰجِعُونَ

Man iaka’koa nang mare’atn ahe nang iaka’koa bare’atn (basidakah) mang ati panoh rasa gali’ (jukut iaka’koa nau’an) bahoa’ sabatolnya iaka’koa tatap pulakn ka’ Tuhannya

23:61

أُوْلَٰٓئِكَ يُسَٰرِعُونَ فِي ٱلۡخَيۡرَٰتِ وَهُمۡ لَهَا سَٰبِقُونَ

Iaka’koa batol siradap dalapm kabaikatn kabaikatn man iaka’koalah urakng-urak nang labih dolo’ namunya

23:62

وَلَا نُكَلِّفُ نَفۡسًا إِلَّا وُسۡعَهَاۚ وَلَدَيۡنَا كِتَٰبٌ يَنطِقُ بِٱلۡحَقِّ وَهُمۡ لَا يُظۡلَمُونَ

Man Kami nana’ mebani’ sae’ ma’an malaintatn manurut kasanggupatnnya, m ka’ Kami ada bacatatan nang madahatn sabanar-sabanarnya, man iaka’koa nana dizalimi’ (di rugiatn)

23:63

بَلۡ قُلُوبُهُمۡ فِي غَمۡرَةٍ مِّنۡ هَٰذَا وَلَهُمۡ أَعۡمَٰلٌ مِّن دُونِ ذَٰلِكَ هُمۡ لَهَا عَٰمِلُونَ

Tapi, iaka’koa (urakng-urakng kapir) ko dalapm kasasatatn dari (mahami’ Al-Qu nian, man iaka’koa bakabiasa’an manya ngarajaatn) pabuatatn-pabuatatn lain (bu nang kajuh nyaka’koa karajaatn)

23:64

حَتَّىٰٓ إِذَآ أَخَذۡنَا مُتۡرَفِيهِم بِٱلۡعَذَابِ إِذَا هُمۡ يَجۡـَٔرُونَ

Sahingga kade’ Kami jantu’atn sikasaat ka’ urakng-urakng nang idup ba mewah mewah ka’ antara nyaka’koa, sakatika k ia batareak-tareak minta banto’

23:65

لَا تَجۡـَٔرُواْ ٱلۡيَوۡمَۖ إِنَّكُم مِّنَّا لَا تُنصَرُونَ

Amelah kao babangamppakatn minta ba ari nian! Sungguh, kita’ nana’ akan nam patolongan dari Kami

23:66

قَدۡ كَانَتۡ ءَايَٰتِي تُتۡلَىٰ عَلَيۡكُمۡ فَكُنتُمۡ عَلَىٰٓ أَعۡقَٰبِكُمۡ تَنكِصُونَ

Sungguh ayat-ayat Ku (al-Quran) salalu dibacaatn ka’ kita’, tapi kita’ salalu bapaling ka’ balakang

23:67

مُسۡتَكۡبِرِينَ بِهِۦ سَٰمِرًا تَهۡجُرُونَ

Mang nyombongkatn diri man ngataatn pakataatn-pakataatn na’ sanonoh ka’ia (al- Quran) pada waktu kita’ babangomongan malam ari

23:68

أَفَلَمۡ يَدَّبَّرُواْ ٱلۡقَوۡلَ أَمۡ جَآءَهُم مَّا لَمۡ يَأۡتِ ءَابَآءَهُمُ ٱلۡأَوَّلِينَ

Maka nana’ ke iaka’koa maratiatni’ pirman (Allah), ato adake’ udah atakng ka’ iaka’koa ahe nang nana’ paranah atakng ka’ ene’ moyang nyaka’koa de’e

23:69

أَمۡ لَمۡ يَعۡرِفُواْ رَسُولَهُمۡ فَهُمۡ لَهُۥ مُنكِرُونَ

Ato ke’ iaka’koa nana’ nganal Rasulnya (Muhammad), karana koa iaka’koa ngingkari’nya

23:70

أَمۡ يَقُولُونَ بِهِۦ جِنَّةُۢۚ بَلۡ جَآءَهُم بِٱلۡحَقِّ وَأَكۡثَرُهُمۡ لِلۡحَقِّ كَٰرِهُونَ

Ato iaka’koa bakata, ”urakng koa (Muhammad) gila, ”padahal, ia udah atakng ngicakng kabanaratn ka’ iaka’koa, tapi kamanyakatn iaka’koa busak ka’ kabanaran

23:71

وَلَوِ ٱتَّبَعَ ٱلۡحَقُّ أَهۡوَآءَهُمۡ لَفَسَدَتِ ٱلسَّمَٰوَٰتُ وَٱلۡأَرۡضُ وَمَن فِيهِنَّۚ بَلۡ أَتَيۡنَٰهُم بِذِكۡرِهِمۡ فَهُمۡ عَن ذِكۡرِهِم مُّعۡرِضُونَ

Man saandenya kabanaran koa manuruti kamoan nyaka’koa, pasti babariboatnla langit man ai’ tanah man samu nang ada ka’ dalapmnya. Malahan Kami udah mare’ paringatan ka’ia ka’koa, tapi iaka’koa bapaling dari paringatan

23:72

أَمۡ تَسۡـَٔلُهُمۡ خَرۡجًا فَخَرَاجُ رَبِّكَ خَيۡرٌۖ وَهُوَ خَيۡرُ ٱلرَّٰزِقِينَ

Ato kao (Muhammad) minta imbalan ka’ iaka’koa? padahal imbalan dari Tuhannyu labih edo’, karana Ia’ pamare’ rajaki nang miah edo’

23:73

وَإِنَّكَ لَتَدۡعُوهُمۡ إِلَىٰ صِرَٰطٍ مُّسۡتَقِيمٍ

Man sungguh kao pasti udah mabai’ iaka’koa ka’ maraga nang locor

23:74

وَإِنَّ ٱلَّذِينَ لَا يُؤۡمِنُونَ بِٱلۡأٓخِرَةِ عَنِ ٱلصِّرَٰطِ لَنَٰكِبُونَ

Man sungguh urakng-urakng nang nana’ baiman ka’ naherat batol-batol udah manyimpang jauh dari maraga (nang locor)

23:75

وَلَوۡ رَحِمۡنَٰهُمۡ وَكَشَفۡنَا مَا بِهِم مِّن ضُرٍّ لَّلَجُّواْ فِي طُغۡيَٰنِهِمۡ يَعۡمَهُونَ

Man sakiranya iaka’koa Kami kasihatn man Kami ilangan musibah nang manimpa nyaka’koa, 553 pasti iaka’koa akan tarus manarus ta ombang-ambing dalapm kasasatatn nya

23:76

وَلَقَدۡ أَخَذۡنَٰهُم بِٱلۡعَذَابِ فَمَا ٱسۡتَكَانُواْ لِرَبِّهِمۡ وَمَا يَتَضَرَّعُونَ

Man sungguh Kami udah nimpa’atn siksaatn ka’ iaka’koa, 554 tapi iaka’koa bai’ tunduk ka’ Tuhannya, man (uga’) bai’ ngarendahatn diri’nya

23:77

حَتَّىٰٓ إِذَا فَتَحۡنَا عَلَيۡهِم بَابًا ذَا عَذَابٍ شَدِيدٍ إِذَا هُمۡ فِيهِ مُبۡلِسُونَ

Sahingga kade’ Kami buka’atn nto’ iaka’koa pintu siksa nang miah karas, sakatika koa ia manjadi putus asa

23:78

وَهُوَ ٱلَّذِيٓ أَنشَأَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلًا مَّا تَشۡكُرُونَ

Man Ia-lah nang udah majoat nyo’nya panangaratn, Panele’atn, man ati nurani, tapi saebet sakali kita nang basukur

23:79

وَهُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ

Man Ia-lah nang majoat man ngambang biakatn kita’ ka’ dunia man ka’ Ia-lah kita’ nae dikumpuratni

23:80

وَهُوَ ٱلَّذِي يُحۡيِۦ وَيُمِيتُ وَلَهُ ٱخۡتِلَٰفُ ٱلَّيۡلِ وَٱلنَّهَارِۚ أَفَلَا تَعۡقِلُونَ

Man Ia-lah nang ngidupatn man matiatn, uga’ Ia-lah nang (ngatur) pangantiatn malam man siakng, nana’ ke’ kita’ ngarati

23:81

بَلۡ قَالُواْ مِثۡلَ مَا قَالَ ٱلۡأَوَّلُونَ

Bahkan iaka’koa ngucapatn pakataatn nang sarupa mang ampahe nang dikataatn urakng-urakng de’e

23:82

قَالُوٓاْ أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ

Iaka’koa bakata, ”Ahe ke’ batol, kade’ kami udah mati man udah manjadi tanah man tulakng-tulakng, kami batol-batol akan dibangkitatna’ agi’

23:83

لَقَدۡ وُعِدۡنَا نَحۡنُ وَءَابَآؤُنَا هَٰذَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ

Sungguh, nang ampaaikng nian udah dijanjiatn ka’ kami manda’ ene’ moyang kami de’e, 555 nian inggelah gesah (curita) urakng-urakng jaman dolo’!”

23:84

قُل لِّمَنِ ٱلۡأَرۡضُ وَمَن فِيهَآ إِن كُنتُمۡ تَعۡلَمُونَ

Kataatnlah (Muhammad), ”Nu’ saeke’ dunia, man samua nang ada ka’ dalapmnya, kade’ kita’ nau’an?”

23:85

سَيَقُولُونَ لِلَّهِۚ قُلۡ أَفَلَا تَذَكَّرُونَ

Iaka’koa akan nyawap, ”Nu’ Allah. ”Kataatnlah, ”Maka jahe kita’ nana’ ingat?”

23:86

قُلۡ مَن رَّبُّ ٱلسَّمَٰوَٰتِ ٱلسَّبۡعِ وَرَبُّ ٱلۡعَرۡشِ ٱلۡعَظِيمِ

Kataatnlah, ”saeke’ Tuhan nang ngampu’ langit nang tujuh man nang ngampu’ Arsy nang agung?”

23:87

سَيَقُولُونَ لِلَّهِۚ قُلۡ أَفَلَا تَتَّقُونَ

Iaka’koa akan nyawap, ”(Nu’) Allah. ”Kataatnlah, ”Maka ngahe kita’ bai’ bataqwa?”

23:88

قُلۡ مَنۢ بِيَدِهِۦ مَلَكُوتُ كُلِّ شَيۡءٍ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ

Kataatnlah, ”Saeke’ nang ka’ kokot-Nya ada kakuasa’an sigasana ahe pun. Ia ngalinukngi, man nana’ ada nang bisa dilinukngi’ (dari siksaatn-Nya) kade’ kita’ nau’an?”

23:89

سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ

Iaka’koa akan nyawap, ”(Nu’) Allah, ”Kataatnlah, ”(kade’ ampakoa) maka ampahe kita’ sampe tatipu?”

23:90

بَلۡ أَتَيۡنَٰهُم بِٱلۡحَقِّ وَإِنَّهُمۡ لَكَٰذِبُونَ

Padahal Kami udah ngicakng kabanaratn ka’ iaka’koa, tapi sigana nya ka’koa nyaba’ pangalok

23:91

مَا ٱتَّخَذَ ٱللَّهُ مِن وَلَدٍ وَمَا كَانَ مَعَهُۥ مِنۡ إِلَٰهٍۚ إِذًا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعۡضُهُمۡ عَلَىٰ بَعۡضٍۚ سُبۡحَٰنَ ٱللَّهِ عَمَّا يَصِفُونَ

Allah nana’ baranak, man nana’ ada tuhan (nang lain) mang-Ia. (sakiranya tuhan koa badakah), maka masing-masing Tuhan koa tatap ngicakng (mahluk) nang dipajoatnya, man sabagian tuhan-tuhan ka’koa pasti ngalahatn sabagian nang lain. Maha cuci baraseh Allah dari ahe nang iaka’koa sipatatn koa

23:92

عَٰلِمِ ٱلۡغَيۡبِ وَٱلشَّهَٰدَةِ فَتَعَٰلَىٰ عَمَّا يُشۡرِكُونَ

(Ia-lah Tuhan) nang nau’an samua nang nana’ ditele’ man samua nang katele’atn. Maha tingi (Allah) dari ahe nang iaka’koa pasakutuatn

23:93

قُل رَّبِّ إِمَّا تُرِيَنِّي مَا يُوعَدُونَ

Kataatnlah (Muhammad), ”Oh Tuhanku, Saandenya Kita’ mao’ nele’atn ka’ aku ahe (siksaatn) nang diancaman ka’ iaka’koa

23:94

رَبِّ فَلَا تَجۡعَلۡنِي فِي ٱلۡقَوۡمِ ٱلظَّٰلِمِينَ

Oh Tuhanku, maka amelah Kita’nya jadiatn aku dalapm golongatn urakng-urakng zalim

23:95

وَإِنَّا عَلَىٰٓ أَن نُّرِيَكَ مَا نَعِدُهُمۡ لَقَٰدِرُونَ

Man sungguh, Kami bakuasa nto’ nele’atn ka’ kao (Muhammad) ahe nang Kami ancaman ka’ iaka’koa

23:96

ٱدۡفَعۡ بِٱلَّتِي هِيَ أَحۡسَنُ ٱلسَّيِّئَةَۚ نَحۡنُ أَعۡلَمُ بِمَا يَصِفُونَ

Tolaklah pabuatan buruk nyaka’koa mang (cara) nang labih edo’, Kami labih edo’ nau’an ahe nang iaka’koa sipatatn (ka’ Allah)

23:97

وَقُل رَّبِّ أَعُوذُ بِكَ مِنۡ هَمَزَٰتِ ٱلشَّيَٰطِينِ

Man kataatnlah, ”Oh Tuhanku, aku balinukng ka’ Kita’ dari bisikatn-bisikatn balis

23:98

وَأَعُوذُ بِكَ رَبِّ أَن يَحۡضُرُونِ

Man aku balinukng (uga’) ka’ Kita’ oh Tuhanku, supaya iaka’koa nana’ nyamakki’ aku, ”

23:99

حَتَّىٰٓ إِذَا جَآءَ أَحَدَهُمُ ٱلۡمَوۡتُ قَالَ رَبِّ ٱرۡجِعُونِ

(Ampakoalah kaada’an urakng-urakng kapir koa), nang kade’ atakng kamatiatn ka’ Ia ka’koa, ia babakatnlah aku ka dunia

23:100

لَعَلِّيٓ أَعۡمَلُ صَٰلِحًا فِيمَا تَرَكۡتُۚ كـَلَّآۚ إِنَّهَا كَلِمَةٌ هُوَ قَآئِلُهَاۖ وَمِن وَرَآئِهِم بَرۡزَخٌ إِلَىٰ يَوۡمِ يُبۡعَثُونَ

Supaya aku bias babuat baik nang udah aku tingalatn, ”Sakali-kali nana’! Sungguh nang koa ngge alasan, nang dikataatn ihan, man ka’ adapatn nyaka’koa ada barzakh556 sampe nae iaka’koa di duhaniani’

23:101

فَإِذَا نُفِخَ فِي ٱلصُّورِ فَلَآ أَنسَابَ بَيۡنَهُمۡ يَوۡمَئِذٍ وَلَا يَتَسَآءَلُونَ

Kade’ dah sangakakala disiup maka nana’ ada agi’ patalian kamarkapala ka’ antara nyaka’koa waktu ari koa (ari kiamat) man nana’ (uga’) iaka’koa babatanya’i

23:102

فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ

Sae ma’an barat timbangan (kabaikatn) nya maka iaka’koalah urakng-urakng nang baruntukng

23:103

وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ فِي جَهَنَّمَ خَٰلِدُونَ

Man sae ma’an rehatn timbangan (kabaikatn) nya maka iaka’koalah urakng- urakng nang ngarugiatn diri’nya babaro, iaka’koa kakal ka’ naraka jahanam

23:104

تَلۡفَحُ وُجُوهَهُمُ ٱلنَّارُ وَهُمۡ فِيهَا كَٰلِحُونَ

Muha nyaka’koa didadakng di api naraka, man iaka’koa ka’ naraka dalapm kaada’an bungoh sarata bebernya bapucatatn

23:105

أَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَكُنتُم بِهَا تُكَذِّبُونَ

Ina’ ke’ ayat-ayat Ku udah dimacaatni ka’ kita’, tapi kita’ kajuh madahinya alok

23:106

قَالُواْ رَبَّنَا غَلَبَتۡ عَلَيۡنَا شِقۡوَتُنَا وَكُنَّا قَوۡمًا ضَآلِّينَ

Iaka’koa bakata, ”Oh Tuhan kami, kami udah dikuasai di kajahattatn kami, man kami nian urakng-urakng nang sasat

23:107

رَبَّنَآ أَخۡرِجۡنَا مِنۡهَا فَإِنۡ عُدۡنَا فَإِنَّا ظَٰلِمُونَ

Oh Tuhan kami, kaluaratnlah kami darinya (pulangan kami ka’ dunia) kade’ kami masih uga’ mulakng (ka’ kapiratn). Sungguh, kami batol urakng-urakng nang zalim. ”

23:108

قَالَ ٱخۡسَـُٔواْ فِيهَا وَلَا تُكَلِّمُونِ

Ia (Allah) bapirman, ”badiapmlah mang tahina ka’ dalapmnya, man amelah kita’ ngomong mang Aku. ”

23:109

إِنَّهُۥ كَانَ فَرِيقٌ مِّنۡ عِبَادِي يَقُولُونَ رَبَّنَآ ءَامَنَّا فَٱغۡفِرۡ لَنَا وَٱرۡحَمۡنَا وَأَنتَ خَيۡرُ ٱلرَّٰحِمِينَ

Sungguh ada sagolongan dari amba-amba Ku ba do’a, ”Oh Tuhan kami, kami udah baiman maka amponi’lah kami man bare’lah kami rahmat. Kita’ lah pamare’ rahmat nang tabaik

23:110

فَٱتَّخَذۡتُمُوهُمۡ سِخۡرِيًّا حَتَّىٰٓ أَنسَوۡكُمۡ ذِكۡرِي وَكُنتُم مِّنۡهُمۡ تَضۡحَكُونَ

Lalu kita’ jadiatn iaka’koa buah ejekkatn, sahingga kita’ lupa ngingat Aku, man kita’ (kajuh) ngalakkatn iaka’koa

23:111

إِنِّي جَزَيۡتُهُمُ ٱلۡيَوۡمَ بِمَا صَبَرُوٓاْ أَنَّهُمۡ هُمُ ٱلۡفَآئِزُونَ

Sungguh ka’ ari nian Aku mare’ balasatn ka’ iaka’koa, karana kasabaratn nyaka’koa. Sungguh, ia ka’koalah urakng-urakng nang namu kamanangan

23:112

قَٰلَ كَمۡ لَبِثۡتُمۡ فِي ٱلۡأَرۡضِ عَدَدَ سِنِينَ

Ia (Allah) bapirman, ”Sangahe tahun ke’ lamanya kita’ badiapm ka’ dunia

23:113

قَالُواْ لَبِثۡنَا يَوۡمًا أَوۡ بَعۡضَ يَوۡمٍ فَسۡـَٔلِ ٱلۡعَآدِّينَ

Iaka’koa nyawap, ”Kami badiapm (ka’ dunia) sa’ari ato satangah ari maka tanya’anlah ka’ iaka’koa nang ngetongnya. ”

23:114

قَٰلَ إِن لَّبِثۡتُمۡ إِلَّا قَلِيلًاۖ لَّوۡ أَنَّكُمۡ كُنتُمۡ تَعۡلَمُونَ

Ia (Allah) bapirman, ”kita’ badiapm (ka’ dunia) nggan sabantar ihan, kade’ kita’ batol-batol nau’an

23:115

أَفَحَسِبۡتُمۡ أَنَّمَا خَلَقۡنَٰكُمۡ عَبَثًا وَأَنَّكُمۡ إِلَيۡنَا لَا تُرۡجَعُونَ

Maka ahe ke’ kita’ ngira bahoa’ Kami majoat kita’ bamain-main (nana’ batujuan) man bahoa’ kita’ nana’ akan dipulangkatna ka’ Kami?”

23:116

فَتَعَٰلَى ٱللَّهُ ٱلۡمَلِكُ ٱلۡحَقُّۖ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡكَرِيمِ

Maha Tingi Allah, Raja nang sabatolnya, nana’ ada tuhan (nang bahak disambah) salain Ia. Tuhan (nang ngampu') Arsy nang mulia

23:117

وَمَن يَدۡعُ مَعَ ٱللَّهِ إِلَٰهًا ءَاخَرَ لَا بُرۡهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓۚ إِنَّهُۥ لَا يُفۡلِحُ ٱلۡكَٰفِرُونَ

Man sae ma’an manyambah tuhan nang lain salain Allah, padahal nana’ ada sote’ buktipun baginya tantang koa maka paretongannya nggan ka’ Tuhannya. Sungguh urakng-urakng kapir koa nana’ akan baruntukng

23:118

وَقُل رَّبِّ ٱغۡفِرۡ وَٱرۡحَمۡ وَأَنتَ خَيۡرُ ٱلرَّٰحِمِينَ

Man kataatnlah (Muhammad), ”Oo Tuhanku, bare’lah amponan man (bare’lah) rahmat. Kita’lah pamare’ rahmat paling edo’.” (Barakatnyabut) dama Allah nang Maha Pangasih, Maha Panyayang

Translation: Unknown.