Surah 23 · 118 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah
Surah Al-Mu'minun in Luyia
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلَّذِينَ هُمۡ عَنِ ٱللَّغۡوِ مُعۡرِضُونَ
Nende Balia aberetsanga ehale nende amakhuwa kabulamwo oluchendo
إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ
Halali khubakhasi babu nohomba balia abemikhono chiabu emilunji chiatila, kho abo shibafunanibwa tawe
فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ
Ne ulia wenya kalali kano tawe abo nibo babura eshichelo
وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ
Nende balia bahenganga obwisikwa nende indakano yabu
وَٱلَّذِينَ هُمۡ عَلَىٰ صَلَوَٰتِهِمۡ يُحَافِظُونَ
Nende balia balumiililanga khumalaamo kabu (iswala)
ٱلَّذِينَ يَرِثُونَ ٱلۡفِرۡدَوۡسَ هُمۡ فِيهَا خَٰلِدُونَ
Nibo abalichelama Firdaus mwikulu balimenyamwo tsinyanga tsiosi
وَلَقَدۡ خَلَقۡنَا ٱلۡإِنسَٰنَ مِن سُلَٰلَةٍ مِّن طِينٍ
Ne toto khwaloonga Omundu okhurulana nende liloba
ثُمَّ جَعَلۡنَٰهُ نُطۡفَةً فِي قَرَارٍ مَّكِينٍ
Mana nikhumulonga okhurulana nende amatsi kolwibulo, akarebwa akakwanile okhuba
ثُمَّ خَلَقۡنَا ٱلنُّطۡفَةَ عَلَقَةً فَخَلَقۡنَا ٱلۡعَلَقَةَ مُضۡغَةً فَخَلَقۡنَا ٱلۡمُضۡغَةَ عِظَٰمًا فَكَسَوۡنَا ٱلۡعِظَٰمَ لَحۡمًا ثُمَّ أَنشَأۡنَٰهُ خَلۡقًا ءَاخَرَۚ فَتَبَارَكَ ٱللَّهُ أَحۡسَنُ ٱلۡخَٰلِقِينَ
Mana nikhukalonga okhuba lilika, mana nikhulonga lilika okhuba shinga eshitonye shieyinyama, mana nikhulonga eshitonye shieyinyama okhubamwo ebikumba, mana nikhubifunikha ibikumba inyama, mana nikhumukhola okhuba eshilonje shindi. Niwoluyali muno Nyasaye Omulonji Omulayi muno umalayo
ثُمَّ إِنَّكُمۡ يَوۡمَ ٱلۡقِيَٰمَةِ تُبۡعَثُونَ
Mana toto enywe mulilamusibwa inyanga yeyindukho
وَلَقَدۡ خَلَقۡنَا فَوۡقَكُمۡ سَبۡعَ طَرَآئِقَ وَمَا كُنَّا عَنِ ٱلۡخَلۡقِ غَٰفِلِينَ
Ne toto khwalonga hekulu wenyu tsinjila saba, ne efwe shikhwali ebebilila eshilonje shiosi shiosi tawe
وَأَنزَلۡنَا مِنَ ٱلسَّمَآءِ مَآءَۢ بِقَدَرٍ فَأَسۡكَنَّٰهُ فِي ٱلۡأَرۡضِۖ وَإِنَّا عَلَىٰ ذَهَابِۭ بِهِۦ لَقَٰدِرُونَ
Ne khweshia amatsi kayelele okhurula mwikulu mana nikhukawotselesia khwiloba, ne toto efwe khuli nende obunyali bwokhukayiniaho
فَأَنشَأۡنَا لَكُم بِهِۦ جَنَّٰتٍ مِّن نَّخِيلٍ وَأَعۡنَٰبٍ لَّكُمۡ فِيهَا فَوَٰكِهُ كَثِيرَةٌ وَمِنۡهَا تَأۡكُلُونَ
Khu amatsi ako nikhubamesilia emikunda chietsitende nende tsizabibu, munyoolangamwo ebiamo ebinji biamulitsanga
وَشَجَرَةً تَخۡرُجُ مِن طُورِ سَيۡنَآءَ تَنۢبُتُ بِٱلدُّهۡنِ وَصِبۡغٍ لِّلۡأٓكِلِينَ
Nende omusala kurulanga khushikulu shia Sinai kurusinjia amafura okhuba kokhutongwamwo khubalia
وَإِنَّ لَكُمۡ فِي ٱلۡأَنۡعَٰمِ لَعِبۡرَةًۖ نُّسۡقِيكُم مِّمَّا فِي بُطُونِهَا وَلَكُمۡ فِيهَا مَنَٰفِعُ كَثِيرَةٌ وَمِنۡهَا تَأۡكُلُونَ
Ne toto mutsisolo mulimwo nende ameeko, khubanywesinjia khubilia bili mutsinda tsiatsio, ne munyoolangamwo obukhoonyi obunji ne etsindimwo mutsiliitsanga
وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ
Netoto khwaruma Nuhu khubandu bebe, mana naboola mbu; “Enywe Abandu banje mulaame Nyasaye mubula Nyasaye wundi owulali Ye tawe, kho shimuritsangakhwo tawe
فَقَالَ ٱلۡمَلَؤُاْ ٱلَّذِينَ كَفَرُواْ مِن قَوۡمِهِۦ مَا هَٰذَآ إِلَّا بَشَرٌ مِّثۡلُكُمۡ يُرِيدُ أَن يَتَفَضَّلَ عَلَيۡكُمۡ وَلَوۡ شَآءَ ٱللَّهُ لَأَنزَلَ مَلَٰٓئِكَةً مَّا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ
Mana omukanda kwabakhongo babakhayi nikuboola mbu; “ uno shini shiosishiosi tawe halali omundu shinga enywe, yenyanga okhwikhola omulayi khwinywe, ne Nyasaye yenyanga(okhubechesia) yakheshiye Abamalaika efwe shikhwawulilakhwo kano khubakofu befu bakhale tawe
إِنۡ هُوَ إِلَّا رَجُلُۢ بِهِۦ جِنَّةٌ فَتَرَبَّصُواْ بِهِۦ حَتَّىٰ حِينٍ
Uno Shali shiosi shiosi tawe halali ni Omundu uli nende lilalu. Mumulindilile butswa hatiti
قَالَ رَبِّ ٱنصُرۡنِي بِمَا كَذَّبُونِ
(Nuhu) naboola mbu; “Nyasaye wanje habine toto bano bamalile okhukhaya”
فَأَوۡحَيۡنَآ إِلَيۡهِ أَنِ ٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا فَإِذَا جَآءَ أَمۡرُنَا وَفَارَ ٱلتَّنُّورُ فَٱسۡلُكۡ فِيهَا مِن كُلٍّ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ مِنۡهُمۡۖ وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ
Mana nikhumufimbulila mbu; “Kasia eliaro, embeli wetsimoni tsiefu nende obufimbuli kho olwa likhuwa liefu liliula,(eshialo nishitsula amatsi) awo winjisie buli tsimbia tsibili tsibili. Nende Abandu bobo halali ulia owelikhuwa lilie liamala okhubura, mbu oyo yakhasishe, kho olaboola ninasi khubalia abakholela obubii emioyo chiabu tawe. Toto abo balasishibwa.’’
فَإِذَا ٱسۡتَوَيۡتَ أَنتَ وَمَن مَّعَكَ عَلَى ٱلۡفُلۡكِ فَقُلِ ٱلۡحَمۡدُ لِلَّهِ ٱلَّذِي نَجَّىٰنَا مِنَ ٱلۡقَوۡمِ ٱلظَّٰلِمِينَ
Ne olwa witsa okhunyoola obwihotselefu ewe nende abali halala ninawe mubwaro obo, boola mbu; “oluyali lwosi ni lwa Nyasaye owakhuhabina efwe okhurulana nende Abandu abonooni”
وَقُل رَّبِّ أَنزِلۡنِي مُنزَلًا مُّبَارَكًا وَأَنتَ خَيۡرُ ٱلۡمُنزِلِينَ
Ne boola mbu “Nyasaye wanje, unzishie habundu wetsimbabaasi toto ewe newe omulayi muno wokhwishia.”
إِنَّ فِي ذَٰلِكَ لَأٓيَٰتٍ وَإِن كُنَّا لَمُبۡتَلِينَ
Toto mukano khulinende ameeko amakhongo, ne toto efwe khwali bokhubakholela amatemo
فَأَرۡسَلۡنَا فِيهِمۡ رَسُولًا مِّنۡهُمۡ أَنِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ
Mana nikhubarumila Abarumwa okhurula mubo, okhubaboolela mbu; “mulaame Nyasaye, mubula Nyasaye wundi owulali ye tawe, shimuritsangakhwo tawe?”
وَقَالَ ٱلۡمَلَأُ مِن قَوۡمِهِ ٱلَّذِينَ كَفَرُواْ وَكَذَّبُواْ بِلِقَآءِ ٱلۡأٓخِرَةِ وَأَتۡرَفۡنَٰهُمۡ فِي ٱلۡحَيَوٰةِ ٱلدُّنۡيَا مَا هَٰذَآ إِلَّا بَشَرٌ مِّثۡلُكُمۡ يَأۡكُلُ مِمَّا تَأۡكُلُونَ مِنۡهُ وَيَشۡرَبُ مِمَّا تَشۡرَبُونَ
Mana omukanda kwabakhongo babakhayi okwakhaya nikuyingasia omukhung’ano kweyindukho, mana nikhubayindiasia khubulamu bwo khushialo, baboola mbu; “Uno shini shiosishiosi tawe halali ni Omundu shinga enywe, elitsanga ebiamulitsanga, ne anywetsanga ebia munywetsanga.”
وَلَئِنۡ أَطَعۡتُم بَشَرًا مِّثۡلَكُمۡ إِنَّكُمۡ إِذًا لَّخَٰسِرُونَ
Ne nimuloonda Omundu butswa shinga enywe, mulaba musishile
أَيَعِدُكُمۡ أَنَّكُمۡ إِذَا مِتُّمۡ وَكُنتُمۡ تُرَابًا وَعِظَٰمًا أَنَّكُم مُّخۡرَجُونَ
Abalakanga mbu nimumalile okhufwa nimubeele liloba nende ebikumba, mbu mulilamusibwa
هَيۡهَاتَ هَيۡهَاتَ لِمَا تُوعَدُونَ
Shikanyalikhana tawe , shikanyalikhana tawe, akamulakungwa ako
إِنۡ هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا نَحۡنُ بِمَبۡعُوثِينَ
Toto buno ni obulamu bwo khushialo, khufwitsanga nekhumenyanga, ne efwe shikhulilamusibwa tawe
إِنۡ هُوَ إِلَّا رَجُلٌ ٱفۡتَرَىٰ عَلَى ٱللَّهِ كَذِبًا وَمَا نَحۡنُ لَهُۥ بِمُؤۡمِنِينَ
Toto uno ni Omundu wachishilasa Nyasaye obubeyi ne efwe shikhumusuubila tawe
قَالَ عَمَّا قَلِيلٍ لَّيُصۡبِحُنَّ نَٰدِمِينَ
Naboola mbu; “Ahambi hano betsa okhwiyitsulisia.”
فَأَخَذَتۡهُمُ ٱلصَّيۡحَةُ بِٱلۡحَقِّ فَجَعَلۡنَٰهُمۡ غُثَآءًۚ فَبُعۡدًا لِّلۡقَوۡمِ ٱلظَّٰلِمِينَ
Mana oluyoka nilubabukula khubwatoto mana nikhubakhola shinga amakokha kabenganga khumatsi, nibakorera ehale Abandu ababii
مَا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ
Ne kubulao omukanda kunyala okhuranjilisia indukho yakwo nohomba okhusitia imbeli
ثُمَّ أَرۡسَلۡنَا رُسُلَنَا تَتۡرَاۖ كُلَّ مَا جَآءَ أُمَّةً رَّسُولُهَا كَذَّبُوهُۖ فَأَتۡبَعۡنَا بَعۡضَهُم بَعۡضًا وَجَعَلۡنَٰهُمۡ أَحَادِيثَۚ فَبُعۡدًا لِّقَوۡمٍ لَّا يُؤۡمِنُونَ
Mana nikhuruma Abarumwa befu, mulala inyuma wowundi. Buli omukanda shingala Omurumwa wabu yaboolela bamuyingasia. Nikhubalondiakho abandi mubo khubandi, mana nikhubakholela okhuba tsingano. Bakorera ehale Abandu balasuubilanga
ثُمَّ أَرۡسَلۡنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلۡطَٰنٍ مُّبِينٍ
Mana nikhuruma Musa nende Omusiani wabu Haruni halala nende ebimanyisio biefu, nende ebifune bili habulafu
إِلَىٰ فِرۡعَوۡنَ وَمَلَإِيْهِۦ فَٱسۡتَكۡبَرُواْ وَكَانُواْ قَوۡمًا عَالِينَ
Khwamuruma khu Firauni nende Abandu baye abakhongo, halali bo nibelola nibaba Abandu abafuuru
فَقَالُوٓاْ أَنُؤۡمِنُ لِبَشَرَيۡنِ مِثۡلِنَا وَقَوۡمُهُمَا لَنَا عَٰبِدُونَ
Nibaboola mbu; “Khusuubile Abandu babili bano balisa shinga efwe, ne Abandu babu ni Abasumba befu?”
وَلَقَدۡ ءَاتَيۡنَا مُوسَى ٱلۡكِتَٰبَ لَعَلَّهُمۡ يَهۡتَدُونَ
Ne toto khwahelesia Musa eshitabo mbu bakhaba bario banyoola okhulunjikha
وَجَعَلۡنَا ٱبۡنَ مَرۡيَمَ وَأُمَّهُۥٓ ءَايَةً وَءَاوَيۡنَٰهُمَآ إِلَىٰ رَبۡوَةٍ ذَاتِ قَرَارٍ وَمَعِينٍ
Ne nikhukhola Omwana wa Mariamu nende nyina wuwe okhuba eshimanyisio, ne nikhubahelesia amelushilo, habundu achingukha hali nende obwihotselefu nende tsisebele tsia amatsi
يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٌ
Enywe Abarumwalieebilibwaebilayi ne mukhole amalayi, toto esie endi Omumanyi muno khukamukholanga
وَإِنَّ هَٰذِهِۦٓ أُمَّتُكُمۡ أُمَّةً وَٰحِدَةً وَأَنَا۠ رَبُّكُمۡ فَٱتَّقُونِ
“Ne toto omukanda kwenyu kuno ni omukanda mulala, nasi esie endi Nyasaye wenyu omulesi , kho muurie”
فَتَقَطَّعُوٓاْ أَمۡرَهُم بَيۡنَهُمۡ زُبُرًاۖ كُلُّ حِزۡبِۭ بِمَا لَدَيۡهِمۡ فَرِحُونَ
Mana nibabusia hakari wabu likhuwa lino tsimbeka tsikabukhane. Buli omukanda nikusangalila akakuli ninakwo
فَذَرۡهُمۡ فِي غَمۡرَتِهِمۡ حَتَّىٰ حِينٍ
Kho baleshesa mubukoyani bwabu okhula shinga ebise biula
أَيَحۡسَبُونَ أَنَّمَا نُمِدُّهُم بِهِۦ مِن مَّالٍ وَبَنِينَ
Baparanga mbu bilia ebiakhubahelesinjia Omwandu nende Abana
نُسَارِعُ لَهُمۡ فِي ٱلۡخَيۡرَٰتِۚ بَل لَّا يَشۡعُرُونَ
Nibio bakhubaranjilisinjia khubulayi, halali abeene shibamanyile tawe
إِنَّ ٱلَّذِينَ هُم مِّنۡ خَشۡيَةِ رَبِّهِم مُّشۡفِقُونَ
Toto balia behotselesinjia khulwa okhuria Nyasaye wabu Omulesi
وَٱلَّذِينَ هُم بِـَٔايَٰتِ رَبِّهِمۡ يُؤۡمِنُونَ
Nende balia abasuubilanga ebimanyisio bia Nyasaye wabu Omulesi
وَٱلَّذِينَ يُؤۡتُونَ مَآ ءَاتَواْ وَّقُلُوبُهُمۡ وَجِلَةٌ أَنَّهُمۡ إِلَىٰ رَبِّهِمۡ رَٰجِعُونَ
Nende balia barusinjia abiabahebwa, emioyo chiabu nichiririre mbu balikalukha ewa Nyasaye wabu Omulesi
أُوْلَٰٓئِكَ يُسَٰرِعُونَ فِي ٱلۡخَيۡرَٰتِ وَهُمۡ لَهَا سَٰبِقُونَ
Abo nibo abanguyilanga amakhuwa amalayi, ne nibo bakaranjililanga
وَلَا نُكَلِّفُ نَفۡسًا إِلَّا وُسۡعَهَاۚ وَلَدَيۡنَا كِتَٰبٌ يَنطِقُ بِٱلۡحَقِّ وَهُمۡ لَا يُظۡلَمُونَ
Nafu shikhutukhanga Omundu akaalanyala tawe, ne khuli nende eshitabo eshiboolanga katoto, nabo shibalikholelwa obubii tawe
بَلۡ قُلُوبُهُمۡ فِي غَمۡرَةٍ مِّنۡ هَٰذَا وَلَهُمۡ أَعۡمَٰلٌ مِّن دُونِ ذَٰلِكَ هُمۡ لَهَا عَٰمِلُونَ
Halali emioyo chiabu chili mubukoyano nende ako, ne bali nende ebikhole biabakholanga ebilali ebo (ebia Abandu abalayi bakholanga)
حَتَّىٰٓ إِذَآ أَخَذۡنَا مُتۡرَفِيهِم بِٱلۡعَذَابِ إِذَا هُمۡ يَجۡـَٔرُونَ
Okhula shinga khwitsa okhutila balia bali mubwokholo mubo, awo niwo wabalitsa okhulilikana
لَا تَجۡـَٔرُواْ ٱلۡيَوۡمَۖ إِنَّكُم مِّنَّا لَا تُنصَرُونَ
“Mulalilikana Nyangayino tawe, toto enywe shimulaona okhurulana ninafu tawe”
قَدۡ كَانَتۡ ءَايَٰتِي تُتۡلَىٰ عَلَيۡكُمۡ فَكُنتُمۡ عَلَىٰٓ أَعۡقَٰبِكُمۡ تَنكِصُونَ
Toto mwasomelungwa tsinyaali tsianje, halali enywe mwakalushilanga inyuma nebisisilo bienyu
مُسۡتَكۡبِرِينَ بِهِۦ سَٰمِرًا تَهۡجُرُونَ
Nimwilola , nimuyilomalomakhwo eshilo (khu Ikurani) nimulechele
أَفَلَمۡ يَدَّبَّرُواْ ٱلۡقَوۡلَ أَمۡ جَآءَهُم مَّا لَمۡ يَأۡتِ ءَابَآءَهُمُ ٱلۡأَوَّلِينَ
Koo! Shibaparangakhwo amakhuwa (akayetsa nako Omurumwa Muhammad) Nohomba kabetsela akaletsela bapapa babu beyimbeli
أَمۡ لَمۡ يَعۡرِفُواْ رَسُولَهُمۡ فَهُمۡ لَهُۥ مُنكِرُونَ
Nohomba shibamanya Omurumwa wabu tawe khomana nishichila nibamuyingasinjia
أَمۡ يَقُولُونَ بِهِۦ جِنَّةُۢۚ بَلۡ جَآءَهُم بِٱلۡحَقِّ وَأَكۡثَرُهُمۡ لِلۡحَقِّ كَٰرِهُونَ
Nohomba baboolanga mbu; “(Omurumwa uno) ni omulalu? Halali yabetsela khubwatoto, ne abaanji mubo obwatoto bwabasinya
وَلَوِ ٱتَّبَعَ ٱلۡحَقُّ أَهۡوَآءَهُمۡ لَفَسَدَتِ ٱلسَّمَٰوَٰتُ وَٱلۡأَرۡضُ وَمَن فِيهِنَّۚ بَلۡ أَتَيۡنَٰهُم بِذِكۡرِهِمۡ فَهُمۡ عَن ذِكۡرِهِم مُّعۡرِضُونَ
Ne obwatoto mulondanga obwikombi bwabu, likulu nende eshialo biakhabiyile nende ebilimwo biosi, Halali khwabarerera ametsulisio kabu, halali bo nende ametsulisio kabu beretsanga ehale
أَمۡ تَسۡـَٔلُهُمۡ خَرۡجًا فَخَرَاجُ رَبِّكَ خَيۡرٌۖ وَهُوَ خَيۡرُ ٱلرَّٰزِقِينَ
Nohomba abasabanga omurungo? Halali omurungo kwa Nyasaye wuwo nikwo omulayi, ne niye Omukabi omulayi muno umalayo
وَإِنَّ ٱلَّذِينَ لَا يُؤۡمِنُونَ بِٱلۡأٓخِرَةِ عَنِ ٱلصِّرَٰطِ لَنَٰكِبُونَ
Ne toto balia balasuubilanga mwikulu tawe beretsanga ehale nende injila eyo
وَلَوۡ رَحِمۡنَٰهُمۡ وَكَشَفۡنَا مَا بِهِم مِّن ضُرٍّ لَّلَجُّواْ فِي طُغۡيَٰنِهِمۡ يَعۡمَهُونَ
Ne kata khubabeelanga tsimbabaasi mana khubarusilia obutinyu bwabali ninabo, bakhatsililile mubukori bwabu, nibakoyanile
وَلَقَدۡ أَخَذۡنَٰهُم بِٱلۡعَذَابِ فَمَا ٱسۡتَكَانُواْ لِرَبِّهِمۡ وَمَا يَتَضَرَّعُونَ
Ne toto khwabahelesia eshinyasio (Eshilulu) halali shibakalushila Nyasaye wabu tawe, nohomba shibehotselesia tawe
حَتَّىٰٓ إِذَا فَتَحۡنَا عَلَيۡهِم بَابًا ذَا عَذَابٍ شَدِيدٍ إِذَا هُمۡ فِيهِ مُبۡلِسُونَ
Okhula shingala khwabekulila omuliango kweshinyasio eshilulu, awo niwo Abandu bawesiakho omwoyo
وَهُوَ ٱلَّذِيٓ أَنشَأَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلًا مَّا تَشۡكُرُونَ
Ne ye niye owabalonjela amarwi nende tsimoni nende emioyo, ne matiti muno akamukhupanga orio
وَهُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ
Naye niye owabaswania khushialo ne ni ewuwe amulikhung’asibwa
وَهُوَ ٱلَّذِي يُحۡيِۦ وَيُمِيتُ وَلَهُ ٱخۡتِلَٰفُ ٱلَّيۡلِ وَٱلنَّهَارِۚ أَفَلَا تَعۡقِلُونَ
Ye niye uhelesinjia obulamu nende okhufwisia, ne amakalukhano keshilo nende eshitere ni akeke, koo shimumanyakhwo tawe
بَلۡ قَالُواْ مِثۡلَ مَا قَالَ ٱلۡأَوَّلُونَ
Halali baboolanga shingala Abandu bali imbeli baboolanga
قَالُوٓاْ أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Baboolanga mbu; “Koo olwakhuliba nikhufwile mana nikhuli liloba nende ebikumba, mbu khokhulilamusibwa?”
لَقَدۡ وُعِدۡنَا نَحۡنُ وَءَابَآؤُنَا هَٰذَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ
Toto khwalakwa kano nende bapapa befu bakhale, kano nitsingano tsiakhale butswa
قُل لِّمَنِ ٱلۡأَرۡضُ وَمَن فِيهَآ إِن كُنتُمۡ تَعۡلَمُونَ
Boola; “Liloba nende ebilimwo biosi nibiawina toto nikali mbu mumanyile”
سَيَقُولُونَ لِلَّهِۚ قُلۡ أَفَلَا تَذَكَّرُونَ
Balaboola mbu; “Ni bia Nyasaye” boola: “koo shimwitsulilangakhwo tawe.”
قُلۡ مَن رَّبُّ ٱلسَّمَٰوَٰتِ ٱلسَّبۡعِ وَرَبُّ ٱلۡعَرۡشِ ٱلۡعَظِيمِ
Boola ni wina Omwami Omulesi wa makulu saba nende Omwami Omulesi weshisaala eshikhongo
سَيَقُولُونَ لِلَّهِۚ قُلۡ أَفَلَا تَتَّقُونَ
Balaboola mbu; “Ni bia Nyasaye” Boola; “ kho koo shimuritsanga tawe?”
قُلۡ مَنۢ بِيَدِهِۦ مَلَكُوتُ كُلِّ شَيۡءٍ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ
Boola; “ni wina womumukhono kukwe bulimwo obwami bwa buli eshindu naye niye ulindanga, nesishilindungwa eshia alenyele tawe, toto nimumanyile (mumbolelekhwo)
سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ
Balaboola mbu: “obunyali obo nibwa Nyasaye,” khoboola mbu; “Kho mukatibungwa murie
بَلۡ أَتَيۡنَٰهُم بِٱلۡحَقِّ وَإِنَّهُمۡ لَكَٰذِبُونَ
Khubarerere obwatoto halali toto abo ni ababeyi
مَا ٱتَّخَذَ ٱللَّهُ مِن وَلَدٍ وَمَا كَانَ مَعَهُۥ مِنۡ إِلَٰهٍۚ إِذًا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعۡضُهُمۡ عَلَىٰ بَعۡضٍۚ سُبۡحَٰنَ ٱللَّهِ عَمَّا يَصِفُونَ
Nyasaye abula Omwana yesiyesi , nohomba abulao Nyasaye wundi halala ninaye tawe. Kabetsanga kario buli Nyasaye yakhabukule eshiayaloonga ne abandi mubo bakhashilile abandi, toto Nyasaye ali ehale nende okhufumia khwabamufuminjia okho
عَٰلِمِ ٱلۡغَيۡبِ وَٱلشَّهَٰدَةِ فَتَعَٰلَىٰ عَمَّا يُشۡرِكُونَ
Omumanyi wakefisile nende akali habulafu, ne ali hekulu muno, khukabalia bamutsokasinjia halala ninaye
قُل رَّبِّ إِمَّا تُرِيَنِّي مَا يُوعَدُونَ
Boola; “Nyasaye wanje ni unzechesia eshinyasio eshiabalakungwa
رَبِّ فَلَا تَجۡعَلۡنِي فِي ٱلۡقَوۡمِ ٱلظَّٰلِمِينَ
Nyasaye wanje Omulesi olasaasia halala nende Abandu ababii abo tawe
وَإِنَّا عَلَىٰٓ أَن نُّرِيَكَ مَا نَعِدُهُمۡ لَقَٰدِرُونَ
Netoto efwe okhukhwechesia akakhwalaka khuli abamanyala
ٱدۡفَعۡ بِٱلَّتِي هِيَ أَحۡسَنُ ٱلسَّيِّئَةَۚ نَحۡنُ أَعۡلَمُ بِمَا يَصِفُونَ
Ikalila amabii khukhukhola amalayi efwe khumanyile muno akababoolanga
وَقُل رَّبِّ أَعُوذُ بِكَ مِنۡ هَمَزَٰتِ ٱلشَّيَٰطِينِ
Ne boola mbu; “Nyasaye wanje Omulesi ndilinda khwiwe okhurulana nende eshibeyibeyi shia Mashetani.”
وَأَعُوذُ بِكَ رَبِّ أَن يَحۡضُرُونِ
Ne ndiliinda khwiwe Nyasaye wanje Omulesi kalasitakhwo tawe
حَتَّىٰٓ إِذَا جَآءَ أَحَدَهُمُ ٱلۡمَوۡتُ قَالَ رَبِّ ٱرۡجِعُونِ
Okhuula Olwa lifwa liulila mulala wabu aboola mbu; “Nyasaye wanje ngalusia khushialo.”
لَعَلِّيٓ أَعۡمَلُ صَٰلِحًا فِيمَا تَرَكۡتُۚ كـَلَّآۚ إِنَّهَا كَلِمَةٌ هُوَ قَآئِلُهَاۖ وَمِن وَرَآئِهِم بَرۡزَخٌ إِلَىٰ يَوۡمِ يُبۡعَثُونَ
Ndakhaba endio ndakhola amalayi kandalekha(Abamalaika balimukalusia mbu) Shikari kario tawe, ni likhuwa butswa lialomalomanga ye mwene, ne imbeli wabu khuli nende obulamu bwemakombe okhula inyanga yokhulamusibwa
فَإِذَا نُفِخَ فِي ٱلصُّورِ فَلَآ أَنسَابَ بَيۡنَهُمۡ يَوۡمَئِذٍ وَلَا يَتَسَآءَلُونَ
Olwa olwika lulikhupwa owo olwikho shilulibaho inyanga eyo tawe, ne shibalireebana tawe
فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ
Kho balia abamalayi kabu kaliba amasiro abo nibo balibura
وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ فِي جَهَنَّمَ خَٰلِدُونَ
Ne balia abamalayi kabu kaliba amangu, abo betibia abeene, ne baliikhala mumulilo tsinyanga tsiosi
تَلۡفَحُ وُجُوهَهُمُ ٱلنَّارُ وَهُمۡ فِيهَا كَٰلِحُونَ
Omulilo kulinyibulula obweni bwabu, nabo baliyenyelamwo ameno khukhunyakhana
أَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَكُنتُم بِهَا تُكَذِّبُونَ
Koo! Tsinyali tsianje shimwasomelungwa nanyu nimutsiyingasia
قَالُواْ رَبَّنَا غَلَبَتۡ عَلَيۡنَا شِقۡوَتُنَا وَكُنَّا قَوۡمًا ضَآلِّينَ
Baliboola mbu; “Nyasaye wefu Omulesi, obubii bwefu bwakhuyinga muno, mana nikhuba Abandu abakori
رَبَّنَآ أَخۡرِجۡنَا مِنۡهَا فَإِنۡ عُدۡنَا فَإِنَّا ظَٰلِمُونَ
Nyasaye wefu Omulesi khurusie mumulilo kuno,(okhukalusie khushialo khukhole amalayi,) nenikhukalulishila khandi khulaba ababii
قَالَ ٱخۡسَـُٔواْ فِيهَا وَلَا تُكَلِّمُونِ
Aliboola mbu; “Nyiremwo tsi!! Nemulalomialomia tawe.”
إِنَّهُۥ كَانَ فَرِيقٌ مِّنۡ عِبَادِي يَقُولُونَ رَبَّنَآ ءَامَنَّا فَٱغۡفِرۡ لَنَا وَٱرۡحَمۡنَا وَأَنتَ خَيۡرُ ٱلرَّٰحِمِينَ
Toto omukanda kwaliwo kwabasumba banje, kwaboolanga mbu; “Nyasaye wefu khusuubile, kho khuleshele ebionono biefu, ne okhubeele tsimbabaasi nawe newe owetsimbabaasi okhushila boosi.”
فَٱتَّخَذۡتُمُوهُمۡ سِخۡرِيًّا حَتَّىٰٓ أَنسَوۡكُمۡ ذِكۡرِي وَكُنتُم مِّنۡهُمۡ تَضۡحَكُونَ
Mana nimubakholela omachayo, mana okhula shinga babakoyania okhunzitsulila, nemwabatsekhanga
إِنِّي جَزَيۡتُهُمُ ٱلۡيَوۡمَ بِمَا صَبَرُوٓاْ أَنَّهُمۡ هُمُ ٱلۡفَآئِزُونَ
Toto esie abarunjile inyanga yino khulwa okhwifwila khwabu, abo nibo abalibura
قَٰلَ كَمۡ لَبِثۡتُمۡ فِي ٱلۡأَرۡضِ عَدَدَ سِنِينَ
Aliboola mbu; “Mwekhala ebise biyela birie khushialo, khukhubala khwemika?”
قَالُواْ لَبِثۡنَا يَوۡمًا أَوۡ بَعۡضَ يَوۡمٍ فَسۡـَٔلِ ٱلۡعَآدِّينَ
Baliboola mbu; “khwekhalamwo inyanga ndala nohomba ebise muyinyanga, kho reba balia ababalanga
قَٰلَ إِن لَّبِثۡتُمۡ إِلَّا قَلِيلًاۖ لَّوۡ أَنَّكُمۡ كُنتُمۡ تَعۡلَمُونَ
Aliboola mbu; “Enywe shimwekhalamwo halali ebise bititi butswa, mumanyakhwo!.”
أَفَحَسِبۡتُمۡ أَنَّمَا خَلَقۡنَٰكُمۡ عَبَثًا وَأَنَّكُمۡ إِلَيۡنَا لَا تُرۡجَعُونَ
Koo! Muparanga mbu khwabaloonga eshikhaya butswa, ne mbu enywe shimulikalusibwa khwifwe tawe
فَتَعَٰلَى ٱللَّهُ ٱلۡمَلِكُ ٱلۡحَقُّۖ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡكَرِيمِ
Niwoluyali Nyasaye Omwami watoto, abulaho ulaamungwa khubwatoto halali Ye, Nyasaye weshisaala shioluyali
وَمَن يَدۡعُ مَعَ ٱللَّهِ إِلَٰهًا ءَاخَرَ لَا بُرۡهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓۚ إِنَّهُۥ لَا يُفۡلِحُ ٱلۡكَٰفِرُونَ
Ne ulia ulaamanga halala nende Nyasaye, nyasaye wundi, ye abula eshifune okhukhola ario, ne toto isabu yiyie ili khu Nyasaye wuwe Omulesi. netoto abakhayi shibalibura tawe
وَقُل رَّبِّ ٱغۡفِرۡ وَٱرۡحَمۡ وَأَنتَ خَيۡرُ ٱلرَّٰحِمِينَ
Ne boola mbu; “Nyasaye wanje! Leshela ne obeele tsimbabaasi, newe toto Omulayi wababeeli betsimbabaasi
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.