Surah 74 · 56 verses · Abdullah J. M. Adini And Students

Surah Al-Muddaththir in Shona

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

74:1

يَٰٓأَيُّهَا ٱلۡمُدَّثِّرُ

Iwe (Muhammad (SAW)) akaputirirwa mumachira

74:2

قُمۡ فَأَنذِرۡ

Muka uyambire

74:3

وَرَبَّكَ فَكَبِّرۡ

Uyezve kudza Tenzi vako (Allah)

74:4

وَثِيَابَكَ فَطَهِّرۡ

Zvekare iva unochenesa nhumbi dzako

74:5

وَٱلرُّجۡزَ فَٱهۡجُرۡ

Uyezve iva unoswedera kure ne Ar-Rujz (zvidhori/zviumbwa)

74:6

وَلَا تَمۡنُن تَسۡتَكۡثِرُ

Zvekare usave unopa chinhu kuti uwane zvakawanda (kana kuti usave unoona kuita mabasa kwaunoita semutsa kuna Allah)

74:7

وَلِرَبِّكَ فَٱصۡبِرۡ

Uyezve iva unotsungira kuti ufadze Tenzi vako (Allah)

74:8

فَإِذَا نُقِرَ فِي ٱلنَّاقُورِ

Pedzezvo kana hwamanda ichinge yaridzwa (kuridzwa kwehwamanda kwechipiri)

74:9

فَذَٰلِكَ يَوۡمَئِذٍ يَوۡمٌ عَسِيرٌ

Muzvokwadi zuva iroro rinenge riri zuva rakaoma

74:10

عَلَى ٱلۡكَٰفِرِينَ غَيۡرُ يَسِيرٍ

Risiri nyore (zvamuchose) kumaKuffaar (vasingatendi)

74:11

ذَرۡنِي وَمَنۡ خَلَقۡتُ وَحِيدًا

Chindisiya (ini Allah) (ndipedzerane neuyo) wandakasika ari oga (asina hupfumi kana vana nezvimwewo zvakadaro uyo anonzi Al-Waleed bin Al-Mugheerah Al-Makhzoomi)

74:12

وَجَعَلۡتُ لَهُۥ مَالًا مَّمۡدُودًا

Uyezve pedzezvo (ini Allah) ndakamupa hupfumi uzhinji

74:13

وَبَنِينَ شُهُودًا

Uyezve nevana kuti vave padivi pake

74:14

وَمَهَّدتُّ لَهُۥ تَمۡهِيدًا

Zvekare (ini Allah) ndakaita kuti hupenyu huve hunoendeka zvakanaka (nekufara) kwaari

74:15

ثُمَّ يَطۡمَعُ أَنۡ أَزِيدَ

Pedzezvo anoshuwira kuti ndiwedzere

74:16

كـَلَّآۖ إِنَّهُۥ كَانَ لِأٓيَٰتِنَا عَنِيدًا

Kwete! Muzvirokwazvo akanga achipikisa maAayaat edu (zvidzidzo, ndima, nezviratidzo)

74:17

سَأُرۡهِقُهُۥ صَعُودًا

Ndicharovekedza kwaari (kuti akwire gomo rinotsvedza muJahannam rinonzi Sa’uood kana) kuti awane mutongo wakaoma

74:18

إِنَّهُۥ فَكَّرَ وَقَدَّرَ

Muzvirokwazvo, akadzamisa pfungwa mukufunga pamwe nekuronga

74:19

فَقُتِلَ كَيۡفَ قَدَّرَ

Naizvozvo siyai arengerwe (apihwe rushambwa), hazvina basa marongero (mazengezero) anoita

74:20

ثُمَّ قُتِلَ كَيۡفَ قَدَّرَ

Pedzezvo ngaarengerwe zvekare (ngaapihwe rushambwa zvekare), hazvina basa marongero (mazengezero) anoita

74:21

ثُمَّ نَظَرَ

Pedzezvo akafunga

74:22

ثُمَّ عَبَسَ وَبَسَرَ

Pedzezvo akafinyama, uye ndokutaridza kukanganisirwa

74:23

ثُمَّ أَدۡبَرَ وَٱسۡتَكۡبَرَ

Pedzezvo ndokucheuka shure (kufuratira), uye achizvikudza

74:24

فَقَالَ إِنۡ هَٰذَآ إِلَّا سِحۡرٌ يُؤۡثَرُ

Ndokuti: “Izvi hazvisi chimwe chinhu kunze kwehuroyi uyo wekare.”

74:25

إِنۡ هَٰذَآ إِلَّا قَوۡلُ ٱلۡبَشَرِ

“Izvi hazvisi chimwe chinhu kunze kweshoko (izwi) remunhu!”

74:26

سَأُصۡلِيهِ سَقَرَ

(Ini Allah) ndichave ndinomukanda (mugomba remoto) muGehena

74:27

وَمَآ أَدۡرَىٰكَ مَا سَقَرُ

Uye chiiko chichakuzivisa nezveGehena

74:28

لَا تُبۡقِي وَلَا تَذَرُ

Haritombosiyi (mutadzi wese) kana kuregera (kana nechinhu chipi zvacho chisina kutsva)

74:29

لَوَّاحَةٌ لِّلۡبَشَرِ

Richingopisa nekusvibisa makanda (evanhu)

74:30

عَلَيۡهَا تِسۡعَةَ عَشَرَ

Pamusoro paro pane ngirozi (19) gumi nepfumbamwe (Ngirozi dzinochengetedza Jahannam)

74:31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةًۖ وَمَا جَعَلۡنَا عِدَّتَهُمۡ إِلَّا فِتۡنَةً لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنًا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٌ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلًاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Uye hatina kuisa vamwe sevachengetedzi veJahannam kunze kwengirozi. Uye takave tinotara huwandu hwadzo (19) semuyedzo kune (avo) vasingatendi, nechinangwa chokuti avo vakapuhwa Bhuku (Gwaro) (maJudha nemaKristu) vave nechokwadi nazvo (kuti Qur’aan irori ndere chokwadi uyezve rine chokwadi chose nekuwirirana neMabhuku (Taurah, Injeel) panyaya dzouwandu wengirozi dziri pamusoro peJahannam (19)), uye kuti vatendi vave vanowedzera kutenda (Iymaan) kwavo, zvekare vanhu veBhuku pamwe nevatendi kuti vasave nokusagutsikana, uye kuti avo vane chirwere (chehunyengedzi) mumoyo yavo pamwe neavo vasingatendi vataure kuti: “Ko Allah vanodeiko kuburikidza nemuenzaniso uyu?” Saizvozvo Allah vanorasisa uyo wavanoda pamwe nekutungamirira wavanoda (mugwara rakaswatuka). Uye hakuna anoziva mauto aTenzi vako (Allah) kunze kwavo chete. Zvekare (Gehena iri) hapana zvariri kunze kwekuti (iyambiro) iyeuchidzo kune vanhu

74:32

كـَلَّا وَٱلۡقَمَرِ

Kwete! (Ndinopika) nemwedzi

74:33

وَٱلَّيۡلِ إِذۡ أَدۡبَرَ

Uyezve (ndinopika) nehusiku kana hwavakuenda

74:34

وَٱلصُّبۡحِ إِذَآ أَسۡفَرَ

Uyezve (ndinopika) nemambakwedza kana kochena

74:35

إِنَّهَا لَإِحۡدَى ٱلۡكُبَرِ

Zvirokwazvo, (Gehena, kana kuti kuramba kwavo Muhammad (SAW), kana kuti zuva rekutongwa) chimwe chezviratidzo zvikuru kuru

74:36

نَذِيرًا لِّلۡبَشَرِ

Iyambiro kuvanhu

74:37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kune mumwe pakati penyu anenge ada kuenda mberi (achiita mabasa akanaka), kana kusaririra (achiita mabasa akaipa)

74:38

كُلُّ نَفۡسِۭ بِمَا كَسَبَتۡ رَهِينَةٌ

Munhu wose atori chitsiidzo kune zvose zvaaiwana

74:39

إِلَّآ أَصۡحَٰبَ ٱلۡيَمِينِ

Kunze kweavo vari kurudyi (vaiti/vabati vemabasa akanaka)

74:40

فِي جَنَّٰتٍ يَتَسَآءَلُونَ

Mumapindu (muParadhiso) vachabvunzana

74:41

عَنِ ٱلۡمُجۡرِمِينَ

Maererano nemaMujrimoon (avo vasingatendi, vanonamata zvinhu zvizhinji, vanoita mabasa akaipa). (Uye vachati kwavari)

74:42

مَا سَلَكَكُمۡ فِي سَقَرَ

“Ko chiiko chaita kuti mupinde muGehena?”

74:43

قَالُواْ لَمۡ نَكُ مِنَ ٱلۡمُصَلِّينَ

Vachati: “Takanga tisiri pamwe nemaMuswalleen (avo vanonamata).”

74:44

وَلَمۡ نَكُ نُطۡعِمُ ٱلۡمِسۡكِينَ

“Uyezve takanga tisingapewo chikafu kune avo vanotambura.”

74:45

وَكُنَّا نَخُوضُ مَعَ ٱلۡخَآئِضِينَ

“Zvekare taitaura manyepo (zvose zvakavengwa naAllah) tiri pamwe neavo vanotaura zvisina maturo (basa).”

74:46

وَكُنَّا نُكَذِّبُ بِيَوۡمِ ٱلدِّينِ

“Uyezve tairamba (kuti kune) zuva rokutongwa (remugove/remubairo).”

74:47

حَتَّىٰٓ أَتَىٰنَا ٱلۡيَقِينُ

“Kusvikira muzvokwadi auya (rufu).”

74:48

فَمَا تَنفَعُهُمۡ شَفَٰعَةُ ٱلشَّٰفِعِينَ

Naizvozvo hapana reverero yevarevereri ichavabatsira

74:49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Pedzezvo chiiko chinovanetsa (avo vasingatendi) zvokusvika pakufuratira yeuchidzo

74:50

كَأَنَّهُمۡ حُمُرٌ مُّسۡتَنفِرَةٌ

Sekunge vari madhongi emusango (ari kutya)

74:51

فَرَّتۡ مِن قَسۡوَرَةِۭ

(MaDhongi) arikutiza muvhimi (kana kuti shumba kana kuti mhuka inowadya)

74:52

بَلۡ يُرِيدُ كُلُّ ٱمۡرِيٍٕ مِّنۡهُمۡ أَن يُؤۡتَىٰ صُحُفًا مُّنَشَّرَةً

Asi mumwe nemumwe wavo anoda kuti apihwe mapeji (mashizha) akawaridzwa (achibva kuna Allah akanyorwa kunzi Islaam ndicho chitendero chechokwadi, uye Muhammad (SAW) auya nechokwadi kubva kuna Allah, Tenzi vematenga nenyika

74:53

كـَلَّاۖ بَل لَّا يَخَافُونَ ٱلۡأٓخِرَةَ

Kwete! Havatombotye Aakhirah (hupenyu hwemangwana – mirango yaAllah)

74:54

كـَلَّآ إِنَّهُۥ تَذۡكِرَةٌ

Kwete! Muzvirokwazvo, (Qur’aan) iri iyeuchidzo

74:55

فَمَن شَآءَ ذَكَرَهُۥ

Naizvozvo uyo anenge ada (musiyei ariverenge), uyezve ave anotambira chirayiro (kubva kwariri)

74:56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Uye havatombotambira rairo kunze kwekuti Allah vada. Ivo (Allah) ndivo voga vanokodzera kityiwa nevanhu (uyezve kunamatwa, uye vanhu havafanire kuvasanganisa nezvimwe zvinhu pakuvanamata), uyezve ndivo voga vanoregerera zvitadzo

Translation: Abdullah J. M. Adini And Students.