Surah 74 · 56 verses · Muhammad Bin Abdul Hamid Silika

Surah Al-Muddaththir in Yau

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

74:1

يَٰٓأَيُّهَا ٱلۡمُدَّثِّرُ

E, mmwe ŵan'diunichile nguwo

74:2

قُمۡ فَأَنذِرۡ

Jimani ni mwaatetele (ŵandu)

74:3

وَرَبَّكَ فَكَبِّرۡ

Soni Ambuje ŵenu (Allah) mwakusyaani

74:4

وَثِيَابَكَ فَطَهِّرۡ

Soni nguwo syenu siswejesyani

74:5

وَٱلرُّجۡزَ فَٱهۡجُرۡ

Soni yakusakala (mpela isanamu) iŵambalani

74:6

وَلَا تَمۡنُن تَسۡتَكۡثِرُ

Soni ngasimumpa (jwinejwakwe chindu) ni ligongo lyakuti mpochele yejinji

74:7

وَلِرَبِّكَ فَٱصۡبِرۡ

Soni ligongo lya Ambuje ŵenu (Allah) pililani

74:8

فَإِذَا نُقِرَ فِي ٱلنَّاقُورِ

Basi ndema jalichigombedwa lipenga

74:9

فَذَٰلِكَ يَوۡمَئِذٍ يَوۡمٌ عَسِيرٌ

Lyele lisikulyotu lichiŵa lisiku lyakunonopa kusyene

74:10

عَلَى ٱلۡكَٰفِرِينَ غَيۡرُ يَسِيرٍ

Kwa achimakafili ngasiliŵa lyakwepepala

74:11

ذَرۡنِي وَمَنۡ خَلَقۡتُ وَحِيدًا

Munekaani ni mundu jwanan'gumbile jikajikape

74:12

وَجَعَلۡتُ لَهُۥ مَالًا مَّمۡدُودًا

Ninampele ipanje yejinji

74:13

وَبَنِينَ شُهُودًا

Ni ŵanache ŵakuŵanajo

74:14

وَمَهَّدتُّ لَهُۥ تَمۡهِيدًا

Ni nankolochesye (ndamo jakwe) kunkolochesya kwambone nnope

74:15

ثُمَّ يَطۡمَعُ أَنۡ أَزِيدَ

Panyuma pakwe jukolaga tama janti ndili nan'jonjechesye

74:16

كـَلَّآۖ إِنَّهُۥ كَانَ لِأٓيَٰتِنَا عَنِيدًا

Kwapi! Chisimu jwalakwejo jwaliji nkugakanila maaya Getu

74:17

سَأُرۡهِقُهُۥ صَعُودًا

Chingankanganichisye ku ilagasyo yakusausya kuikwela

74:18

إِنَّهُۥ فَكَّرَ وَقَدَّرَ

Chisimu jwalakwe jwachetelele (yatajile paajigamba Qur’an) ni jwapimiile

74:19

فَقُتِلَ كَيۡفَ قَدَّرَ

Basi julwesedwe, ana jwapimiile chantiuli

74:20

ثُمَّ قُتِلَ كَيۡفَ قَدَّرَ

Soni julwesedwe, ana jwapimiile chantiuli

74:21

ثُمَّ نَظَرَ

Kaneka ni jwalolite (ŵandu)

74:22

ثُمَّ عَبَسَ وَبَسَرَ

Kaneko ni jwautile sinya ni kusakasya kungope (kulosya ukali)

74:23

ثُمَّ أَدۡبَرَ وَٱسۡتَكۡبَرَ

Kaneko soni jwachitundumalile (chikulupi) ni kulikwesya

74:24

فَقَالَ إِنۡ هَٰذَآ إِلَّا سِحۡرٌ يُؤۡثَرُ

Ni jwatite: “Nganijiŵatu jalakwe (Qur’aniji) ikaŵeje usaŵi waukupocheledwa (kuumila kwa asaŵi ŵakala).”

74:25

إِنۡ هَٰذَآ إِلَّا قَوۡلُ ٱلۡبَشَرِ

“Nganijiŵatu jalakwe (Qur’aniji) ikaŵeje maloŵe ga mundu.”

74:26

سَأُصۡلِيهِ سَقَرَ

Sampano tinan'jinjisye ku Saqara

74:27

وَمَآ أَدۡرَىٰكَ مَا سَقَرُ

Ana ni chichi champaka chimmanyisye ya Saqara

74:28

لَا تُبۡقِي وَلَا تَذَرُ

(Weletu ni Moto) wangasigasya (chilichose chachiponyedwemo) soni wangachileka (kuti chikopoche)

74:29

لَوَّاحَةٌ لِّلۡبَشَرِ

Wakutinisya ni kuŵiilisya lipende

74:30

عَلَيۡهَا تِسۡعَةَ عَشَرَ

Pa walakweo pana (Achimalika ŵakuugosa) ŵakwana likumi kwisa nsano nancheche

74:31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةًۖ وَمَا جَعَلۡنَا عِدَّتَهُمۡ إِلَّا فِتۡنَةً لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنًا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٌ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلًاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ni nganitwaaŵiika akuuloleela Moto ikaŵeje Achimalaika, soni nganituchiŵiika chiŵalanjilo chaocho ikaŵeje kuŵa mayeso gakwalinjila achimakafili, kuti asimichisye ŵandu ŵaŵapedwile chitabu (ya chiŵalanjilochi), ni kuti soni ajonjechesye chikulupi chao ŵandu ŵaakulupilile, soni kuti akakaichila ŵandu ŵaŵapedwile chitabu ni ŵakulupilila, ni kuti soni aŵala ŵamuli m’mitima mwao mwana ulwele (wa unakunaku) ni achimakafili ajileje: “Ana Allah akusaka chichi pachilandanyo chalakwechi?” Iyyoyopeyo niyaakutiji Allah pa kunnechelela kusokonechela jwansachile ni kun'jongola jwansachile. Ni pangali ŵaakumanyilila mikutula ja asilikali ŵa Ambuje ŵenu ikaŵeje Jwelepejo. Ni nganiuŵa Walakwe (Motowo) ikaŵeje chikumbusyo kwa ŵandu (cha kwatetela nacho)

74:32

كـَلَّا وَٱلۡقَمَرِ

Ngwamba! Nguulumbila mwesi

74:33

وَٱلَّيۡلِ إِذۡ أَدۡبَرَ

Ni chilo ndema jachikutyoka (pakucha)

74:34

وَٱلصُّبۡحِ إِذَآ أَسۡفَرَ

Ni kumasikusiku ndema jakukulanguka

74:35

إِنَّهَا لَإِحۡدَى ٱلۡكُبَرِ

Chisimu Walakwe (Motowo) uŵele limpepe (m’makungu) gekulungwa nnope

74:36

نَذِيرًا لِّلۡبَشَرِ

Chitetelo kwa ŵandu

74:37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa jwalijose mwa jenumanja jwaasachile kuti alongolele (pakutenda yambone) kapena kusigalila (pakupanganya yakusakala)

74:38

كُلُّ نَفۡسِۭ بِمَا كَسَبَتۡ رَهِينَةٌ

Mundu jwalijose tachiŵa uwombosi wakuliombolela ku (yakusakala) yaŵapanganyisye (pakutaŵidwa ku Moto)

74:39

إِلَّآ أَصۡحَٰبَ ٱلۡيَمِينِ

Ikaŵeje aŵala ŵakunkono wan'dyo

74:40

فِي جَنَّٰتٍ يَتَسَآءَلُونَ

(Chachiŵa) m’Matimbe ga ku Mbepo achiwuusyanaga

74:41

عَنِ ٱلۡمُجۡرِمِينَ

Ya (ŵandu) ŵakuleŵa

74:42

مَا سَلَكَكُمۡ فِي سَقَرَ

“Ana ni chichi chachin'jinjisye ŵanganyammwe ku Saqara?”

74:43

قَالُواْ لَمۡ نَكُ مِنَ ٱلۡمُصَلِّينَ

(Pakwanga) chachitiji: “Nganituŵa mwa akuswali.”

74:44

وَلَمۡ نَكُ نُطۡعِمُ ٱلۡمِسۡكِينَ

“Soni nganituŵa nkwaaliisya masikini.”

74:45

وَكُنَّا نَخُوضُ مَعَ ٱلۡخَآئِضِينَ

“Ni twaliji nkutiŵila (mu sambi) pamo ni akutiŵila.”

74:46

وَكُنَّا نُكَذِّبُ بِيَوۡمِ ٱلدِّينِ

“Ni twaliji soni nkukanila ya Lisiku Lyamalipilo.”

74:47

حَتَّىٰٓ أَتَىٰنَا ٱلۡيَقِينُ

“Mpaka chatuichilile chiwa.”

74:48

فَمَا تَنفَعُهُمۡ شَفَٰعَةُ ٱلشَّٰفِعِينَ

Basi ngasichija kwakamuchisya ŵanganyao chondechonde cha akuchondelela

74:49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Ana chipali chichi kukwao chikwatendekasya kuchitundumalila chikumbusyo (Qur’an)

74:50

كَأَنَّهُمۡ حُمُرٌ مُّسۡتَنفِرَةٌ

(Kakwipuche kakwe kuti akajipikana Qur’an) gamba kuŵa ŵanganyao mpela mbunda (syamwitinji) syasikwipusyidwe

74:51

فَرَّتۡ مِن قَسۡوَرَةِۭ

Syasikutila lisimba

74:52

بَلۡ يُرِيدُ كُلُّ ٱمۡرِيٍٕ مِّنۡهُمۡ أَن يُؤۡتَىٰ صُحُفًا مُّنَشَّرَةً

Yeti mundu jwalijose mwa ŵanganyao akusakaga ali apedwile ikalakala yeunukule-unukule (kuumila kwa Allah kutendela umboni yakuŵecheta Muhammadi ﷺ)

74:53

كـَلَّاۖ بَل لَّا يَخَافُونَ ٱلۡأٓخِرَةَ

Ngwamba! Nambo kuti ŵanganyao ngaakujijogopa Akhera

74:54

كـَلَّآ إِنَّهُۥ تَذۡكِرَةٌ

Ngwamba! Chisimu jalakwe (Qur’aniji) jiŵele chikumbusyo

74:55

فَمَن شَآءَ ذَكَرَهُۥ

Basi jwaakusaka taalikumbusye najo

74:56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ni nganaŵa alikumbwisye ŵanganyao ikaŵeje naga Allah ali asachile. Jwalakwe ni jwaali Jwakuŵajilwa kogopedwa soni ni Nysene chikululuko

Translation: Muhammad Bin Abdul Hamid Silika.