Surah 56 · 96 verses · Tgk. H. Mahjiddin Jusuf
Surah Al-Waqi'ah in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Nyang blah wie teuma peue jeut teuh takheu
وَٱلسَّٰبِقُونَ ٱلسَّٰبِقُونَ
Nyang awai bandum ureueng nyang sudah Nyang dilee mantong bak awai mula
عَلَىٰ سُرُرٍ مَّوۡضُونَةٍ
Teumpat geuh meuhat ateuh peuratah Peuratah nyan dum got that meupatroe Deungon meupudi hu meujeureulah
مُّتَّكِـِٔينَ عَلَيۡهَا مُتَقَٰبِلِينَ
Meuhadap-hadap geuduek di sinan Meusadeue seunang hanaban peugah
يَطُوفُ عَلَيۡهِمۡ وِلۡدَٰنٌ مُّخَلَّدُونَ
Jiidang gopnyan jilingka-lingka Le aneuk muda nyang ceudah-ceudah Di jih lom keukai muda beulia
بِأَكۡوَابٍ وَأَبَارِيقَ وَكَأۡسٍ مِّن مَّعِينٍ
Bak jaroe jiba ciriek deungon glah le nyang jeureuengeh nyang ladat rasa Bak ie mon mata cit le sileupah
لَّا يُصَدَّعُونَ عَنۡهَا وَلَا يُنزِفُونَ
Han jeuet keu mabok ‘oh geujep ie nyan Han jeuet keu mumang bandum puleh grah
كَأَمۡثَٰلِ ٱللُّؤۡلُوِٕ ٱلۡمَكۡنُونِ
Sang-sang meutia gohlom meutatah Ba ngon meutia mantong lam peutoe
جَزَآءَۢ بِمَا كَانُواْ يَعۡمَلُونَ
Bandum atra nyoe jeut keu beunalah Sabab dilee buet geuh jroh hanaban Nyan keuh balasan Neubri le Allah
لَا يَسۡمَعُونَ فِيهَا لَغۡوًا وَلَا تَأۡثِيمًا
Han tom geudeungo narit nyang kuto Hana meusigo narit nyang salah
إِلَّا قِيلًا سَلَٰمًا سَلَٰمًا
Narit di sinan saleum seulamat Ngon rakan sahbat ureueng meutuah
وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Ureueng rot uneun saboh golongan Pakri ureueng nyan jeut teuh tapeugah
لَّا مَقۡطُوعَةٍ وَلَا مَمۡنُوعَةٍ
Hana tom reuda sinan geukeubah Hana soe larang peue-peue nyang hawa Teuh tacok sigra hana soe bantah
وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Ureueng nyang rot wie saboh golongan Pakri ureueng nyan jeut teuh tapeugah
وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Hana jipiyoh jipubuet dacha Nyang salah raya hanaban peugah
وَكَانُواْ يَقُولُونَ أَئِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Jikheun lom di jih tanyoe ‘oh mate Meusapeue tan le beuna ngon salah Ka jeut keu tanoh tinggai meutuleung Ek udep teuh lom nyan jijak peugah
قُلۡ إِنَّ ٱلۡأَوَّلِينَ وَٱلۡأٓخِرِينَ
Takheun nyang dilee pih saban leupah Dilee ngon dudoe bandum pih saban
لَمَجۡمُوعُونَ إِلَىٰ مِيقَٰتِ يَوۡمٍ مَّعۡلُومٍ
Meusapat keunan tapiyoh payah Meu ka troh uroe haro-hara that
ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Gata nyang sisat teuma that susah Nyang takheun sulet uroe kiamat
لَأٓكِلُونَ مِن شَجَرٍ مِّن زَقُّومٍ
Jinoe dum meuhat pajoh boh salah Pajoh boh zaqum dalam nuraka Bak jih be raya na meutan darah
هَٰذَا نُزُلُهُمۡ يَوۡمَ ٱلدِّينِ
Nyan keuh geuidang keu ureueng salah Nyan keuh balasan uroe kiamat
نَحۡنُ خَلَقۡنَٰكُمۡ فَلَوۡلَا تُصَدِّقُونَ
Gata meupeujeuet nak taeu susah Kamoe nyang peujeuet pih han tapateh
ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Peue gata peujeuet tacuba peugah Atawa Kamoe nyang peujeuet gata
نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Peumate gata pih hana susah Kamoe peuteuntee jan mate gata Han ek talumba Kamoe beu kalah
عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Juet Kamoe gantoe ngon ureueng laen Ngon gata saban sit hana ubah Teuma meupeujeuet gata ‘oh dudoe Han ek tateupue pakri meuulah
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Sit gata teupue Kamoe peujeuet phon Teuma pakon han tatueng phaedah
ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Peue gata pula peutimoh bagah Atawa Kamoe nyang peutimoh nyan
لَوۡ نَشَآءُ لَجَعَلۡنَٰهُ حُطَٰمًا فَظَلۡتُمۡ تَفَكَّهُونَ
Meu tho Iheuh nyan soe peugot ulah Meunyo h‘eut Kamoe abeh meupeutho Takalon anco hireuen teuh leupah
بَلۡ نَحۡنُ مَحۡرُومُونَ
Meusapeue pih tan tinggai geukeubah Hana meusapeue pih na nyang tinggai Hana le beukai tan na napakah
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Sideh lam awan keunoe geuruwah Peue gata peutron atawa Kamoe Keunoe u bumoe cuba tapeugah
لَوۡ نَشَآءُ جَعَلۡنَٰهُ أُجَاجًا فَلَوۡلَا تَشۡكُرُونَ
Meunyo hʻeut Kamoe bandum ie masen Pakon han tatem chuko keu Allah
أَفَرَءَيۡتُمُ ٱلنَّارَ ٱلَّتِي تُورُونَ
Na roe takalon tapeudep apui Kayee tabalui jeut keu peukakah
ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Gata nyang peutho bandum kayee nyoe Mangat apui nyoe jitem hu bagah Atawa Kamoe nyang peujeuet dum nyan
نَحۡنُ جَعَلۡنَٰهَا تَذۡكِرَةً وَمَتَٰعًا لِّلۡمُقۡوِينَ
Jeuet peulajaran tatueng phaedah Keu ureueng jak-jak jeuet keu peuingat Geu tueng munaphaʻat pih le that leupah
فَسَبِّحۡ بِٱسۡمِ رَبِّكَ ٱلۡعَظِيمِ
Takheun teuseubeh ngon Nan Po gata Nyang Maha Raya nyang Maha Murah
فَلَآ أُقۡسِمُ بِمَوَٰقِعِ ٱلنُّجُومِ
Ulon meusumpah ngon teumpat bintang Teumpat-teumpat nyan di langet luah
وَإِنَّهُۥ لَقَسَمٌ لَّوۡ تَعۡلَمُونَ عَظِيمٌ
Meusumpah ngon nyan meu na tateupue Keubit atra nyoe raya sileupah
لَّا يَمَسُّهُۥٓ إِلَّا ٱلۡمُطَهَّرُونَ
Barangsoe keunan han troh jilangkah Meulengkan nyang jeut jak mat kitab nyan d Ureueng pilihan nyang suci leupah
تَنزِيلٌ مِّن رَّبِّ ٱلۡعَٰلَمِينَ
Neupeutron kitab sideh bak Tuhan Nyang Po dum alam deungon blah bicah
أَفَبِهَٰذَا ٱلۡحَدِيثِ أَنتُم مُّدۡهِنُونَ
Peue teuma jaeh tangieng kitab nyoe Haba di sinoe bandum peurintah
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Raseuki Tuhan Neubri keu gata Takheun nyoe teuma sulet sileupah
فَلَوۡلَآ إِذَا بَلَغَتِ ٱلۡحُلۡقُومَ
Pakon han teuma ‘oh troh bak reukueng Jiteubiet nyawong jimeung meulangkah
وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Kamoe sit ka na sinan toe leupah Teuma gata dum han deuh takalon
فَلَوۡلَآ إِن كُنتُمۡ غَيۡرَ مَدِينِينَ
Boh cuma pakon tacuba peugah Meunyo bit teuga bandum na gata Han ek kuasa gata geuteugah
تَرۡجِعُونَهَآ إِن كُنتُمۡ صَٰدِقِينَ
Tapeuwoe nyawong teuma lom bak sot Meunyo beuna that peue nyang tapeugah
فَرَوۡحٌ وَرَيۡحَانٌ وَجَنَّتُ نَعِيمٍ
Meuhat ureueng nyan seunang sileupah Neubri raseuki lom ngon churuga Nikmat that raya Neubri le Allah
فَسَلَٰمٌ لَّكَ مِنۡ أَصۡحَٰبِ ٱلۡيَمِينِ
Keu gata Islam seulamat sudah Meutuah gata tadong rot uneun
وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Teuma soe nyang kheun sulet that leupah Jipeugah sulet sabab jih sisat
فَسَبِّحۡ بِٱسۡمِ رَبِّكَ ٱلۡعَظِيمِ
Takheun teuseubeh ngon nan Po gata Nyang Maha Raya nyang Maha Murah
Translation: Tgk. H. Mahjiddin Jusuf.