Surah 56 · 96 verses · Abdullatif Eduardo M. Arceo

Surah Al-Waqi'ah in Filipino

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

56:1

إِذَا وَقَعَتِ ٱلۡوَاقِعَةُ

Kung ang Pangyayari na hindi maiiwasan (alalaong baga, ang Araw ng Muling Pagkabuhay) ay dumatal na

56:2

لَيۡسَ لِوَقۡعَتِهَا كَاذِبَةٌ

Na walang (kaluluwa) ang makapagtatatwa tungkol sa pagdatal nito

56:3

خَافِضَةٌ رَّافِعَةٌ

Na ito ay magpapababa (sa ilan) at magtataas naman (sa iba)

56:4

إِذَا رُجَّتِ ٱلۡأَرۡضُ رَجًّا

Kung ang kalupaan ay makalog sa kanyang kailaliman

56:5

وَبُسَّتِ ٱلۡجِبَالُ بَسًّا

Kung ang kabundukan ay gumulong at madurog

56:6

فَكَانَتۡ هَبَآءً مُّنۢبَثًّا

At ito ay maging alabok na nagsisipangalat

56:7

وَكُنتُمۡ أَزۡوَٰجًا ثَلَٰثَةً

At kayong (lahat) ay pagbubukod-bukurin sa tatlong uri (alalaong baga, sa tatlong pangkat)

56:8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

(Ang una), ay mga kasamahan ng Kanang Kamay (alalaong baga, sila na bibigyan ng kanilang Talaan sa kanilang kanang kamay), - Sino baga sila na nasa Kanang Kamay (bilang paggalang sa kanila sapagkat sila ay papasok sa Paraiso)

56:9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

(At ang sumunod ) ay mga Kasamahan ng Kaliwang Kamay (alalaong baga, sila na bibigyan ng kanilang Talaan sa kanilang kaliwang kamay), - Sino baga sila na nasa Kaliwang Kamay (bilang kahihiyan sa kanila sapagkat sila ay papasok sa Impiyerno)

56:10

وَٱلسَّٰبِقُونَ ٱلسَّٰبِقُونَ

(At pangatlo) ang Pinakapangunahin (sa pagiging matimtiman sa Pananalig sa Islam at paniniwala sa Kaisahan ni Allah at gumagawa ng lahat ng mga pagsunod kay Allah at sa Kanyang Tagapagbalita), ay magiging tampok (sa Paraiso)

56:11

أُوْلَٰٓئِكَ ٱلۡمُقَرَّبُونَ

Sila ang magiging pinakamalapit kay Allah

56:12

فِي جَنَّٰتِ ٱلنَّعِيمِ

Sa Halamanan ng Kaligayahan (Paraiso)

56:13

ثُلَّةٌ مِّنَ ٱلۡأَوَّلِينَ

Ang karamihan ng mga tao (sa Pinakapangunahin) ay magmumula sa mga sinaunang henerasyon (na yumakap sa Islam)

56:14

وَقَلِيلٌ مِّنَ ٱلۡأٓخِرِينَ

At ang iba pang karamihan (sa Pinakapangunahin), ay sila na galing sa mga huling panahon (ng henerasyon)

56:15

عَلَىٰ سُرُرٍ مَّوۡضُونَةٍ

(Sila ay malalagay) sa mga luklukan na nagagayakan ng ginto at mamahaling bato

56:16

مُّتَّكِـِٔينَ عَلَيۡهَا مُتَقَٰبِلِينَ

Na nakahilig dito at magkakaharap

56:17

يَطُوفُ عَلَيۡهِمۡ وِلۡدَٰنٌ مُّخَلَّدُونَ

Atsakanilaaynakapaligidang(mganagsisilbing) kabataan na nananatiling (sariwa) sa habang panahon

56:18

بِأَكۡوَابٍ وَأَبَارِيقَ وَكَأۡسٍ مِّن مَّعِينٍ

Na may mga tangang kopita at (nangingislap) na bangang sisidlan at mga baso na puno ng dalisay na alak (mula sa batis)

56:19

لَّا يُصَدَّعُونَ عَنۡهَا وَلَا يُنزِفُونَ

(Na sa pag-inom nito), sila ay hindi makakaramdam ng pananakit ng ulo at gayundin ng pagkalasing

56:20

وَفَٰكِهَةٍ مِّمَّا يَتَخَيَّرُونَ

At mga bungangkahoy, anuman ang kanilang piliin

56:21

وَلَحۡمِ طَيۡرٍ مِّمَّا يَشۡتَهُونَ

At anumang karne ng mga pabo (at kauri nito) na kanilang maibigan

56:22

وَحُورٌ عِينٌ

At sila ay (magkakaroon) ng mga Houris (kasamahang babae na may magaganda, mapuputi at may maniningning na mga mata [bilang asawa ng mga matimtiman)

56:23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Na tulad ng mga natatagong Perlas

56:24

جَزَآءَۢ بِمَا كَانُواْ يَعۡمَلُونَ

Bilang gantimpala sa kanilang ginawa ng nakalipas (na buhay)

56:25

لَا يَسۡمَعُونَ فِيهَا لَغۡوًا وَلَا تَأۡثِيمًا

At doon ay wala silang maririnig na malalaswang salita o anumang salita ng kapintasan o kasalanan (tulad ng paninirang puri, atbp)

56:26

إِلَّا قِيلًا سَلَٰمًا سَلَٰمًا

Maliban lamang sa pagsasabi ng : Kapayapaan! (at muli ay) Kapayapaan

56:27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

At sila na kasamahan ng Kanang Kamay, - Sino baga sila na magiging kasamahan ng Kanang Kamay

56:28

فِي سِدۡرٍ مَّخۡضُودٍ

(Sila) ay mananahan sa gitna ng mga punong lote na walang tinik

56:29

وَطَلۡحٍ مَّنضُودٍ

Sa gitna ng punong Talh (punong saging), na may mga bulaklak (at bunga) na kumpol-kumpol

56:30

وَظِلٍّ مَّمۡدُودٍ

Sa malabay (at nakaladlad) na lilim

56:31

وَمَآءٍ مَّسۡكُوبٍ

Sa tabi ng tubig na patuloy na dumadaloy

56:32

وَفَٰكِهَةٍ كَثِيرَةٍ

At mga bungangkahoy na sagana

56:33

لَّا مَقۡطُوعَةٍ وَلَا مَمۡنُوعَةٍ

Na hindi nagmamaliw ang bunga (kahit wala sa panahon) at hindi nauubusan ng ani

56:34

وَفُرُشٍ مَّرۡفُوعَةٍ

At sa mga luklukan (ng karangalan) na nakataas

56:35

إِنَّآ أَنشَأۡنَٰهُنَّ إِنشَآءً

Pagmasdan! Katotohanang nilikha Namin ang kanilang Kasamahan (mga Dalaga), sa natatanging paglikha

56:36

فَجَعَلۡنَٰهُنَّ أَبۡكَارًا

At (Aming) ginawaran sila ng pagiging birhen

56:37

عُرُبًا أَتۡرَابًا

Na inaalagaan (ng kalikasan) ng pantay-pantay sa gulang

56:38

لِّأَصۡحَٰبِ ٱلۡيَمِينِ

Na nalalaan sa mga kasamahan ng Kanang Kamay

56:39

ثُلَّةٌ مِّنَ ٱلۡأَوَّلِينَ

Ang karamihan sa mga tao (ng Kanang Kamay) ay magmumula sa sinaunang henerasyon (ng mga yumakap sa Islam)

56:40

وَثُلَّةٌ مِّنَ ٱلۡأٓخِرِينَ

At ang iba pang karamihan ng mga tao (ng Kanang Kamay) ay sila na galing sa (henerasyon) ng huling panahon

56:41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

At sila na kasamahan ng Kaliwang Kamay, - Sino nga ba sila na magiging kasamahan ng Kaliwang Kamay

56:42

فِي سَمُومٍ وَحَمِيمٍ

(Sila ay magigitna) sa nakakapasong Lagablab ng Apoy at kumukulong tubig

56:43

وَظِلٍّ مِّن يَحۡمُومٍ

At sa Anino (Lilim) ng Maitim na Usok

56:44

لَّا بَارِدٍ وَلَا كَرِيمٍ

(Ang Lilim) na ito ay walang anumang lamig o kaginhawahan

56:45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Katotohanang bago pa ito (ang Kaparusahan), sila ay nalulong sa karangyaan (at luho sa kayamanan)

56:46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

At nagpatuloy sa pamimihasa sa kahiya- hiyang kabuktutan (tulad ng pagsasama ng katambal sa pagsamba kay Allah, pagpatay, paggawa ng mga krimen, atbp)

56:47

وَكَانُواْ يَقُولُونَ أَئِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ

At lagi nilang ipinagbabadya: “Ano? Kung kami ba ay mamatay at maging alabok at kalansay, kami ba ay tunay na ibabangong muli sa pagkabuhay?”

56:48

أَوَءَابَآؤُنَا ٱلۡأَوَّلُونَ

(Kami) at ang aming mga ninuno (noong pang panahong sinauna)

56:49

قُلۡ إِنَّ ٱلۡأَوَّلِينَ وَٱلۡأٓخِرِينَ

Ipagbadya (o Muhammad): “Tunay nga! Silang (mga tao) ng panahong sinauna at silang (mga tao) ng huling panahon.”

56:50

لَمَجۡمُوعُونَ إِلَىٰ مِيقَٰتِ يَوۡمٍ مَّعۡلُومٍ

walang pagsala na titipunin ang lahat ng sama-sama sa natataningang pakikipagtipan sa Bantog na Araw

56:51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Katotohanang kayo na mapaggawa ng kamalian, kayo na humahalakhak (sa katotohanan) at nagtatatwa (sa Muling Pagkabuhay)

56:52

لَأٓكِلُونَ مِن شَجَرٍ مِّن زَقُّومٍ

Katotohanang inyong matitikman ang puno ng Zaqqum

56:53

فَمَالِـُٔونَ مِنۡهَا ٱلۡبُطُونَ

At inyong pupunuin ang inyong sikmura ng mga ito

56:54

فَشَٰرِبُونَ عَلَيۡهِ مِنَ ٱلۡحَمِيمِ

Tangi pa rito, kayo ay iinom ng kumukulong tubig

56:55

فَشَٰرِبُونَ شُرۡبَ ٱلۡهِيمِ

Katotohanang kayo ay magsisiinom (nito) na katulad ng kamelyong may sakit na sumisingasing sa pagkauhaw

56:56

هَٰذَا نُزُلُهُمۡ يَوۡمَ ٱلدِّينِ

Ito ang kanilang magiging pasalubong sa Araw ng Kabayaran

56:57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Kami (Allah) ang lumikha sa inyo; bakit hindi ninyo saksihan ang Katotohanan

56:58

أَفَرَءَيۡتُم مَّا تُمۡنُونَ

Nakikita ba ninyo ang binhi ng tao (semilya) na inyong inilalabas

56:59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Kayo ba ang lumikha sa mga ito (semilya, na nagiging isang ganap na tao), o Kami ba ang Manlilikha

56:60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Itinakda Namin ang kamatayan sa inyong lahat na inyong maranasan at Kami ay hindi manlulupaypay

56:61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Na baguhin ang inyong anyo at muli kayong likhain sa (bagong) anyo na hindi ninyo nababatid

56:62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

At katotohanang batid ninyo ang unang anyo ng paglikha (alalaong baga, ang paglikha kay Adan). Bakit nga ba hindi ninyo ipinagbubunyi ang pagpupuri sa Kanya o (kayo ay) tumatalima

56:63

أَفَرَءَيۡتُم مَّا تَحۡرُثُونَ

Sabihin ninyo sa Akin! Nakikita ba ninyo ang butong (binhi) na inyong itinatanim sa lupa

56:64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Kayo ba ang nagpatubo sa mga ito o Kami ba na Manlilikha ang nagpatubo

56:65

لَوۡ نَشَآءُ لَجَعَلۡنَٰهُ حُطَٰمًا فَظَلۡتُمۡ تَفَكَّهُونَ

Kung Aming nanaisin ay magagawa Namin na maging tulyapis ito at kayo ay magsisisi (o maiiwan sa pagkamangha)

56:66

إِنَّا لَمُغۡرَمُونَ

Na magsasabi: “Katotohanang kami ay Maghramun (mga nabibigatan sa pagkakautang o nalugi at naparusahan sa kawalan ng pakinabang)

56:67

بَلۡ نَحۡنُ مَحۡرُومُونَ

Katotohanang kami ay hindi nakinabang (sa bunga ng aming paghihirap)

56:68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Sabihin ninyo sa Akin! Nakikita ba ninyo ang tubig na inyong iniinom

56:69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Kayo ba ang nagpamalisbis nito mula sa mga ulap o Kami ba na Nagpapahintulot ang nagpamalisbis nito

56:70

لَوۡ نَشَآءُ جَعَلۡنَٰهُ أُجَاجًا فَلَوۡلَا تَشۡكُرُونَ

Kung Aming ninais ay magagawa Namin ito na maging mapait (at maalat na hindi maiinom). Bakit nga ba kayo ay hindi nagbibigay pasalamat (kay Allah)

56:71

أَفَرَءَيۡتُمُ ٱلنَّارَ ٱلَّتِي تُورُونَ

Sabihin ninyo sa Akin! Nakikita ba ninyo ang apoy na inyong pinagdiringas

56:72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Kayo ba ang nagpatubo sa mga punongkahoy na pinagkukunan ng apoy (at panggatong) o Kami ang nagpatubo nito

56:73

نَحۡنُ جَعَلۡنَٰهَا تَذۡكِرَةً وَمَتَٰعًا لِّلۡمُقۡوِينَ

Ginawa Namin ito bilang Paala-ala (saApoy ng Impiyerno sa Kabilang Buhay); at isang bagay ng kaginhawahan sa mga naninirahan sa ilang (at sa lahat ng iba pa rito sa mundo)

56:74

فَسَبِّحۡ بِٱسۡمِ رَبِّكَ ٱلۡعَظِيمِ

Kaya’t ipagdiwang ng may pagpupuri ang Pangalan ng iyong Panginoon, ang Kataas-taasan

56:75

فَلَآ أُقۡسِمُ بِمَوَٰقِعِ ٱلنُّجُومِ

Tunay nga! Aming tinawag upang magpatotoo ang Mawaqi (ang paglubog o malalaking palasyo ng mga bituin)

56:76

وَإِنَّهُۥ لَقَسَمٌ لَّوۡ تَعۡلَمُونَ عَظِيمٌ

At katotohanang ito ay dakilang pagsumpa, kung inyo lamang nalalaman

56:77

إِنَّهُۥ لَقُرۡءَانٌ كَرِيمٌ

At katotohanang (ito) ang pinakamarangal (at banal) na pagdalit (ang Qur’an)

56:78

فِي كِتَٰبٍ مَّكۡنُونٍ

Sa isang Aklat na ganap na napapangalagaan (na kay Allah sa Kalangitan, alalaong baga ang Al Lauh Al Mahfuz)

56:79

لَّا يَمَسُّهُۥٓ إِلَّا ٱلۡمُطَهَّرُونَ

Na walang sinuman ang makakahipo niyaon (Aklat ni Allah) maliban sa (kanila) na dalisay at malilinis sa kasalanan (alalaong baga, ang mga anghel)

56:80

تَنزِيلٌ مِّن رَّبِّ ٱلۡعَٰلَمِينَ

Isang Kapahayagan (ang Qur’an) mula sa Panginoon ng lahat ng mga nilalang

56:81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Ang Pahayag bang ito (ang Qur’an) ay hindi ninyo (mga hindi sumasampalataya) gaanong pinapahalagahan

56:82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

At sa halip (na inyong pasalamatan si Allah) sa mga biyaya na inyong ikinabubuhay mula sa Kanya, sa kabalintunaan ay inyong itinatwa Siya (sa kawalan ng pananalig)

56:83

فَلَوۡلَآ إِذَا بَلَغَتِ ٱلۡحُلۡقُومَ

Nguni’t bakit hindi ninyo (pinangahasan) nang ang ( kaluluwa ng isang mamamatay na tao) ay umabot na sa kanyang lalamunan

56:84

وَأَنتُمۡ حِينَئِذٍ تَنظُرُونَ

At kayo ay pansamantalang (nakaupo) at nakatingin lamang

56:85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Datapuwa’t Kami (alalaong baga, ang Aming mga anghel na kumukuha ng kaluluwa) ay higit na malapit sa kanya kaysa sa inyo, subalit (sila) ay hindi ninyo nakikita

56:86

فَلَوۡلَآ إِن كُنتُمۡ غَيۡرَ مَدِينِينَ

Kaya’t bakit hindi ninyo ginawa, - kung kayo nga ay hindi sakop ng (darating) na pagsusulit at kabayaran (kaparusahan, atbp)

56:87

تَرۡجِعُونَهَآ إِن كُنتُمۡ صَٰدِقِينَ

Inyong ibalik (muli ang kanyang) kaluluwa sa kanyang katawan, kung kayo ay nagsasabi ng katotohanan

56:88

فَأَمَّآ إِن كَانَ مِنَ ٱلۡمُقَرَّبِينَ

At kung siya (na mamamatay na) ay isa sa Muqaribun (siya na ang magiging kasama ay mga malalapit kay Allah)

56:89

فَرَوۡحٌ وَرَيۡحَانٌ وَجَنَّتُ نَعِيمٍ

(Sasakanya) ang kapahingahan at kasiyahan sa Hardin ng Kaligayahan (Paraiso)

56:90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

At kung siya (na mamatay na) ay kasamahan ng Kanang Kamay

56:91

فَسَلَٰمٌ لَّكَ مِنۡ أَصۡحَٰبِ ٱلۡيَمِينِ

(Ay sasakanya ang pagbati): Sumainyo ang kapayapaan at kapanatagan mula sa mga kasamahan ng Kanang Kamay

56:92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Datapuwa’t kung siya (na mamamatay) ay kasama roon sa mga nagtuturing na huwad (sa katotohanan ang Muling Pagkabuhay), at tumahak sa kamalian

56:93

فَنُزُلٌ مِّنۡ حَمِيمٍ

Sa kanya ay isasalubong ang kumukulong tubig

56:94

وَتَصۡلِيَةُ جَحِيمٍ

At pagkasunog sa Apoy ng Impiyerno

56:95

إِنَّ هَٰذَا لَهُوَ حَقُّ ٱلۡيَقِينِ

Tunay ngang ito ang Lubos na Katotohanan, ang Katiyakan

56:96

فَسَبِّحۡ بِٱسۡمِ رَبِّكَ ٱلۡعَظِيمِ

Kaya’t ipagbunyi nang may pagpupuri ang Pangalan ng iyong Panginoon, ang Kataas-taasan

Translation: Abdullatif Eduardo M. Arceo.