بِسۡمِ ٱللَّهِ ٱلرَّحۡمَٰنِ ٱلرَّحِيمِ
56:1إِذَا وَقَعَتِ ٱلۡوَاقِعَةُ
Amai ka makatana so phakatana (a so Alongan a Qiyamah)
56:2لَيۡسَ لِوَقۡعَتِهَا كَاذِبَةٌ
Da ko kapakatana iyan i Maka-ongkiron
56:3خَافِضَةٌ رَّافِعَةٌ
Phakarondanun Niyan (so saba-ad), phaka-ombaon Niyan (so saba-ad)
56:4إِذَا رُجَّتِ ٱلۡأَرۡضُ رَجًّا
Amai ka Linogun so Lopa sa Linog a samporna
56:5وَبُسَّتِ ٱلۡجِبَالُ بَسًّا
Go masharoput so manga Palao sa samporna a kasharoput
56:6فَكَانَتۡ هَبَآءً مُّنۢبَثًّا
Na mbaloi a lopapuk, a mikakayambur
56:7وَكُنتُمۡ أَزۡوَٰجًا ثَلَٰثَةً
Go mbaloi kano a tulo ka dinis
56:8فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Na so manga tao sa kawanan;na antona-a 1 manga tao sa kawanan
56:9وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Go so manga tao sa diyowang,- na antona-a i manga tao sa diyowang
56:10وَٱلسَّٰبِقُونَ ٱلسَّٰبِقُونَ
Go so miyanga o ona (ko Paratiyaya) na phanga-o ona (ko Sorga)
56:11أُوْلَٰٓئِكَ ٱلۡمُقَرَّبُونَ
Na siran man i manga rarani (ko Allah)
56:12فِي جَنَّٰتِ ٱلنَّعِيمِ
A khatago ko manga Sorga, a Pakalma
56:13ثُلَّةٌ مِّنَ ٱلۡأَوَّلِينَ
Madakul a pudon ko miyanga-o ona
56:14وَقَلِيلٌ مِّنَ ٱلۡأٓخِرِينَ
Na maito a pudon ko miyanga-o ori
56:15عَلَىٰ سُرُرٍ مَّوۡضُونَةٍ
Khidadarpa ko manga kantir, a piyamarabowatan
56:16مُّتَّكِـِٔينَ عَلَيۡهَا مُتَقَٰبِلِينَ
Gi-i siran ro-o shasanda-sandang, a khipaga-adapadapa
56:17يَطُوفُ عَلَيۡهِمۡ وِلۡدَٰنٌ مُّخَلَّدُونَ
Ipuphagilid kiran o manga Wata a tatap a manga Kangoda an
56:18بِأَكۡوَابٍ وَأَبَارِيقَ وَكَأۡسٍ مِّن مَّعِينٍ
So manga baso, go manga kundi, go so khitatagowan sa ino- mun a pho-on ko bowalan
56:19لَّا يُصَدَّعُونَ عَنۡهَا وَلَا يُنزِفُونَ
Di ron shakıit a Olo iran, go di siran non khaburug
56:20وَفَٰكِهَةٍ مِّمَّا يَتَخَيَّرُونَ
Go manga Onga, a pud ko matotomo iran
56:21وَلَحۡمِ طَيۡرٍ مِّمَّا يَشۡتَهُونَ
Go sapo a manga papanok a pud ko pukhababaya-an niran
56:22وَحُورٌ عِينٌ
Go so (manga bai a) manga tataid, a manga pipiya i kapumata
56:23كَأَمۡثَٰلِ ٱللُّؤۡلُوِٕ ٱلۡمَكۡنُونِ
Manga ishan o manga Montiya, a totongkopun
56:24جَزَآءَۢ بِمَا كَانُواْ يَعۡمَلُونَ
Balas ko Pinggolaola iran (a mapiya)
56:25لَا يَسۡمَعُونَ فِيهَا لَغۡوًا وَلَا تَأۡثِيمًا
Da-a khanug iran ro-o a ilang, go da-a kambaradosa
56:26إِلَّا قِيلًا سَلَٰمًا سَلَٰمًا
Inonta so Katharo a Salaam, Kalilintad
56:27وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Na so manga tao sa kawanan;- antona-a 1 manga tao sa kawanan
56:28فِي سِدۡرٍ مَّخۡضُودٍ
Khatago siran ko kayo a sidur a disoroken
56:29وَطَلۡحٍ مَّنضُودٍ
Go manga saging, a manga titryolig
56:30وَظِلٍّ مَّمۡدُودٍ
Go kasisirongan a tatap
56:31وَمَآءٍ مَّسۡكُوبٍ
Go ig a mabobobos
56:32وَفَٰكِهَةٍ كَثِيرَةٍ
Go manga Onga a madakul
56:33لَّا مَقۡطُوعَةٍ وَلَا مَمۡنُوعَةٍ
Dikharintas go da-a run niyan
56:34وَفُرُشٍ مَّرۡفُوعَةٍ
Go manga iga-an a manga poporo
56:35إِنَّآ أَنشَأۡنَٰهُنَّ إِنشَآءً
Mata-an! A Sukami na Pagadunun Nami siran (a manga bai ko Sorga) sa bago a Kapangadun
56:36فَجَعَلۡنَٰهُنَّ أَبۡكَارًا
Na mbalowin Ami siran a manga Raga
56:37عُرُبًا أَتۡرَابًا
A manga Sasalinggagao, a murusha rusha
56:38لِّأَصۡحَٰبِ ٱلۡيَمِينِ
A bagiyan o manga tao sa kawanan
56:39ثُلَّةٌ مِّنَ ٱلۡأَوَّلِينَ
Madakul a pudon ko miyanga-o ona
56:40وَثُلَّةٌ مِّنَ ٱلۡأٓخِرِينَ
Go madakul a pudon ko miyanga-o ori
56:41وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Na so manga tao sa diyowang; -antona-a 1 manga tao sa diyowang
56:42فِي سَمُومٍ وَحَمِيمٍ
Khatago ko mayao, go phulikabo a ig
56:43وَظِلٍّ مِّن يَحۡمُومٍ
Go along, a bul a maitum
56:44لَّا بَارِدٍ وَلَا كَرِيمٍ
Di pakarunggai, go di mapiya
56:45إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Mata-an! A siran na aya butad iran ko ona-an noto na khikasosonor
56:46وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Go aya butad iran na lalalayonun niran so dosa a mala
56:47وَكَانُواْ يَقُولُونَ أَئِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Go aya butad iran na gi-iran Tharo-on: Ino amai ka matai kami, go mbaloi kami a botha, go manga tolan, ba Mata-an! A khaoyag kami dun (sharoman)
56:48أَوَءَابَآؤُنَا ٱلۡأَوَّلُونَ
Go so manga lokus ami a miyanga-o ona
56:49قُلۡ إِنَّ ٱلۡأَوَّلِينَ وَٱلۡأٓخِرِينَ
Tharowangka: Mata-an! A so miyanga-o ona, go so miyanga o ori
56:50لَمَجۡمُوعُونَ إِلَىٰ مِيقَٰتِ يَوۡمٍ مَّعۡلُومٍ
Na Pulimodun siran ndun ko Kaputhatalabokaan ko Alongan a mapupunto
56:51ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Oriyan niyan na Mata-an! A sukano Hai Mithataridadag!- A Miyamanaplis
56:52لَأٓكِلُونَ مِن شَجَرٍ مِّن زَقُّومٍ
Na phakakan kano dun ko kayoa Zaqqum
56:53فَمَالِـُٔونَ مِنۡهَا ٱلۡبُطُونَ
Na mapunopuno 1yo ron so manga tiyan niyo
56:54فَشَٰرِبُونَ عَلَيۡهِ مِنَ ٱلۡحَمِيمِ
Na misondok iyo ron so phulikabo a ig
56:55فَشَٰرِبُونَ شُرۡبَ ٱلۡهِيمِ
Na makainom kano sa kalnoma manga Onta a pukhawao
56:56هَٰذَا نُزُلُهُمۡ يَوۡمَ ٱلدِّينِ
Giyaya i talagad kiran ko gawi-i a kapamalas
56:57نَحۡنُ خَلَقۡنَٰكُمۡ فَلَوۡلَا تُصَدِّقُونَ
Sukami i Miyadun rukano; na ba kano di Phangimbunar
56:58أَفَرَءَيۡتُم مَّا تُمۡنُونَ
Aiguda iyo ko pukhaodod iyo (ko manga Rahim o manga Babai)
56:59ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Ba sukano i Phagadun non, antawa-a Sukami i Puphangadun
56:60نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Sukami i dominiyangka rukano ko kapatai, na di Kami niyo khapalagoyan
56:61عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Ko kashambi Ami sa manga lagid iyo, go so Kaphagadun Nami rukano ko nganin a di niyo katawan
56:62وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Na Sabunsabunar a kiyatokawan niyo so Kiyapangadun a paganai; na ba niyo di Khatadumi
56:63أَفَرَءَيۡتُم مَّا تَحۡرُثُونَ
Aiguda iyo ko ipushaod iyo
56:64ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Ba sukano i Puphamakalonao ron, antawa-a Sukami 1 Puphamakalonao ron
56:65لَوۡ نَشَآءُ لَجَعَلۡنَٰهُ حُطَٰمًا فَظَلۡتُمۡ تَفَكَّهُونَ
O kabaya Ami na Mata-an a khabaloi Ami sukaniyan a pols, na mabaloi kano a puphamumusa kano
56:66إِنَّا لَمُغۡرَمُونَ
(Gi-i niyo Matharo:) Mataan! A sukami na bakami dun miyakambayadan
56:67بَلۡ نَحۡنُ مَحۡرُومُونَ
Kuna, ka sukami na piyapas rukami (so riskhi)
56:68أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Aiguda iyo ko ig a so Phaglinomun niyo
56:69ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ba sukano i puphamakatoronon a pho-on ko manga Gabon, antawa-a Sukami i Puphamakatoronon
56:70لَوۡ نَشَآءُ جَعَلۡنَٰهُ أُجَاجًا فَلَوۡلَا تَشۡكُرُونَ
O kabaya Ami, na khabaloi Ami sukaniyan a mapulud; na ino kano di Phanalamat
56:71أَفَرَءَيۡتُمُ ٱلنَّارَ ٱلَّتِي تُورُونَ
Aiguda iyo ko Apoi a so Mapuphakagumao niyo
56:72ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Ba sukano i Miyakatho ko kayo niyan, antawa-a Sukami i Miyamakatho-on
56:73نَحۡنُ جَعَلۡنَٰهَا تَذۡكِرَةً وَمَتَٰعًا لِّلۡمُقۡوِينَ
Sukami na biyaloi Ami sukaniyan a Pananadum, go kapunggona-an khitatanao
56:74فَسَبِّحۡ بِٱسۡمِ رَبِّكَ ٱلۡعَظِيمِ
Na Phoroporo-on Ka so ngaran o Kadnan Ka, a Mala
56:75فَلَآ أُقۡسِمُ بِمَوَٰقِعِ ٱلنُّجُومِ
Na Pushapa Ako dun sa Ibut ko manga darpa o manga Bito-on
56:76وَإِنَّهُۥ لَقَسَمٌ لَّوۡ تَعۡلَمُونَ عَظِيمٌ
Na Mata-an naya a titho a Kashapa o katawıi niyo a lubi a Mala
56:77إِنَّهُۥ لَقُرۡءَانٌ كَرِيمٌ
Mata-an! A Sukaniyan na titho a Qur-an, a Paga-adatan
56:78فِي كِتَٰبٍ مَّكۡنُونٍ
Shisi-i ko daptar a pago-ongowan (a so Laokh mahfod)
56:79لَّا يَمَسُّهُۥٓ إِلَّا ٱلۡمُطَهَّرُونَ
Da-a phakasukho-on inonta so miyanga Sosoti
56:80تَنزِيلٌ مِّن رَّبِّ ٱلۡعَٰلَمِينَ
Initoron a pho-on ko Kadnan o manga Ka-adun
56:81أَفَبِهَٰذَا ٱلۡحَدِيثِ أَنتُم مُّدۡهِنُونَ
Antona-a i sabap a giyangkai a Tothol na sukano na paka-i ito-on niyo
56:82وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Go pumbalowin niyo so pagupur rukano a Mata-an! A sukano na Phagongkirun niyo
56:83فَلَوۡلَآ إِذَا بَلَغَتِ ٱلۡحُلۡقُومَ
Na ino igira-a miyakasampai (so Niyawa) ko bakurung
56:84وَأَنتُمۡ حِينَئِذٍ تَنظُرُونَ
A sukano sa masa oto na pukhailai niyo
56:85وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Go Sukami i lubi a marani ron a di sukano, -na ogaid na di niyo khailai
56:86فَلَوۡلَآ إِن كُنتُمۡ غَيۡرَ مَدِينِينَ
Na o sukano na di kano khabalasan
56:87تَرۡجِعُونَهَآ إِن كُنتُمۡ صَٰدِقِينَ
Na ino niyo to di maphakakasoi, o sukano i manga bunar
56:88فَأَمَّآ إِن كَانَ مِنَ ٱلۡمُقَرَّبِينَ
Na amai ka aya butad iyan na pud ko phamakaranın (ko Sorga)
56:89فَرَوۡحٌ وَرَيۡحَانٌ وَجَنَّتُ نَعِيمٍ
Na (ruk Iyan) so Kapakadukha, go pagupur, go Sorga, a Pakalma
56:90وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Na amai ka aya butad iyan na pud ko manga tao sa kawanan
56:91فَسَلَٰمٌ لَّكَ مِنۡ أَصۡحَٰبِ ٱلۡيَمِينِ
Na (Tharo-on non:) Salaam a bagiyan ka a pud ko manga tao sa kawanan
56:92وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Na amai ka aya butad iyan na si-i pud ko Miyamanaplis, a Mithataridadag
56:93فَنُزُلٌ مِّنۡ حَمِيمٍ
Na talagadon so phulikabo a ig
56:94وَتَصۡلِيَةُ جَحِيمٍ
Go phagbong ko Naraka Jahim
56:95إِنَّ هَٰذَا لَهُوَ حَقُّ ٱلۡيَقِينِ
Mata-an! A giyaya na titho a sukaniyan so bunar a matatangkud
56:96فَسَبِّحۡ بِٱسۡمِ رَبِّكَ ٱلۡعَظِيمِ
Na Phoroporo-on Ka so ngaran o Kadnan Ka, a lubi a Mala
Translation: Abdul Aziz Gro Aalem Saromintang.