بِسۡمِ ٱللَّهِ ٱلرَّحۡمَٰنِ ٱلرَّحِيمِ
56:1إِذَا وَقَعَتِ ٱلۡوَاقِعَةُ
Olwe eshikhole shilikholekha (olweyindukho iliula)
56:2لَيۡسَ لِوَقۡعَتِهَا كَاذِبَةٌ
Abulaho uliyingasia okhwikholekha khwashio
56:3خَافِضَةٌ رَّافِعَةٌ
Shishinjia shinininjia
56:4إِذَا رُجَّتِ ٱلۡأَرۡضُ رَجًّا
Olwe eshialo shilirenjibwa obutinyu
56:5وَبُسَّتِ ٱلۡجِبَالُ بَسًّا
Ne olwetsingulu tsilisiebwa busiebwa
56:6فَكَانَتۡ هَبَآءً مُّنۢبَثًّا
Tsiabashinga olufu lutumukha
56:7وَكُنتُمۡ أَزۡوَٰجًا ثَلَٰثَةً
Nanyu muliba tsimbia tsitaru
56:8فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Abandu bomukhono omulunji, koo ni babu wina abo Abandu bomukhono omulunji
56:9وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Ne Abandu bomukhono omukaata, koo nibabu wina abo bomukhono omukaata
56:10وَٱلسَّٰبِقُونَ ٱلسَّٰبِقُونَ
Ne beyimbeli baliba imbeli
56:11أُوْلَٰٓئِكَ ٱلۡمُقَرَّبُونَ
Abo nibo balibukanilwa
56:12فِي جَنَّٰتِ ٱلنَّعِيمِ
Mumikunda chiomwikulu chobwokholo
56:13ثُلَّةٌ مِّنَ ٱلۡأَوَّلِينَ
Omukabo omukhongo khubaali imbeli
56:14وَقَلِيلٌ مِّنَ ٱلۡأٓخِرِينَ
Nende mutiti khubeyinyuma
56:15عَلَىٰ سُرُرٍ مَّوۡضُونَةٍ
Baliba khubifumbi biaronwa
56:16مُّتَّكِـِٔينَ عَلَيۡهَا مُتَقَٰبِلِينَ
Baliyiekhakhwo nibalolana
56:17يَطُوفُ عَلَيۡهِمۡ وِلۡدَٰنٌ مُّخَلَّدُونَ
Balikhalabanilwa nende Abasiani bolusoolili lulawa tawe
56:18بِأَكۡوَابٍ وَأَبَارِيقَ وَكَأۡسٍ مِّن مَّعِينٍ
Nibachinjile bikombe nende tsibinika nende tsigilasi, tsilimwo ebinywebwa okhurula musebele ingwalafu
56:19لَّا يُصَدَّعُونَ عَنۡهَا وَلَا يُنزِفُونَ
Shibilibatsunia omurwe nohomba shibilibamesia tawe
56:20وَفَٰكِهَةٍ مِّمَّا يَتَخَيَّرُونَ
Nende ebiamo biabayanza
56:21وَلَحۡمِ طَيۡرٍ مِّمَّا يَشۡتَهُونَ
Nende inyama yeliyoni shingala bekombanga
56:22وَحُورٌ عِينٌ
Nende Abakhana bomwikulu
56:23كَأَمۡثَٰلِ ٱللُّؤۡلُوِٕ ٱلۡمَكۡنُونِ
Bali shinga ebisole bialiindwa
56:24جَزَآءَۢ بِمَا كَانُواْ يَعۡمَلُونَ
Omurungo khukabakholanga
56:25لَا يَسۡمَعُونَ فِيهَا لَغۡوًا وَلَا تَأۡثِيمًا
Shibaliwulilamwo keshifwabi nohomba ketsimbi tawe
56:26إِلَّا قِيلًا سَلَٰمًا سَلَٰمًا
Halali amakhuwa komulembe konyene
56:27وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Ne Abandu bomukhono musatsa , nishina shilinyoola Abandu bomukhono musatsa
56:28فِي سِدۡرٍ مَّخۡضُودٍ
Baliba khumisaala chibulaho amawa
56:29وَطَلۡحٍ مَّنضُودٍ
Nende ebikoko biloondane
56:30وَظِلٍّ مَّمۡدُودٍ
Nende eshinikha eshikhongo
56:31وَمَآءٍ مَّسۡكُوبٍ
Nende amaatsi kakhulukusia
56:32وَفَٰكِهَةٍ كَثِيرَةٍ
Nende ebiamo ebinji
56:33لَّا مَقۡطُوعَةٍ وَلَا مَمۡنُوعَةٍ
Shibiwetsanga nohomba shibikalilungwa tawe
56:34وَفُرُشٍ مَّرۡفُوعَةٍ
Nende obulili bwachingulwa
56:35إِنَّآ أَنشَأۡنَٰهُنَّ إِنشَآءً
Toto efwe khulibaloonga abakhana bomwikulu (hurul ain) obuyia
56:36فَجَعَلۡنَٰهُنَّ أَبۡكَارًا
Mana khulibakhola abashisila
56:37عُرُبًا أَتۡرَابًا
Bachamana nende Abasatsa babu abayelana ninabo
56:38لِّأَصۡحَٰبِ ٱلۡيَمِينِ
Khulwa Abandu bomukhono musatsa
56:39ثُلَّةٌ مِّنَ ٱلۡأَوَّلِينَ
Omukabo omukhongo khubaali imbeli
56:40وَثُلَّةٌ مِّنَ ٱلۡأٓخِرِينَ
Ne omukabo omukhongo khubaali inyuma
56:41وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Abandu bomukhono mukhasi , koo ni shina shilinyoola Abandu bomukhono mukhasi
56:42فِي سَمُومٍ وَحَمِيمٍ
Baliba mumuyeka kwomulilo nende amatsi kayia pia
56:43وَظِلٍّ مِّن يَحۡمُومٍ
Nende eshinikha shiomwosi omumali ti
56:44لَّا بَارِدٍ وَلَا كَرِيمٍ
Shishili shiokhunyoolamwo obunyifu nohombo obwihotselefu tawe
56:45إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Toto abo bali khale awo bamenyanga shinga benya
56:46وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Ne baali nibakhaila khubionoono ebikhongo
56:47وَكَانُواْ يَقُولُونَ أَئِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Ne baboolanga mbu nikhumala khwafwa mana nikhuba liloba nende ebikumba, mbu toto efwe khulilamusibwa
56:48أَوَءَابَآؤُنَا ٱلۡأَوَّلُونَ
Nohomba bapapa befu bakhale
56:49قُلۡ إِنَّ ٱلۡأَوَّلِينَ وَٱلۡأٓخِرِينَ
Boola mbu: “balia abeyimbeli nende inyuma”
56:50لَمَجۡمُوعُونَ إِلَىٰ مِيقَٰتِ يَوۡمٍ مَّعۡلُومٍ
“Toto balilamusibwa khubise bieyinyanga yarechekhwa.”
56:51ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Mana toto enywe abakori abakhayi
56:52لَأٓكِلُونَ مِن شَجَرٍ مِّن زَقُّومٍ
Mulilia toto omusala kwa zaqoom
56:53فَمَالِـُٔونَ مِنۡهَا ٱلۡبُطُونَ
Mulikwitsusia mutsinda tsienyu
56:54فَشَٰرِبُونَ عَلَيۡهِ مِنَ ٱلۡحَمِيمِ
Ne mana mulinywa amaatsi kayile pia
56:55فَشَٰرِبُونَ شُرۡبَ ٱلۡهِيمِ
Nemulikanywa shinga ingamia inywetsanga nili nende obuloo
56:56هَٰذَا نُزُلُهُمۡ يَوۡمَ ٱلدِّينِ
Ino niyo isambo yabu inyanga yomurungo
56:57نَحۡنُ خَلَقۡنَٰكُمۡ فَلَوۡلَا تُصَدِّقُونَ
Efwe khwabaloonga enywe shichilanga shina nimulasuubila
56:58أَفَرَءَيۡتُم مَّا تُمۡنُونَ
Koo mulolangakhwo amatsi kolwibulo kamwitikhanga
56:59ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Koo nenywe mukaloonganga nohomba nefwe abaloonji
56:60نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Efwe khwabarecheshela lifwa nafu shikhushilungwa tawe
56:61عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Okhukalukhania abaandi balali enywe ne khubalonje enywe ebindi biamulamanyile tawe
56:62وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Netoto mwamala okhumanya okhulongwa khwa ambeli, neshina shichilanga nimuletsulilaanga
56:63أَفَرَءَيۡتُم مَّا تَحۡرُثُونَ
Ne mulolangakhwo emimela chiamuraakanga
56:64ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Nenywe muchimesinjia nohomba nefwe khuchimesinjia
56:65لَوۡ نَشَآءُ لَجَعَلۡنَٰهُ حُطَٰمًا فَظَلۡتُمۡ تَفَكَّهُونَ
Ne nikhwenya nikhuchikhola chiakhaya okhurakhwo shiosi shiosi, mwatong’a nimung’ang’alile
56:66إِنَّا لَمُغۡرَمُونَ
Nimuboola mbu toto efwe khusishile
56:67بَلۡ نَحۡنُ مَحۡرُومُونَ
Halali efwe khwimilwe
56:68أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Koo mulolangakhwo amaatsi kamunywetsanga
56:69ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ni enywe mukeshinjia okhurula mumaleesi nohomba nefwe bakeshiinjia
56:70لَوۡ نَشَآءُ جَعَلۡنَٰهُ أُجَاجًا فَلَوۡلَا تَشۡكُرُونَ
Nikhwenya nikhukakhola keyichumvi , ne shina shichilanga nimuloopa orio
56:71أَفَرَءَيۡتُمُ ٱلنَّارَ ٱلَّتِي تُورُونَ
Mulolangakhwo omulilo kwamwashinjia
56:72ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Nenywe mwaloonga omusaala kwakwo nohomba nefwe baloonga
56:73نَحۡنُ جَعَلۡنَٰهَا تَذۡكِرَةً وَمَتَٰعًا لِّلۡمُقۡوِينَ
Efwe khwakukhola okhuba eshitsulisio nende kwokhukhoonya balia bali mushitsimi
56:74فَسَبِّحۡ بِٱسۡمِ رَبِّكَ ٱلۡعَظِيمِ
Ne witsoomie elira lia Nyasaye wuwo omukhongo
56:75فَلَآ أُقۡسِمُ بِمَوَٰقِعِ ٱلنُّجُومِ
Netoto nditsuba khubise bietsing’ining’ini tsikwitsanga
56:76وَإِنَّهُۥ لَقَسَمٌ لَّوۡ تَعۡلَمُونَ عَظِيمٌ
Ne toto shino neshitsubo eshikhongo, mumanyangakhwo toto
56:77إِنَّهُۥ لَقُرۡءَانٌ كَرِيمٌ
Toto eyo ni Ikurani yoluyali
56:78فِي كِتَٰبٍ مَّكۡنُونٍ
Mushitabu shialindwa
56:79لَّا يَمَسُّهُۥٓ إِلَّا ٱلۡمُطَهَّرُونَ
Shashitilangakhwo halali ulia Omutswenufu
56:80تَنزِيلٌ مِّن رَّبِّ ٱلۡعَٰلَمِينَ
Sheshibwa okhurula khu Nyasaye Omulesi webiloonje bioosi
56:81أَفَبِهَٰذَا ٱلۡحَدِيثِ أَنتُم مُّدۡهِنُونَ
Ne kano namakhuwa kamulekanga
56:82وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Amwakhopele orio khumukabo kwenyu (kwa abahele) nanyu mwikhola mbu muyingana
56:83فَلَوۡلَآ إِذَا بَلَغَتِ ٱلۡحُلۡقُومَ
Kaliba karie olwa omwoyo kuliuula khulukamukamu? (Mwiporokotio)
56:84وَأَنتُمۡ حِينَئِذٍ تَنظُرُونَ
Ne enywe ebise ebo muhenganga
56:85وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Ne efwe khuli ahambi muno ninanyu , nanyu shimukhulolanga tawe
56:86فَلَوۡلَآ إِن كُنتُمۡ غَيۡرَ مَدِينِينَ
Ne enywe mukhaya okhuba mubunyali bwanje
56:87تَرۡجِعُونَهَآ إِن كُنتُمۡ صَٰدِقِينَ
mbu shina nimulakalusia omwoyo oko nikali mbu muboolanga obwatoto
56:88فَأَمَّآ إِن كَانَ مِنَ ٱلۡمُقَرَّبِينَ
Ne naliba mubalibukanilwa
56:89فَرَوۡحٌ وَرَيۡحَانٌ وَجَنَّتُ نَعِيمٍ
Kuliba omwikhoyo nende eshing’ari nende emikunda chobwokholo
56:90وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Ne naliba mubandu bomukhono omusatsa
56:91فَسَلَٰمٌ لَّكَ مِنۡ أَصۡحَٰبِ ٱلۡيَمِينِ
Ni omulembe khwiwe owuli Mubandu bomukhono musatsa
56:92وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Ne naliba Mubuyingani Abakori
56:93فَنُزُلٌ مِّنۡ حَمِيمٍ
Isambo yiyie niya amaatsi kayile pia
56:94وَتَصۡلِيَةُ جَحِيمٍ
Nende okhwinjisibwa mumulilo
56:95إِنَّ هَٰذَا لَهُوَ حَقُّ ٱلۡيَقِينِ
Toto buno nibo obwatoto bwokhwisikwa
56:96فَسَبِّحۡ بِٱسۡمِ رَبِّكَ ٱلۡعَظِيمِ
Kho witsoomie elira lia Nyasaye wuwo Omulesi Omukali muno
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.