بِسۡمِ ٱللَّهِ ٱلرَّحۡمَٰنِ ٱلرَّحِيمِ
56:1إِذَا وَقَعَتِ ٱلۡوَاقِعَةُ
Amay ka makatana so phakatana (a so alongan a qiyamah)
56:2لَيۡسَ لِوَقۡعَتِهَا كَاذِبَةٌ
Da ko kapakatana iyan i maka ongkir on
56:3خَافِضَةٌ رَّافِعَةٌ
Phakarondann Iyan (so sabaad), phakaombawn Iyan (so sabaad)
56:4إِذَا رُجَّتِ ٱلۡأَرۡضُ رَجًّا
Amay ka linogn so lopa sa linog a samporna
56:5وَبُسَّتِ ٱلۡجِبَالُ بَسًّا
Go mazaropt so manga palaw sa samporna a kazaropt
56:6فَكَانَتۡ هَبَآءً مُّنۢبَثًّا
Na mbaloy a lopapk, a mikakayambr
56:7وَكُنتُمۡ أَزۡوَٰجًا ثَلَٰثَةً
Go mbaloy kano a tlo ka dinis
56:8فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Na so manga taw sa kawanan; - na antonaa i manga taw sa kawanan
56:9وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Go so manga taw sa diwang, - na antonaa i manga taw sa diwang
56:10وَٱلسَّٰبِقُونَ ٱلسَّٰبِقُونَ
Go so miyangaoona (ko paratiyaya) na phangaoona (ko sorga)
56:11أُوْلَٰٓئِكَ ٱلۡمُقَرَّبُونَ
Na siran man i manga rarani (ko Allah)
56:12فِي جَنَّٰتِ ٱلنَّعِيمِ
A khatago ko manga sorga, a pakalma
56:13ثُلَّةٌ مِّنَ ٱلۡأَوَّلِينَ
Madakl a pd on ko miyangaoona
56:14وَقَلِيلٌ مِّنَ ٱلۡأٓخِرِينَ
Na mayto a pd on ko miyanga oori
56:15عَلَىٰ سُرُرٍ مَّوۡضُونَةٍ
Khidadarpa ko manga kantir, a piyamarabowatan
56:16مُّتَّكِـِٔينَ عَلَيۡهَا مُتَقَٰبِلِينَ
Gii siran roo zasandasandang, a khipagaadapadapa
56:17يَطُوفُ عَلَيۡهِمۡ وِلۡدَٰنٌ مُّخَلَّدُونَ
Ipphagilid kiran o manga wata a tatap a manga kangodaan
56:18بِأَكۡوَابٍ وَأَبَارِيقَ وَكَأۡسٍ مِّن مَّعِينٍ
So manga baso, go manga kndi, go so khitatagoan sa inomn a phoon ko bowalan
56:19لَّا يُصَدَّعُونَ عَنۡهَا وَلَا يُنزِفُونَ
Di ron zakit a olo iran, go di siran on khabrg
56:20وَفَٰكِهَةٍ مِّمَّا يَتَخَيَّرُونَ
Go manga onga, a pd ko matotomo iran
56:21وَلَحۡمِ طَيۡرٍ مِّمَّا يَشۡتَهُونَ
Go sapo a manga papanok a pd ko pkhababayaan iran
56:22وَحُورٌ عِينٌ
Go so (manga bai a) manga tataid, a manga pipiya i kapmata
56:23كَأَمۡثَٰلِ ٱللُّؤۡلُوِٕ ٱلۡمَكۡنُونِ
Manga izan o manga montiya, a totongkopn
56:24جَزَآءَۢ بِمَا كَانُواْ يَعۡمَلُونَ
Balas ko pinggolawla iran (a mapiya)
56:25لَا يَسۡمَعُونَ فِيهَا لَغۡوًا وَلَا تَأۡثِيمًا
Daa khan´g iran roo a ilang, go da a kambaradosa
56:26إِلَّا قِيلًا سَلَٰمًا سَلَٰمًا
Inonta so katharo a "salaam, kalilintad
56:27وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Na so manga taw sa kawanan; - antonaa i manga taw sa kawanan
56:28فِي سِدۡرٍ مَّخۡضُودٍ
Khatago siran ko kayo a Sidr a disorokn
56:29وَطَلۡحٍ مَّنضُودٍ
Go manga saging, a manga titiyolig
56:30وَظِلٍّ مَّمۡدُودٍ
Go kasisirongan a tatap
56:31وَمَآءٍ مَّسۡكُوبٍ
Go ig a mabobobos
56:32وَفَٰكِهَةٍ كَثِيرَةٍ
Go manga onga a madakl
56:33لَّا مَقۡطُوعَةٍ وَلَا مَمۡنُوعَةٍ
Dikharintas go da a rn iyan
56:34وَفُرُشٍ مَّرۡفُوعَةٍ
Go manga igaan a manga poporo
56:35إِنَّآ أَنشَأۡنَٰهُنَّ إِنشَآءً
Mataan! a Skami na pagadnn Ami siran (a manga bai ko sorga) sa bago a kapangadn
56:36فَجَعَلۡنَٰهُنَّ أَبۡكَارًا
Na mbalowin Ami siran a manga raga
56:37عُرُبًا أَتۡرَابًا
A manga sasalinggagaw, a mrzarza
56:38لِّأَصۡحَٰبِ ٱلۡيَمِينِ
A bagian o manga taw sa kawanan
56:39ثُلَّةٌ مِّنَ ٱلۡأَوَّلِينَ
Madakl a pd on ko miyangaoona
56:40وَثُلَّةٌ مِّنَ ٱلۡأٓخِرِينَ
Go madakl a pd on ko miyangaoori
56:41وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Na so manga taw sa diwang; - antonaa i manga taw sa diwang
56:42فِي سَمُومٍ وَحَمِيمٍ
Khatago ko mayaw, go phlikabo a ig
56:43وَظِلٍّ مِّن يَحۡمُومٍ
Go along, a bl a maytm
56:44لَّا بَارِدٍ وَلَا كَرِيمٍ
Di pakarnggay, go di mapiya
56:45إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Mataan a siran na aya btad iran ko onaan oto na khikasosonor
56:46وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Go aya btad iran na lalalayonn iran so dosa a mala
56:47وَكَانُواْ يَقُولُونَ أَئِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Go aya btad iran na gi iran tharoon: "Ino amay ka matay kami, go mbaloy kami a botha, go manga tolan, ba mataan! a khawyag kami dn (zaroman)
56:48أَوَءَابَآؤُنَا ٱلۡأَوَّلُونَ
Go so manga loks ami a miyangaoona
56:49قُلۡ إِنَّ ٱلۡأَوَّلِينَ وَٱلۡأٓخِرِينَ
Tharoang ka: "Mataan! a so miyangaoona, go so miyangaoori
56:50لَمَجۡمُوعُونَ إِلَىٰ مِيقَٰتِ يَوۡمٍ مَّعۡلُومٍ
Na plimodn siran dn ko kapthatalabokaan ko alongan a mappnto
56:51ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Oriyan iyan na mataan! a skano hay mithataridadag! - a miyamanaplis
56:52لَأٓكِلُونَ مِن شَجَرٍ مِّن زَقُّومٍ
Na phakakan kano dn ko kayo a Zaqqom
56:53فَمَالِـُٔونَ مِنۡهَا ٱلۡبُطُونَ
Na mapnopno iyo ron so manga tiyan iyo
56:54فَشَٰرِبُونَ عَلَيۡهِ مِنَ ٱلۡحَمِيمِ
Na misondok iyo ron so phlikabo a ig
56:55فَشَٰرِبُونَ شُرۡبَ ٱلۡهِيمِ
Na makainom kano sa kainom a manga onta a pkhawaw
56:56هَٰذَا نُزُلُهُمۡ يَوۡمَ ٱلدِّينِ
Giyaya i talagad kiran ko gawii a kapamalas
56:57نَحۡنُ خَلَقۡنَٰكُمۡ فَلَوۡلَا تُصَدِّقُونَ
Skami i miyadn rkano; na ba kano di phangimbnar
56:58أَفَرَءَيۡتُم مَّا تُمۡنُونَ
Ay gda iyo ko pkhawdod iyo (ko manga rahim o manga babay)
56:59ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Ba skano i phagadn on, antawaa Skami i Pphangadn
56:60نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Skami i dominiyangka rkano ko kapatay, na di Kami niyo khapalagoyan
56:61عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Ko kazambi Ami sa manga lagid iyo, go so kaphagadna Mi rkano ko nganin a di niyo katawan
56:62وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Na sabnsabnar a kiyatokawan iyo so kiyapangadn a paganay; na ba niyo di khatadmi
56:63أَفَرَءَيۡتُم مَّا تَحۡرُثُونَ
Ay gda iyo ko ipzawd iyo
56:64ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Ba skano i pphamakalonaw ron, antawaa Skami i pphamakalonaw ron
56:65لَوۡ نَشَآءُ لَجَعَلۡنَٰهُ حُطَٰمًا فَظَلۡتُمۡ تَفَكَّهُونَ
O kabaya Ami na mataan a khabaloy Ami skaniyan a pols, na mabaloy kano a pphammsa kano
56:66إِنَّا لَمُغۡرَمُونَ
(Gii niyo matharo:) "Mataan! a skami na ba kami dn miyakambayadan
56:67بَلۡ نَحۡنُ مَحۡرُومُونَ
Kna, ka skami na piyapas rkami (so riskhi)
56:68أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Ay gda iyo ko ig a so phaginomn iyo
56:69ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ba skano i pphamakatoron on a phoon ko manga gabon, antawaa Skami i pphamakatoron on
56:70لَوۡ نَشَآءُ جَعَلۡنَٰهُ أُجَاجًا فَلَوۡلَا تَشۡكُرُونَ
O kabaya Ami, na khabaloy Ami skaniyan a mapld; na ino kano di phanalamat
56:71أَفَرَءَيۡتُمُ ٱلنَّارَ ٱلَّتِي تُورُونَ
Ay gda iyo ko apoy a so mapphakagmaw niyo
56:72ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Ba skano i miyakatho ko kayo niyan, antawaa Skami i miyamakatho on
56:73نَحۡنُ جَعَلۡنَٰهَا تَذۡكِرَةً وَمَتَٰعًا لِّلۡمُقۡوِينَ
Skami na biyaloy Ami skaniyan a pananadm, go kapnggonaan khitatanaw
56:74فَسَبِّحۡ بِٱسۡمِ رَبِّكَ ٱلۡعَظِيمِ
Na phoroporo on ka so ngaran o Kadnan ka a Mala
56:75فَلَآ أُقۡسِمُ بِمَوَٰقِعِ ٱلنُّجُومِ
Na pzapa Ako dn sa ibt ko manga darpa o manga bitoon
56:76وَإِنَّهُۥ لَقَسَمٌ لَّوۡ تَعۡلَمُونَ عَظِيمٌ
Na mataan aya a titho a kazapa o katawi niyo a lbi a mala
56:77إِنَّهُۥ لَقُرۡءَانٌ كَرِيمٌ
Mataan! a skaniyan na titho a Qor´an, a pagaadatan
56:78فِي كِتَٰبٍ مَّكۡنُونٍ
Zisii ko daptar a pagoongowan (a so Lawkh Mahfod)
56:79لَّا يَمَسُّهُۥٓ إِلَّا ٱلۡمُطَهَّرُونَ
Daa phakaskho on inonta so miyanga sosoti
56:80تَنزِيلٌ مِّن رَّبِّ ٱلۡعَٰلَمِينَ
Initoron a phoon ko Kadnan o manga kaadn
56:81أَفَبِهَٰذَا ٱلۡحَدِيثِ أَنتُم مُّدۡهِنُونَ
Antonaa i sabap a giya ungkai a tothol na skano na pakaiitoon iyo
56:82وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Go pmbalowin iyo so pagpr rkano a mataan! a skano na phagongkirn niyo
56:83فَلَوۡلَآ إِذَا بَلَغَتِ ٱلۡحُلۡقُومَ
Na ino igira a miyakasampay (so niyawa) ko bakrng
56:84وَأَنتُمۡ حِينَئِذٍ تَنظُرُونَ
A skano sa masa oto na pkhailay niyo
56:85وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Go Skami i lbi a marani ron a di skano, - na ogaid na di niyo khaylay
56:86فَلَوۡلَآ إِن كُنتُمۡ غَيۡرَ مَدِينِينَ
Na o skano na di kano khabalasan
56:87تَرۡجِعُونَهَآ إِن كُنتُمۡ صَٰدِقِينَ
Na ino niyo to di maphakakasoy, o skano i manga bnar
56:88فَأَمَّآ إِن كَانَ مِنَ ٱلۡمُقَرَّبِينَ
Na amay ka aya btad iyan na pd ko phamakaranin (ko sorga)
56:89فَرَوۡحٌ وَرَيۡحَانٌ وَجَنَّتُ نَعِيمٍ
Na (rk iyan) so kapakadkha, go pagpr, go sorga, a pakalma
56:90وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Na amay ka aya btad iyan na pd ko manga taw sa kawanan
56:91فَسَلَٰمٌ لَّكَ مِنۡ أَصۡحَٰبِ ٱلۡيَمِينِ
Na (tharoon on:) "Salaam a bagian ka a pd ko manga taw sa kawanan
56:92وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Na amay ka aya btad iyan na sii pd ko miyamanaplis, a mithataridadag
56:93فَنُزُلٌ مِّنۡ حَمِيمٍ
Na talagad on so phlikabo a ig
56:94وَتَصۡلِيَةُ جَحِيمٍ
Go phagbong ko naraka Jahim
56:95إِنَّ هَٰذَا لَهُوَ حَقُّ ٱلۡيَقِينِ
Mataan! a giyaya na titho a skaniyan so bnar a matatangkd
56:96فَسَبِّحۡ بِٱسۡمِ رَبِّكَ ٱلۡعَظِيمِ
Na phoroporo on ka so ngaran o Kadnan ka, a Lbi-a-mala
Translation: Guro Alim Saromantang.