بِسۡمِ ٱللَّهِ ٱلرَّحۡمَٰنِ ٱلرَّحِيمِ
56:1إِذَا وَقَعَتِ ٱلۡوَاقِعَةُ
Marka ay dhacdada weyni dhacdo
56:2لَيۡسَ لِوَقۡعَتِهَا كَاذِبَةٌ
Ma jiro wax beeninayaa dhiciddeeda
56:3خَافِضَةٌ رَّافِعَةٌ
Hoos u dhigeysaa (qolo) kor u qaadeysaa (qolo kale)
56:4إِذَا رُجَّتِ ٱلۡأَرۡضُ رَجًّا
Marka dhulka la gilgilo gilgilid daran
56:5وَبُسَّتِ ٱلۡجِبَالُ بَسًّا
Oo buuraha la ridqo ridqin daran
56:6فَكَانَتۡ هَبَآءً مُّنۢبَثًّا
Markaas waxay ahaan sida boor firdhisan
56:7وَكُنتُمۡ أَزۡوَٰجًا ثَلَٰثَةً
Oo waxaad ahaan saddex nooc
56:8فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Ma kuwa ah Gacanta Midig, maxay farxad u ahaatay kuwa ah Gacanta Midig
56:9وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Kuwase ah Gacanta Bidix, xumaa kuwa ah Gacanta Bidix
56:10وَٱلسَّٰبِقُونَ ٱلسَّٰبِقُونَ
oo kuwa hor maray iyagaa horreyn
56:11أُوْلَٰٓئِكَ ٱلۡمُقَرَّبُونَ
Kuwakan weeye kuwa loo soo dhoweyn Ilaahay
56:12فِي جَنَّٰتِ ٱلنَّعِيمِ
Beero barwaaqo ah gudahood
56:13ثُلَّةٌ مِّنَ ٱلۡأَوَّلِينَ
Waa rac ka mid ah kuwii hore
56:14وَقَلِيلٌ مِّنَ ٱلۡأٓخِرِينَ
Iyo in yar oo ka mid ah kuwii dambe
56:15عَلَىٰ سُرُرٍ مَّوۡضُونَةٍ
Sariiro korkooda dahab lagu qurxiyey
56:16مُّتَّكِـِٔينَ عَلَيۡهَا مُتَقَٰبِلِينَ
Iyagoo ku jiqleysan korkeeda, oo fool ka fool is qaabilaya
56:17يَطُوفُ عَلَيۡهِمۡ وِلۡدَٰنٌ مُّخَلَّدُونَ
Waxaa u adeegi wiilal waaraya aanay da’ doorin, kuwaa oo kula wareegi doono
56:18بِأَكۡوَابٍ وَأَبَارِيقَ وَكَأۡسٍ مِّن مَّعِينٍ
Koobab iyo kirliyo iyo galaas sharaab macaan oo daahir ah
56:19لَّا يُصَدَّعُونَ عَنۡهَا وَلَا يُنزِفُونَ
Oo aanu marnaba madaxu ku wareerin oo aanay ku maan guurin
56:20وَفَٰكِهَةٍ مِّمَّا يَتَخَيَّرُونَ
Iyo midho; waxay doortaan ah
56:21وَلَحۡمِ طَيۡرٍ مِّمَّا يَشۡتَهُونَ
Iyo hilib shimbiro kay rabaanba
56:22وَحُورٌ عِينٌ
Oo (u wehelin doonaan) xuurul cayn
56:23كَأَمۡثَٰلِ ٱللُّؤۡلُوِٕ ٱلۡمَكۡنُونِ
La moodo luul la dhowray
56:24جَزَآءَۢ بِمَا كَانُواْ يَعۡمَلُونَ
Waa abaalgud waxay camalsan fali jireen
56:25لَا يَسۡمَعُونَ فِيهَا لَغۡوًا وَلَا تَأۡثِيمًا
Kuma maqli doonaan halkaa hadal macno darro ah iyo dambaabid midna
56:26إِلَّا قِيلًا سَلَٰمًا سَلَٰمًا
Waxaan ahayn odhaahda nabad nabad
56:27وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Kuwa ah Gacanta Midig, maxay farxad u ahaatay kuwa ah Gacanta Midig
56:28فِي سِدۡرٍ مَّخۡضُودٍ
(Waxay dhex ahaan) geedo gob aan qodax lahayn
56:29وَطَلۡحٍ مَّنضُودٍ
Iyo geedo Muus ah miro karooran
56:30وَظِلٍّ مَّمۡدُودٍ
Iyo har fidsan
56:31وَمَآءٍ مَّسۡكُوبٍ
Iyo biyo u socda joogto
56:32وَفَٰكِهَةٍ كَثِيرَةٍ
Iyo midho tiro badan
56:33لَّا مَقۡطُوعَةٍ وَلَا مَمۡنُوعَةٍ
Marnaba aan go’eyn, mamnuucna ahayn
56:34وَفُرُشٍ مَّرۡفُوعَةٍ
Iyo sariiro (boqoreed) la kor yeelay
56:35إِنَّآ أَنشَأۡنَٰهُنَّ إِنشَآءً
Waxaan Annagu ka yeelay inay soo baxaan iyaga (haweenkii adduunka ee Jannada galay) soo bixid gaar ah
56:36فَجَعَلۡنَٰهُنَّ أَبۡكَارًا
Markaasaan waxaan ka dhignay bikrooyin ugub ah
56:37عُرُبًا أَتۡرَابًا
Gacalooyin, isku wada da’ ah
56:38لِّأَصۡحَٰبِ ٱلۡيَمِينِ
Oo ay leeyihiin kuwa ah Gacanta Midig
56:39ثُلَّةٌ مِّنَ ٱلۡأَوَّلِينَ
Kuwo badan oo ka mid ah waa horraankii kal hore (soo galay Islaamka)
56:40وَثُلَّةٌ مِّنَ ٱلۡأٓخِرِينَ
Kuwo badan oo ka mid ahna kuwii kal dambe (soo galay Islaamka)
56:41وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Kuwa ah Gacanta Bidix _xumaa kuwaa ah Gacanta Bidix
56:42فِي سَمُومٍ وَحَمِيمٍ
Waxay dhex ahaan hanfi kulul iyo biyo karkaraya
56:43وَظِلٍّ مِّن يَحۡمُومٍ
Iyo hoos qiiq badan
56:44لَّا بَارِدٍ وَلَا كَرِيمٍ
Aan laheyn qabow iyo daryeel midna
56:45إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Hubaal waxay ahaayeen taa horteed, kuwo loo raaxeeyey
56:46وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Oo waxay ku adkeysan jireen Dambiga aad iyo aadka u weyn (shirkiga)
56:47وَكَانُواْ يَقُولُونَ أَئِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Oo waxay odhan jireen: Ma markaan dhimanno oo noqonno ciid iyo lafo, miyaa xaqiiq nala soo nooleyn doonaa
56:48أَوَءَابَآؤُنَا ٱلۡأَوَّلُونَ
Oo sidoo kale miyaa aabbayaashayadii hore (la soo nooleyn)
56:49قُلۡ إِنَّ ٱلۡأَوَّلِينَ وَٱلۡأٓخِرِينَ
Dheh, kuwii hore iyo kuwa dambaba
56:50لَمَجۡمُوعُونَ إِلَىٰ مِيقَٰتِ يَوۡمٍ مَّعۡلُومٍ
Waxaa hubaal loo soo kulmin doonaa wada jir waqti Maalin la yaqaan
56:51ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Markaas idinka kuwiinan habowsanayaasha ahow, ee beeniyow
56:52لَأٓكِلُونَ مِن شَجَرٍ مِّن زَقُّومٍ
Waxaad hubaal wax ka cuni doontaan geed xun oo Zaqquum ah
56:53فَمَالِـُٔونَ مِنۡهَا ٱلۡبُطُونَ
Oo ka buuxin doontaan caloolihiinna
56:54فَشَٰرِبُونَ عَلَيۡهِ مِنَ ٱلۡحَمِيمِ
Markaas ku cabbi doontaan biyo kulul oo karkaraya
56:55فَشَٰرِبُونَ شُرۡبَ ٱلۡهِيمِ
Oo u cabbi doontaan sida cabbidda geel asqoobay
56:56هَٰذَا نُزُلُهُمۡ يَوۡمَ ٱلدِّينِ
Kani waa waxa lagu soori doona iyaga Maalinta Abaal marinta
56:57نَحۡنُ خَلَقۡنَٰكُمۡ فَلَوۡلَا تُصَدِّقُونَ
Annagaa idin abuurnay, ee maxaad la rumeyn weydeen
56:58أَفَرَءَيۡتُم مَّا تُمۡنُونَ
Ma u fiirsateen minada idinka timaada
56:59ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Ma idinkaa abuuray mise waa Annaga Abuurayaasha
56:60نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Annagaa idiin qaddarnay dhimashada dhexdiinna, oo ma nihin kuwo laga baxsan karo
56:61عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Si aan u keenno halkiinna kuwa idinla mid ah oo aan idiin soo bixinno (qaabab iyo suurado) aydaan garaneyn
56:62وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Oo waxaad dhab ahaan og tihiin soo bixitaankii hore, ee maxaad haddaba u garowsan weydeen
56:63أَفَرَءَيۡتُم مَّا تَحۡرُثُونَ
Ma u fiirsateen waxa aad beertaan
56:64ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Ma idinkaa sababa inay soo baxaan, mise waa Annaga Kuwa soo Bixiya
56:65لَوۡ نَشَآءُ لَجَعَلۡنَٰهُ حُطَٰمًا فَظَلۡتُمۡ تَفَكَّهُونَ
Haddii aan Doonno, waxaan ka dhigi karnaa xaabo engagan, oo waxaad noqoneysaan kuwo murugo iyo ciil qaba
56:66إِنَّا لَمُغۡرَمُونَ
(idinkoo leh): dhab ahaan Waxaynu nahay kuwo la culaabeysan deyn
56:67بَلۡ نَحۡنُ مَحۡرُومُونَ
Mayee, waxaynu nahay kuwa la seejiyey (midhahii)
56:68أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Ma u fiirsateen biyaha aad cabtaan
56:69ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ma idinkaa kuwa ka soo dajiya daruuraha, mise Annaga weeye kuwa soo dejiya
56:70لَوۡ نَشَآءُ جَعَلۡنَٰهُ أُجَاجًا فَلَوۡلَا تَشۡكُرُونَ
Haddii aan doonno, Waxaan ka dhigi lahayn jaan dhanaan oo milix ah, ee maxaad haddaba u shurki naqi weydeen
56:71أَفَرَءَيۡتُمُ ٱلنَّارَ ٱلَّتِي تُورُونَ
Ma u fiirsateen dabka aad madagta ka shiddaan
56:72ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Ma idinka baa kuwa u soo saara geedaha, mise Annaga weeye soo saarayaasha
56:73نَحۡنُ جَعَلۡنَٰهَا تَذۡكِرَةً وَمَتَٰعًا لِّلۡمُقۡوِينَ
Innaga baa waxaynu ka dhignay waano; iyo wax ay ku intifaacaan kuwa ku safra saxraha (iyo qeyrkoodba)
56:74فَسَبِّحۡ بِٱسۡمِ رَبِّكَ ٱلۡعَظِيمِ
Ee xurmee Magaca Rabbigaa, Weynaha
56:75فَلَآ أُقۡسِمُ بِمَوَٰقِعِ ٱلنُّجُومِ
Mayee Waxaan ku dhaartay halkay xiddiguhu ku dhacaan
56:76وَإِنَّهُۥ لَقَسَمٌ لَّوۡ تَعۡلَمُونَ عَظِيمٌ
Oo xaqiiq, waa dhaar dhabtii and u weyn, haddii aad ogaan lahaydeen
56:77إِنَّهُۥ لَقُرۡءَانٌ كَرِيمٌ
Hubaal waa Qur'aan Sharaf Badan
56:78فِي كِتَٰبٍ مَّكۡنُونٍ
Ku yaal Kitaab aad la dhowray
56:79لَّا يَمَسُّهُۥٓ إِلَّا ٱلۡمُطَهَّرُونَ
Cidina taaban kuwa la daahiriyey mooyee
56:80تَنزِيلٌ مِّن رَّبِّ ٱلۡعَٰلَمِينَ
Ah soo waxyoodka Rabbiga uunanka
56:81أَفَبِهَٰذَا ٱلۡحَدِيثِ أَنتُم مُّدۡهِنُونَ
Ee ma warkan baad haddaba u qaadataan wax fudud aan qiimo lahayn
56:82وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
oo ka yeeshaan risiqiinna inaad ka been sheegtaan
56:83فَلَوۡلَآ إِذَا بَلَغَتِ ٱلۡحُلۡقُومَ
Ee maxaydaan haddaba marka ay (naftu) dhuunta soo gaadho
56:84وَأَنتُمۡ حِينَئِذٍ تَنظُرُونَ
Oo idinku markaas aad eegaysaan
56:85وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Oo Annagu aan idiinka dhow nahay, laakiinse aydaan arkaynin
56:86فَلَوۡلَآ إِن كُنتُمۡ غَيۡرَ مَدِينِينَ
Ee Maxaydaan haddaba haddii aad tihiin kuwo aan xil qabanayn
56:87تَرۡجِعُونَهَآ إِن كُنتُمۡ صَٰدِقِينَ
Ugu soo celin (weydeen) nafta (jirkeedii) haddii aad run sheegeysaan
56:88فَأَمَّآ إِن كَانَ مِنَ ٱلۡمُقَرَّبِينَ
Haddaba haddii uu ka mid yahay kuwa loo soo dhoweeyo (Allaah)
56:89فَرَوۡحٌ وَرَيۡحَانٌ وَجَنَّتُ نَعِيمٍ
Markaas waa farax, iyo risiq, iyo Beer barwaaqo ah
56:90وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Oo haddii uu ka mid yahay kuwa ah gacanta midig
56:91فَسَلَٰمٌ لَّكَ مِنۡ أَصۡحَٰبِ ٱلۡيَمِينِ
Nabad baa kaaga sugnaatay xagga kuwa ah gacanta midig
56:92وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Haddiise uu ka mid yahay kuwa (Xaqa) diida , habowsanaaysaha ah
56:93فَنُزُلٌ مِّنۡ حَمِيمٍ
Waxaa lagu sooryeen biyo kulul oo karaya
56:94وَتَصۡلِيَةُ جَحِيمٍ
Iyo ku gubasho Dabka
56:95إِنَّ هَٰذَا لَهُوَ حَقُّ ٱلۡيَقِينِ
Hubaal, arrinkani waa run la hubo
56:96فَسَبِّحۡ بِٱسۡمِ رَبِّكَ ٱلۡعَظِيمِ
Ee xurmee Magaca Rabbigaa,Weynaha
Translation: Abdullah Hasan Jacob.