Surah 37 · 182 verses · Sheikh Mahmoud Abdel Qader Hamz And Group Of Scholars

Surah As-Saffat in Afar

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

37:1

وَٱلصَّٰٓفَّٰتِ صَفًّا

Yalli malaykay missoowiyyah missowtal xiibite

37:2

فَٱلزَّٰجِرَٰتِ زَجۡرًا

Kaadu Yalli qamburre foorisiyyah foorissa (wakayah wakayta) Malaykal xiibite

37:3

فَٱلتَّٰلِيَٰتِ ذِكۡرًا

Kaadu Qhuraan kee Dikri akriyiyyah takriye malaykal xiibite

37:4

إِنَّ إِلَٰهَكُمۡ لَوَٰحِدٌ

Diggah seehaday sin Yallay taqbudeeni inkittuk qibaadá kaah caglisa iyyaanamal xiibite

37:5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

Usuk qaranwaa kee baaxóoy, ken nammayih fanal taniimih Rabbi, kaadu usuk ayrô mawqooqii kee ayrô kormaamî Rabbi kinni

37:6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

Diggah Nanu addunyâ qaran cutuukat bilqisneh

37:7

وَحِفۡظًا مِّن كُلِّ شَيۡطَٰنٍ مَّارِدٍ

Kaadu ummaan sheetanay Yallih taaqatak yewqek, qaran cutuukat dacrisna

37:8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٍ

Sheetoona qaran mataafaay, irô qaraanal tan Malaykah yab taabbem madudda, kaadu ummaan kabuk qambisimta

37:9

دُحُورًاۖ وَلَهُمۡ عَذَابٌ وَاصِبٌ

Woo ankactuk xiiriysimaanaah, amurruqe wayta digaalá-lon akeeral

37:10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٌ ثَاقِبٌ

Sheetoona Malaykak sissikuk qawta qangara akke waytek yaabbeenim maduudan, tokkel ura dabiitay ken cararisa ken kataata

37:11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٍ لَّازِبِۭ

Nabiyow toysa ken esser ginóh usun gibdoonu innaa hinnay Nanu ginnem gibdim ginoonak? Diggah nanu xankab itta kallay gabat kaftak ken ginne (ken abba Aadam kinnuk)

37:12

بَلۡ عَجِبۡتَ وَيَسۡخَرُونَ

Wonna hinnay nabiyow koo dirabboysaanaah, qhiyaamah ayróh ugut yangaddeenim qajjibsittah usun kol anqaasak

37:13

وَإِذَا ذُكِّرُواْ لَا يَذۡكُرُونَ

Hawweeneenim ken kassiisan waqdi kas elle mageyaanaay, edde mayantifiqan

37:14

وَإِذَا رَأَوۡاْ ءَايَةً يَسۡتَسۡخِرُونَ

Kaadu atu Nabii kinnitom tascasse astá yablen waqdi teetil anqasaanaah qajjibsitan

37:15

وَقَالُوٓاْ إِنۡ هَٰذَآ إِلَّا سِحۡرٌ مُّبِينٌ

Kaadu atu luk temeetem kalah tu- hinna, baxxaqqa iyya baab akke waytek kaak iyyen

37:16

أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ

Rabneeh burtaay lafoofi nakke waqdi, nanu diggah nuwwuk ugtennoo ninni magooqak? (Qhiyaamah ayró kinnuk)

37:17

أَوَءَابَآؤُنَا ٱلۡأَوَّلُونَ

Kaadu nek naharsi abbobtiy warrayte ugtelee iyyen

37:18

قُلۡ نَعَمۡ وَأَنتُمۡ دَٰخِرُونَ

Yeey, ugtetton keenik ixxic nabiyow; isin xixxibaaneey, qunxaane-luk

37:19

فَإِنَّمَا هِيَ زَجۡرَةٌ وَٰحِدَةٌ فَإِذَا هُمۡ يَنظُرُونَ

Cagalah is Israafiil baantah inki xongoló, eddeluk usun magooqak ugtaanaah sinnik abaanam qambaalitan

37:20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

Nee gee finqaaw! ah cisaabaay galtóh ayró iyyan (qhiyaamah ayró kinnuk)

37:21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

Ah-meklah ayróy ginô fan qadlil edde meklaanay isin dirabboysak sugteeni keenik iyyan

37:22

ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

Malaykak iyyaanah; koroosite maraa kee koroosannul ken kataateeh ken ceela maraay, usun Yallak kalah aqbaduk sugeenim gaaboysa

37:23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

Eddeluk jaciim deqsitta giráh gita keenih escessa

37:24

وَقِفُوهُمۡۖ إِنَّهُم مَّسۡـُٔولُونَ

Kaadu siraat garil ken eyseeda, diggah usun addunyal abeenimik esserimaanahak

37:25

مَا لَكُمۡ لَا تَنَاصَرُونَ

Maca litoonuuh, itta kah cate waytaanam addunyal itta kah catak sugten innah keenik iyyan ken sahitak

37:26

بَلۡ هُمُ ٱلۡيَوۡمَ مُسۡتَسۡلِمُونَ

Wonna hinnay usun asaaku (qhiyaamah ayró kinnuk) Yallih amrih gabá yeceenih xixxibaane luk

37:27

وَأَقۡبَلَ بَعۡضُهُمۡ عَلَىٰ بَعۡضٍ يَتَسَآءَلُونَ

Korosuk mariiy marat afkanuk keemaaritak itta esseran

37:28

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

Diggah isin cakki-le kabuk nee gutuqak net amaatuk sugteeniih, baatil net bilqisak sugten iyyen kattaate mari katayen marak

37:29

قَالُواْ بَل لَّمۡ تَكُونُواْ مُؤۡمِنِينَ

Katayen mari keenil gacisak, wonna hinnay isin nummayse marah ma-suginniton keenik iyyan

37:30

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمًا طَٰغِينَ

Kaadu nanu sin amol qandey iimaanak sin edde waasna luk masuginnino, wonna hinnay isin dambit caddok tature marah sugten

37:31

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

Tokkel ni-Rabbih maxcó inkih nel nummatteh, diggah nee kee sin digaalá tammoysenno

37:32

فَأَغۡوَيۡنَٰكُمۡ إِنَّا كُنَّا غَٰوِينَ

Eddeluk Yallih gitaa kee iimaanak sin makkosneh, diggah nanu siinik dumaak makkoote marah sugne

37:33

فَإِنَّهُمۡ يَوۡمَئِذٍ فِي ٱلۡعَذَابِ مُشۡتَرِكُونَ

Toysa diggah usun woo ayró (qhiyaamah ayró kinnuk) digaalál yangaleenih addunyal umaanél yengeleenimih sabbatah. (kattaate maraa kee katayen mara kinnuk)

37:34

إِنَّا كَذَٰلِكَ نَفۡعَلُ بِٱلۡمُجۡرِمِينَ

Diggah nanu umeyniitik tamannah abna

37:35

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

Diggah usun (koros kinnuk) inki Yallak-sa cakkil yaqbuden Yalli mayan ixxica keenik iyyan waqdi, kaxxa-mariinitak sugen addunyal

37:36

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٍ مَّجۡنُونِۭ

Kaadu nanu diggah ninni yallitteh qibaadá gad-abê cabulih sabbatah cabnoo iyyen? (woh kak iyyaanam Yallih farmoyta kinnuk)

37:37

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

Wonna hinnay Nabii cakki baaheeh (Qhuraan kee Yalla inkittoysaanam kinnuk) farmoytit nummaysak yemeete

37:38

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

A-korosey isin diggah qansarissa digaalá tammoysetton qhiyaamah ayró

37:39

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

Kaadu addunyal umaanék abak sugteenimik-sa elle galtimtaanam manton akeeral

37:40

إِلَّا عِبَادَ ٱللَّهِ ٱلۡمُخۡلَصِينَ

Yallih naqoosay qibaadá kaah caglissey Yalli isi racmat caglise akke waytek qansarissa digaalák naggowtam matan

37:41

أُوْلَٰٓئِكَ لَهُمۡ رِزۡقٌ مَّعۡلُومٌ

Woo meqe maray Yalli doore yimixxige quusiy (rizqhiy) aggiriqqewaa lon

37:42

فَوَٰكِهُ وَهُم مُّكۡرَمُونَ

Woo rizqhi maggo caxâ mixu, usun Yalli keenih abe konnabá luk

37:43

فِي جَنَّٰتِ ٱلنَّعِيمِ

Waara niqmat-le Jannootah addal yanin

37:44

عَلَىٰ سُرُرٍ مُّتَقَٰبِلِينَ

Qaraakiy amol sitta fan afkanuk

37:45

يُطَافُ عَلَيۡهِم بِكَأۡسٍ مِّن مَّعِينِۭ

Maqiin deqsitta daráh gocoyuk kibuk yan kaaqon keenit meksima

37:46

بَيۡضَآءَ لَذَّةٍ لِّلشَّٰرِبِينَ

Ama gocoy qadoh, yaaqube marah satta-le

37:47

لَا فِيهَا غَوۡلٌ وَلَا هُمۡ عَنۡهَا يُنزَفُونَ

Usuk kas mabeyaay, amô berra mali kaadu usun kaat mayaskiran (madoomitan)

37:48

وَعِندَهُمۡ قَٰصِرَٰتُ ٱلطَّرۡفِ عِينٌ

Kaadu ken xaqul saytun agabuy sinni baqoltik-sá num fanah waktewaay, qax-meqe intiita-le lon

37:49

كَأَنَّهُنَّ بَيۡضٌ مَّكۡنُونٌ

Ama agbih weeló dansinte naalay gabá xage wayteh inna-le qidih

37:50

فَأَقۡبَلَ بَعۡضُهُمۡ عَلَىٰ بَعۡضٍ يَتَسَآءَلُونَ

Tokkel jannatti mari, mariiy marat keenik yafkune addunyal keenil taturtem itta esserak

37:51

قَالَ قَآئِلٌ مِّنۡهُمۡ إِنِّي كَانَ لِي قَرِينٌ

Jannatti marak yaabe num iyyeh; diggah anu rabak lakal tan manó yangadde kataysa luk suge addunyal

37:52

يَقُولُ أَءِنَّكَ لَمِنَ ٱلۡمُصَدِّقِينَ

Diggah atu nummaysa marâ tanitoo? yok axcuk suge

37:53

أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَدِينُونَ

Rabneeh, burtaay, lafoofi nakke waqdi, diggah nanu ugutnaah, cisab nek abaanaah, ninni taamoomil galtimennoo? yok axcuk suge

37:54

قَالَ هَلۡ أَنتُم مُّطَّلِعُونَ

Woo moominti Jannatal isi kataysiisik, isin girát yoo lih maay boosittan woo korostih caalat nabaluh? Iyya

37:55

فَٱطَّلَعَ فَرَءَاهُ فِي سَوَآءِ ٱلۡجَحِيمِ

Eddeluk bossu iyyeeh, jaciim deqsitta girák gudel (guddaqtal) kaa yuble

37:56

قَالَ تَٱللَّهِ إِن كِدتَّ لَتُرۡدِينِ

Yallal xiibita immay, diggah yoo finqise raarte koo oggolinniyoy, kaak (kay kataysay addunyal rabak lakal manó tanim angadduk suge kinnuk) iyya woo moominti

37:57

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

Kaadu yi-Rabbi isi muxxóh tirri yoo heewannay, kôo luk girál xayyoysimeeh tet cule marih num akkuk-en

37:58

أَفَمَا نَحۡنُ بِمَيِّتِينَ

Nanu waaraah rabewaa mara hinninom hinnaa

37:59

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

Marabna nek naharsi rabay addunyal abne akke waytek, kaadu nanu diggalsimewaa mara hinnino innaa Jannat culleek lakal

37:60

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

Diggah nanu niqmatak edde nanim, usuk kaxxa affaafa

37:61

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

Annah yan niqmatay dudda- leh taamita mari toysa taamitay addunyal

37:62

أَذَٰلِكَ خَيۡرٌ نُّزُلًا أَمۡ شَجَرَةُ ٱلزَّقُّومِ

Woo weeló kak taturte jannatih niqmatannaa, qibnaytiinoh taysem, hinnay zaqhqhuum deqsitta caxay cooxuk gactah taniy jahannam addal tani tayseeh

37:63

إِنَّا جَعَلۡنَٰهَا فِتۡنَةً لِّلظَّٰلِمِينَ

Diggah nanu korosuh aqayyaareh (mokkoroh) tet abne (zaqhqhuum kinnuk)

37:64

إِنَّهَا شَجَرَةٌ تَخۡرُجُ فِيٓ أَصۡلِ ٱلۡجَحِيمِ

Diggah is jaciim deqsitta girák ragidik tawqe caxa

37:65

طَلۡعُهَا كَأَنَّهُۥ رُءُوسُ ٱلشَّيَٰطِينِ

Tet mexexi diggah usuk sheetoonâ moyyaayih inna-le qaxumaaneh

37:66

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

Eddeluk diggah usun teetik yakmeeniih, bagitte teetik kiban

37:67

ثُمَّ إِنَّ لَهُمۡ عَلَيۡهَا لَشَوۡبًا مِّنۡ حَمِيمٍ

Tohuk lakal diggah tet bagul niqna kak caddok taturte leeh daragu-lon maaqabah

37:68

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

Too digaaláh lakal diggah gacsimeyna keenik jaciim deqsitta girâ fanah takke

37:69

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

Diggah usun sinni abbobti makkoote marah geen

37:70

فَهُمۡ عَلَىٰٓ ءَاثَٰرِهِمۡ يُهۡرَعُونَ

Usun wohul ken katayyuh yasissiken

37:71

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

Kaadu Nummah nabiyow ku- marak duma naharsi marak maggo mari makkoote

37:72

وَلَقَدۡ أَرۡسَلۡنَا فِيهِم مُّنذِرِينَ

Kaadu nummah Yallih digaalák ken meesissa farmoytit keenih rubne addunyal

37:73

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

Tokkel meesiisen marih ellecabo kah tekke inna wagitey (cubbusey) nabiyow

37:74

إِلَّا عِبَادَ ٱللَّهِ ٱلۡمُخۡلَصِينَ

Yallih naqoosay Yalli isi racmatat caglisey naggoyse akke waytek, qibaadá kaah cagliseenimih sabbatah

37:75

وَلَقَدۡ نَادَىٰنَا نُوحٌ فَلَنِعۡمَ ٱلۡمُجِيبُونَ

Yalli xiibitak iyyeh; Nabii Nuuc neh seeceh kay maral qokol kaah nakkem keh, tokkel nanu kaa oggola marak yayse mara kinnino

37:76

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Kaadu kaa kee kay buxah maraay, moominiiniy kaâ luk teemene kaxxa gibdak naggosneh (leet xuunumaanamak, sutaanamak)

37:77

وَجَعَلۡنَا ذُرِّيَّتَهُۥ هُمُ ٱلۡبَاقِينَ

Kaadu kay samad raaqe mara ken abne, kay mari leet bayeek gamadal

37:78

وَتَرَكۡنَا عَلَيۡهِ فِي ٱلۡأٓخِرِينَ

Kaadu meqe xagar-xagoo kee fayla kay amol cabne ellecabô maray kaak lakal yamaatuwaah arrabat

37:79

سَلَٰمٌ عَلَىٰ نُوحٍ فِي ٱلۡعَٰلَمِينَ

Sinam addal Nabii Nuucuh saayaay nagaynan cabne

37:80

إِنَّا كَذَٰلِكَ نَجۡزِي ٱلۡمُحۡسِنِينَ

Diggah nanu meqe mara tonnal galatna

37:81

إِنَّهُۥ مِنۡ عِبَادِنَا ٱلۡمُؤۡمِنِينَ

Diggah Nabii Nuuc ni-naqoosay teemeney Yallah qibaadá caglissek numuk teyna

37:82

ثُمَّ أَغۡرَقۡنَا ٱلۡأٓخَرِينَ

Tohuk lakal aki maray kaa dirabboyse leet xuumusneeh (sutusne) finqisne

37:83

وَإِنَّ مِن شِيعَتِهِۦ لَإِبۡرَٰهِيمَ

Kaadu diggah kay (Nabii Nuuc kinnuk) gital kaa kataate marat Nabii Ibraahim yan

37:84

إِذۡ جَآءَ رَبَّهُۥ بِقَلۡبٍ سَلِيمٍ

Isi Rabbil saytun sorkocô baxa luk yemeete waqdi Yallat agleyta haamak

37:85

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

Isi abbaa kee isi marak Yallak kalah maca taqbudeniih iyye waqdi ken assacakkuk

37:86

أَئِفۡكًا ءَالِهَةً دُونَ ٱللَّهِ تُرِيدُونَ

Yallak kalah gersi yallitte diraabah taqbudenim faxxaanaa

37:87

فَمَا ظَنُّكُم بِرَبِّ ٱلۡعَٰلَمِينَ

Tohul ginô Rabbi maca siinik abelem takkaleeniih, Yallak kalihim tuqbudeenik

37:88

فَنَظَرَ نَظۡرَةً فِي ٱلنُّجُومِ

Tokkel ken qiidih keenil luk yawqeemik malkitih cutuukâ fanah wagittoh wagga hee

37:89

فَقَالَ إِنِّي سَقِيمٌ

Edde luk diggah anu biyaakitah keenik iyye

37:90

فَتَوَلَّوۡاْ عَنۡهُ مُدۡبِرِينَ

Edde luk derre kaat cabba heenih gexen

37:91

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

Eddeluk ken yallitte fan sissikuk kelli iyyeeh (malgiyeh) matakmaanaa? iyye keenil anqasak

37:92

مَا لَكُمۡ لَا تَنطِقُونَ

Maca liton kah yaabe waytaanaah essero yol kah gacse waytaanam keenik iyye Nabii Ibraahim

37:93

فَرَاغَ عَلَيۡهِمۡ ضَرۡبَۢا بِٱلۡيَمِينِ

Edde luk Nabii Ibraahim keenit yufkuneh migdi gabah godmat ken aagaruk

37:94

فَأَقۡبَلُوٓاْ إِلَيۡهِ يَزِفُّونَ

Tokkel sissikuk naqabu luk kay mari kaah fan yufkuneeh nanu tet naqbudeeh, atu tet taggilee kaak iyyen

37:95

قَالَ أَتَعۡبُدُونَ مَا تَنۡحِتُونَ

Isin sinni gabah urtaanam taqbudeenii, sin gine Rabbî qibaadá cabba hayteenih keenik iyye

37:96

وَٱللَّهُ خَلَقَكُمۡ وَمَا تَعۡمَلُونَ

Yalli sin kee isin abba haytaanam gineh anuk

37:97

قَالُواْ ٱبۡنُواْ لَهُۥ بُنۡيَٰنًا فَأَلۡقُوهُ فِي ٱلۡجَحِيمِ

Nabii Ibraahim Yaabah keenik yeyse waqdi, tokkel kay mari uma malah kaah malseeh xiso kaah xisaay jaciim deqsitta girát kaa gasiya (qambisa) iyyen

37:98

فَأَرَادُواْ بِهِۦ كَيۡدًا فَجَعَلۡنَٰهُمُ ٱلۡأَسۡفَلِينَ

Kay mari uma malah kaah malseeh, guba raaqa mara ken abneeh, Nabii Ibraahim girák amaanah yewqe

37:99

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

Kaadu Nabii Ibraahim iyyeh; diggah anu guuroh inni Rabbî fan gexaah usuk tirri yoo heele (yoo ascassele)

37:100

رَبِّ هَبۡ لِي مِنَ ٱلصَّٰلِحِينَ

Nabii Ibraahim Yi-Rabbow meqe marih loowot yan baxa yoh acuw iyye

37:101

فَبَشَّرۡنَٰهُ بِغُلَٰمٍ حَلِيمٍ

Eddeluk dooqá kaak oggolleeh kaxxa xiq-le baxal kaa aytikumusne (berrakisne)

37:102

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ

Ismaaqil yembeeh barak abballuk taamáh edde gexa caddo yoofe waqdi, yi-baxaw diggah anu soonol koo asguudem ublek, a-caagid wagitey maca kot ceela? Kaak iyye. Yi-babbaw elle amrisimtem ab, wohul Yalli faxek yisbire marih numuh yoo geettok kaak iyye

37:103

فَلَمَّآ أَسۡلَمَا وَتَلَّهُۥ لِلۡجَبِينِ

Edde luk Yallih amri oggolen waqdi (Nabii Ibraahim kee baxa kinnuk) abba seltah (xabanah) kaa oobise kaa yasgaaduh

37:104

وَنَٰدَيۡنَٰهُ أَن يَٰٓإِبۡرَٰهِيمُ

Kaadu kaa secneh kee Ibraahimow axcuk

37:105

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

Nummah tuble soonó nummasseh, diggah nanu tonnal galatna meqe mara iyye Yalli

37:106

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ

Diggah ta-amri (ku baxih masgaada kinnuk) is-baxxaqqa itta aqayyaare kinni

37:107

وَفَدَيۡنَٰهُ بِذِبۡحٍ عَظِيمٍ

Kaadu nanu kaxxa maruwih (marugih) masgaadal kaa wadne (Ismaaqil kinnuk)

37:108

وَتَرَكۡنَا عَلَيۡهِ فِي ٱلۡأٓخِرِينَ

Kaadu Nabii Ibraahimih meqe xagar-xagoo kee fayla kay amol cabne elle cabô maray kaak lakal yamaatuwaah arraabat

37:109

سَلَٰمٌ عَلَىٰٓ إِبۡرَٰهِيمَ

Yallih xaquk nagaynan Nabii Ibraahimil yanay

37:110

كَذَٰلِكَ نَجۡزِي ٱلۡمُحۡسِنِينَ

Nabii Ibraahim kah galatne innah meqe mara tonnal galatna

37:111

إِنَّهُۥ مِنۡ عِبَادِنَا ٱلۡمُؤۡمِنِينَ

Diggah Nabii Ibraahim ni- naqoosay teemenek numuk teyna

37:112

وَبَشَّرۡنَٰهُ بِإِسۡحَٰقَ نَبِيًّا مِّنَ ٱلصَّٰلِحِينَ

Kaadu Nabii Ibraahim Iscaaqh deqsita baxay Nabii yakkuwaay meqe marak numuk teynah yanil kaa ayti-kumusne (berrakisne)

37:113

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٌ وَظَالِمٌ لِّنَفۡسِهِۦ مُبِينٌ

Kaadu kaa (Ibraahim) kee Iscaaqhal barkat oobisne, kaadu ken nammayih samadak isi nafsih meqe num keenik yaniih, baxxaqqa-le dulmih koroosannut isi nafsi yadlume num keenit yanih

37:114

وَلَقَدۡ مَنَنَّا عَلَىٰ مُوسَىٰ وَهَٰرُونَ

Yalli nummah xiibitak iyyeh; Nabii Muusaa kee Nabii Haaruun nabuwwannut gunneh

37:115

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

Kaadu ken nammay kee ken mara naggosneh kaxxa gibdak (xuumiyya kinnuk)

37:116

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

Kaadu ken qokolleeh, usun firqawnaa kee firqawni marak yayse mara yekken

37:117

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

Kaadu tawraat kitaabay baxxaqqa iyya ken nammayah necee

37:118

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

Kaadu ken nammay massa-le gital (Islaam diini kinnuk) tirri hayne

37:119

وَتَرَكۡنَا عَلَيۡهِمَا فِي ٱلۡأٓخِرِينَ

Kaadu meqe xagar-xagoo kee fayla ken nammayih amol cabne ellecabô maray keenik lakal yamaatuwaah arrabat

37:120

سَلَٰمٌ عَلَىٰ مُوسَىٰ وَهَٰرُونَ

Yallih xaquk nagaynan Nabii Muusaa kee Nabii Haaruunul yanay

37:121

إِنَّا كَذَٰلِكَ نَجۡزِي ٱلۡمُحۡسِنِينَ

Diggah ken nammay kah galatne innah nanu meqe mara tonnal galatna

37:122

إِنَّهُمَا مِنۡ عِبَادِنَا ٱلۡمُؤۡمِنِينَ

Diggah ken nammay Ni-naqoosay teemenek nammayak teyna

37:123

وَإِنَّ إِلۡيَاسَ لَمِنَ ٱلۡمُرۡسَلِينَ

Kaadu diggah Nabii Ilyaas rubsumte farmoytiitik numuk teyna

37:124

إِذۡ قَالَ لِقَوۡمِهِۦٓ أَلَا تَتَّقُونَ

Isi marak israa-iil xaylok Yallak ma-meesittaanaa? iyye waqdi keenih cus nabiyow

37:125

أَتَدۡعُونَ بَعۡلًا وَتَذَرُونَ أَحۡسَنَ ٱلۡخَٰلِقِينَ

Numtin-welluy baqla deqsita taqbudeeniih, ginó-abák yayse gineynih qibaadá cabtaanaa

37:126

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

Yalli sin Rabbiy sin gineey, siinik naharsi abbobti gine Rabbi kinni

37:127

فَكَذَّبُوهُ فَإِنَّهُمۡ لَمُحۡضَرُونَ

Eddeluk kay mari kaa dirabboyseeh, diggah usun gaaboysime loonuuh xayyowsime-lon girâ digaaláh

37:128

إِلَّا عِبَادَ ٱللَّهِ ٱلۡمُخۡلَصِينَ

Yallih naqoosay Yalli isi racmat caglisey naggoyse akke waytek qibaadá kaah cagliseenimih sabbatah

37:129

وَتَرَكۡنَا عَلَيۡهِ فِي ٱلۡأٓخِرِينَ

Kaadu Nabii Ilyaas meqe xagar- xagoo kee fayla kay amol cabne ellecabô maray kaak lakal yamaatuwaah arrabat

37:130

سَلَٰمٌ عَلَىٰٓ إِلۡ يَاسِينَ

Yallih xaquk nagaynan Nabii ĮIlyaasal yanay

37:131

إِنَّا كَذَٰلِكَ نَجۡزِي ٱلۡمُحۡسِنِينَ

Diggah Nabii Ilyaas kah galatne innah Nanu meqe mara tonnal galatna

37:132

إِنَّهُۥ مِنۡ عِبَادِنَا ٱلۡمُؤۡمِنِينَ

Diggah Nabii Ilyaas ni-naqoosay teemenek numuk teyna

37:133

وَإِنَّ لُوطًا لَّمِنَ ٱلۡمُرۡسَلِينَ

Kaadu diggah Nabii Luut rubsumte farmoytiitik numuk teyna

37:134

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

Nabiyow keenih cus; Nabii Luut kee kaal yeemene mara inkih digaalák naggosne waqdi

37:135

إِلَّا عَجُوزًا فِي ٱلۡغَٰبِرِينَ

Idaltô daaqaynay (Nabii Luut barra kinnuk) digaalát raaqe maray finqitê luk raqte akke waytek koroositteemih sabbatah

37:136

ثُمَّ دَمَّرۡنَا ٱلۡأٓخَرِينَ

Lakat Nabii Luut marak aka maray raqqayey kaa dirabboyse bayisneh

37:137

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

Kaadu diggah isin Makki maraw ken abuural taturak maacissan

37:138

وَبِٱلَّيۡلِۚ أَفَلَا تَعۡقِلُونَ

Kaadu bar elle taturtaanahak kas elle mageytaanaa? Ken geytem sin geytaamak

37:139

وَإِنَّ يُونُسَ لَمِنَ ٱلۡمُرۡسَلِينَ

Kaadu diggah Nabii Yuunus rubsumte farmoytiitik numuk teyna

37:140

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

Nabiyow keenih cus ; Nabii Yuunus isi marih naqabuh sinaamak kibuk tan doynik fan kude waqdi

37:141

فَسَاهَمَ فَكَانَ مِنَ ٱلۡمُدۡحَضِينَ

Kaxxa haffó woo doynik marteeh tokkel meesiten waqdi doynik mari saami caxxa qideeh, Nabii Yuunus saami-caxxal kak yeysen marih num yekke

37:142

فَٱلۡتَقَمَهُ ٱلۡحُوتُ وَهُوَ مُلِيمٌ

Badat kaa qideeniih, eddeluk kullunti kaa yunxuqe, usuk assacokka lem baahe numuh anuk

37:143

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

Diggah usuk Yalla maggom cusa marih numuh suge wannay

37:144

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

Kullinti bagut edde ugtan ayrô fan sugak yen (qhiyaamah ayró kinnuk)

37:145

فَنَبَذۡنَٰهُ بِٱلۡعَرَآءِ وَهُوَ سَقِيمٌ

Eddeluk kullinti baguk baddi afal deebol kaa qambisne usuk lakmisak

37:146

وَأَنۢبَتۡنَا عَلَيۡهِ شَجَرَةً مِّن يَقۡطِينٍ

Yaqhtiin deqsita cooxuk caxá (xalâ caxá kinnuk) kay amol nuysubuke

37:147

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

Kaadu kay marak bool alfi yakke marah kaa rubne, hinnay wohuk fulaanah

37:148

فَـَٔامَنُواْ فَمَتَّعۡنَٰهُمۡ إِلَىٰ حِينٍ

Eddeluk kaa nummayseeniih, edde raban wakti keenik yamaatem fanah ken hatkisneh

37:149

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

Eddeluk nabiyow ken esser; ku- Rabbi say-xaylo leeh, usun lab- xaylo loonuu

37:150

أَمۡ خَلَقۡنَا ٱلۡمَلَٰٓئِكَةَ إِنَٰثًا وَهُمۡ شَٰهِدُونَ

Hinnak Malayka sayyoh ginnee usun abaluk

37:151

أَلَآ إِنَّهُم مِّنۡ إِفۡكِهِمۡ لَيَقُولُونَ

Oobbiyooy! diggah usun sinni diraabah iyyaanah

37:152

وَلَدَ ٱللَّهُ وَإِنَّهُمۡ لَكَٰذِبُونَ

Yalli xaleh iyyan, diggah usun dirableelá kinnuk

37:153

أَصۡطَفَى ٱلۡبَنَاتِ عَلَى ٱلۡبَنِينَ

Yalli say-xayló dooritee lab- xaylok

37:154

مَا لَكُمۡ كَيۡفَ تَحۡكُمُونَ

Kee a-maraw maca liton! Mannal mekeltan Yallah say-xayló teexegeeniih, sinnih lab-xaylo teexegen waqdi

37:155

أَفَلَا تَذَكَّرُونَ

Makassittaanaa! Yalli barráa kee xaylo aallewaah, kak saytunnoowem

37:156

أَمۡ لَكُمۡ سُلۡطَٰنٌ مُّبِينٌ

Hinnak baxxaqqa iyya sumaq litoonuu a-ittaanamal

37:157

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

Toysa sin kitaabay Yallih xaquk litoonu baahay, a-ittaanamal numma yacee mara tekkeenik keenik iyyan

37:158

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبًاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

Koros Yallaa kee Malaykâ fanal ramaddiinuu kee lagó heen, nummah malayká teexegeh diggah usun (koros kinnuk) girá digaalál gaaboysime loonuuh xayyoysime loonum qhiyaamah ayró

37:159

سُبۡحَٰنَ ٱللَّهِ عَمَّا يَصِفُونَ

Yalli saytunnooweh kaa ceele waytaamay koros kaa edde weelossak

37:160

إِلَّا عِبَادَ ٱللَّهِ ٱلۡمُخۡلَصِينَ

Yallih naqoosay Yalli isi racmatat caglisey kaa ceele wayta weelot kaa weeloyse wayta akke waytek

37:161

فَإِنَّكُمۡ وَمَا تَعۡبُدُونَ

Toysa diggah korosey sin kee isin yallitte axcuk uqbuddu haytaanam

37:162

مَآ أَنتُمۡ عَلَيۡهِ بِفَٰتِنِينَ

Isin Yallih giták num makot beya mara hinniton

37:163

إِلَّا مَنۡ هُوَ صَالِ ٱلۡجَحِيمِ

Koroosannuh Jaciim deqsitta girá cula numuy Yalli tet culim elle mekle akke waytek

37:164

وَمَا مِنَّآ إِلَّا لَهُۥ مَقَامٌ مَّعۡلُومٌ

Malayka itteh; nek inki malaykatti mayan, qaraanal yimixxige arac-le kaa akke waytek

37:165

وَإِنَّا لَنَحۡنُ ٱلصَّآفُّونَ

Kaadu diggah nanu Yallih qibaadáh saffih sollá

37:166

وَإِنَّا لَنَحۡنُ ٱلۡمُسَبِّحُونَ

Kaadu diggah nanu Yalla ceele waytaamak Yalla saytunnosna

37:167

وَإِن كَانُواْ لَيَقُولُونَ

Diggah nabiyow atu rubsumtak naharat Makki koros axcuk sugte

37:168

لَوۡ أَنَّ عِندَنَا ذِكۡرًا مِّنَ ٱلۡأَوَّلِينَ

“Kitoobaa kee anbiyak naharsi maral temeetem nel amaatinnay diggah oggolak nen

37:169

لَكُنَّا عِبَادَ ٱللَّهِ ٱلۡمُخۡلَصِينَ

Yallih naqoosay Yalli isi racmatat caglise akkuk-nen”

37:170

فَكَفَرُواْ بِهِۦۖ فَسَوۡفَ يَعۡلَمُونَ

Makki koros Qhuraan keenil yemeete waqdi kaal koroositeeniih, akeeral digaalák loonum sarrah aaxige-lon

37:171

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ

Nummah Ni-qangará Ni-naqoosa farmoytiitih taturteh

37:172

إِنَّهُمۡ لَهُمُ ٱلۡمَنصُورُونَ

Diggah usun sinni naqboytiitil qoklima mara kinnon

37:173

وَإِنَّ جُندَنَا لَهُمُ ٱلۡغَٰلِبُونَ

Kaadu diggah Ni-qande maysó lem addunyaay akeeral

37:174

فَتَوَلَّ عَنۡهُمۡ حَتَّىٰ حِينٍ

Toysa nabiyow derre keenit (Makki koros kinnuk) cab dago waktî fanah

37:175

وَأَبۡصِرۡهُمۡ فَسَوۡفَ يُبۡصِرُونَ

Kaadu ken qambal nabiyow digaalák keenil obtuwaytam sarrah ableloonuk

37:176

أَفَبِعَذَابِنَا يَسۡتَعۡجِلُونَ

Tokkel edde qataatakaanam Ni- digaalá innaa nabiyow

37:177

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ

Tokkel Ni-digaalá ken dabooqal (maaftal) keenil obta waqdi, toysa meesiisen marih maaci maxxu yoomeeh

37:178

وَتَوَلَّ عَنۡهُمۡ حَتَّىٰ حِينٍ

Kaadu nabiyow derre keenit cab yimixxige waktî fanah

37:179

وَأَبۡصِرۡ فَسَوۡفَ يُبۡصِرُونَ

Kaadu nabiyow ken qambal Ni-digaalák keenil obtuwaytam sarrah ableloonuk

37:180

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ

Nabiyow ku-Rabbi saytunnooweh maysó-le Rabbi, kaa ceele waytaamay kaa edde weelossu haanak

37:181

وَسَلَٰمٌ عَلَى ٱلۡمُرۡسَلِينَ

Kaadu Yallak nagaynan farmoytiitil yanay

37:182

وَٱلۡحَمۡدُ لِلَّهِ رَبِّ ٱلۡعَٰلَمِينَ

Kaadu faylá Yalli-le, ginô Rabbi

Translation: Sheikh Mahmoud Abdel Qader Hamz And Group Of Scholars.