بِسۡمِ ٱللَّهِ ٱلرَّحۡمَٰنِ ٱلرَّحِيمِ
37:1وَٱلصَّٰٓفَّٰتِ صَفًّا
Mi woondirii saffiniraaɗi ɗin saffaaji
37:2فَٱلزَّٰجِرَٰتِ زَجۡرًا
Mi woondirii soggirayɗi (duule) ɗin soggugol
37:3فَٱلتَّٰلِيَٰتِ ذِكۡرًا
Mi woondirii janngirayɗi ɗin, anndintinorgol
37:4إِنَّ إِلَٰهَكُمۡ لَوَٰحِدٌ
Pellet, reweteeɗo mon On, ko bajjo
37:5رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ
Jeyɗo kammuuli ɗin e leydi ndin, e kon ko woni hakkunde ɗin ɗiɗi, Jeyɗo kadi fuɗirɗe ɗen
37:6إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ
Men cuɗirii kammu (hikkii ngu) aduna ngun: cuɗaari koode ɗen
37:7وَحِفۡظًا مِّن كُلِّ شَيۡطَٰنٍ مَّارِدٍ
e reenirgol (ngu) kala seytaane raɗaandu
37:8لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٍ
Ɗi haɗtanaaka heɗitagol mbatu [Malaa'ika'en] toowu ngu ngun; tawde hiɗi feroree e kala baŋŋe
37:9دُحُورًاۖ وَلَهُمۡ عَذَابٌ وَاصِبٌ
ka raɗagol (ɗi). Hino woodani ɗi kadi, lepte duumiiɗe
37:10إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٌ ثَاقِبٌ
Si wanaa ndun bifti ndu e majji, jilannde [haala], ndu rewniree hoodere tufaynde
37:11فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٍ لَّازِبِۭ
Lamndo ɓe: si ko kamɓe ɓuri saɗtude tagude kaa ko ɓen ɓe Men tagi? Men tagirii ɓe kamɓe, loopal narnungal
37:12بَلۡ عَجِبۡتَ وَيَسۡخَرُونَ
Si ko woni, a haawi, hiɓe jalnora
37:13وَإِذَا ذُكِّرُواْ لَا يَذۡكُرُونَ
Si ɓe waajaama, ɓe waajitortaa
37:14وَإِذَا رَأَوۡاْ ءَايَةً يَسۡتَسۡخِرُونَ
si ɓe yi'ii maande, ɓe jalkita
37:15وَقَالُوٓاْ إِنۡ هَٰذَآ إِلَّا سِحۡرٌ مُّبِينٌ
ɓe wi'a: "Ɗum wonaali, si wanaa mbilewu ɓanngu ngu
37:16أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Eyoo si men maayii, men wontii mbullaari e ƴi'e, haray ko men immintinoyteeɓe
37:17أَوَءَابَآؤُنَا ٱلۡأَوَّلُونَ
Baabiraaɓe amen adinooɓe ɓen kadi e minen
37:18قُلۡ نَعَمۡ وَأَنتُمۡ دَٰخِرُونَ
Maaku: "Pellet! Hara le ko on hoynaaɓe
37:19فَإِنَّمَا هِيَ زَجۡرَةٌ وَٰحِدَةٌ فَإِذَا هُمۡ يَنظُرُونَ
Anndon ɗum, ko wuttaandu wooturu pet, tawee jaka yoo, hiɓe ndaara
37:20وَقَالُواْ يَٰوَيۡلَنَا هَٰذَا يَوۡمُ ٱلدِّينِ
Ɓe wi'a: Ee bone amen ! Ko ndee woni Ñalaande njoɓdi kuuɗe
37:21هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ
Ko ndee woni Ñalaande ñaawoore, ko fennaynoɗon fii mun
37:22ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ
Mooɓee tooñuɓe ɓen, e nandadiiɓe maɓɓe ɓen, e kon ko ɓe wonunoo e rewde
37:23مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ
ko wonaa Alla. Soggireeɓe ka laawol Jahiimi
37:24وَقِفُوهُمۡۖ إِنَّهُم مَّسۡـُٔولُونَ
Darnon ɓe, tawde ko ɓe lamnditeteeɓe
37:25مَا لَكُمۡ لَا تَنَاصَرُونَ
Ko heɓi on, on wallindirtaa
37:26بَلۡ هُمُ ٱلۡيَوۡمَ مُسۡتَسۡلِمُونَ
Ko woni kamɓe on hannde, ko ɓe jebbilii ɓe
37:27وَأَقۡبَلَ بَعۡضُهُمۡ عَلَىٰ بَعۡضٍ يَتَسَآءَلُونَ
woɗɓe e maɓɓe fewtita ɓeya, ɓe lamndondira
37:28قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ
ɓe wi'a: "Ko onon woni ko ardiranaynoo men, ka ɓaŋŋe ñaamo
37:29قَالُواْ بَل لَّمۡ تَكُونُواْ مُؤۡمِنِينَ
(Koohooɓe) ɓen wi'a: "Ko woni kon, on meeɗaano wonnde gomɗimɓe
37:30وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمًا طَٰغِينَ
Doole woo men alanaano on. Si ko woni, on wonuno yimɓe bewɓe
37:31فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ
Konngol Joomi men ngol, jojjii e men; pellet, ko en meeɗooɓe [lepte ɗen]
37:32فَأَغۡوَيۡنَٰكُمۡ إِنَّا كُنَّا غَٰوِينَ
Men bewinno on, tawde hay menen, ko men bewnooɓe
37:33فَإِنَّهُمۡ يَوۡمَئِذٍ فِي ٱلۡعَذَابِ مُشۡتَرِكُونَ
Kamɓe on nden ñalnde, ko ɓe hawtoyteeɓe ka lepte
37:34إِنَّا كَذَٰلِكَ نَفۡعَلُ بِٱلۡمُجۡرِمِينَ
Ko nii Menen Men huuwirta bomɓe ɓen
37:35إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ
Kamɓe si ɓe wi'anooma: "Reweteeɗo alaa si wanaa Alla", ɓe mawnintinoo
37:36وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٍ مَّجۡنُونِۭ
ɓe wi'a: "Kere men accitiray reweteeɗi amen ɗin, fii yimoowo haangaaɗo
37:37بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ
Si ko woni, (Nulaaɗo) on ko goonga ardi, o goongini Nulaaɓe ɓen
37:38إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ
Pellet, ko on meeɗay ɓe lepte muusuɗe ɗen
37:39وَمَا تُجۡزَوۡنَ إِلَّا مَا كُنتُمۡ تَعۡمَلُونَ
On yoɓitetaake, si wanaa yeru kon ko huuwaynoɗon
37:40إِلَّا عِبَادَ ٱللَّهِ ٱلۡمُخۡلَصِينَ
si wanaa jeyaaɓe Alla laɓɓinaaɓe ɓen
37:41أُوْلَٰٓئِكَ لَهُمۡ رِزۡقٌ مَّعۡلُومٌ
hino woodani ɓen ɗon, fanndaari anndaandi
37:42فَوَٰكِهُ وَهُم مُّكۡرَمُونَ
muuyanteeɗi, kadi ko ɓe teddinaaɓe
37:43فِي جَنَّٰتِ ٱلنَّعِيمِ
ka Aljannaaji neeminiiɗi
37:44عَلَىٰ سُرُرٍ مُّتَقَٰبِلِينَ
e hoore danɗe, ko ɓe fewtondirɓe
37:45يُطَافُ عَلَيۡهِم بِكَأۡسٍ مِّن مَّعِينِۭ
Hara kore hino wannginii e maɓɓe, immorde e ɓulirde
37:46بَيۡضَآءَ لَذَّةٍ لِّلشَّٰرِبِينَ
daneere, lewñunde, fii yarooɓe
37:47لَا فِيهَا غَوۡلٌ وَلَا هُمۡ عَنۡهَا يُنزَفُونَ
muusu hoore alaa e majjam, wanaa ɗam siwrinirteeɓe ɗam
37:48وَعِندَهُمۡ قَٰصِرَٰتُ ٱلطَّرۡفِ عِينٌ
Hino woodani ɓe (ton): raɓɓiduɓe ndaarɗe, yaaja giteeɓe
37:49كَأَنَّهُنَّ بَيۡضٌ مَّكۡنُونٌ
wa'uɓe wa boofo maraaɗe
37:50فَأَقۡبَلَ بَعۡضُهُمۡ عَلَىٰ بَعۡضٍ يَتَسَآءَلُونَ
Woɗɓe e maɓɓe fewtita ɓeya, ɓe lamndondira
37:51قَالَ قَآئِلٌ مِّنۡهُمۡ إِنِّي كَانَ لِي قَرِينٌ
Goɗɗo e maɓɓe wi'a: "Min miɗo marunoo wonndiiɗo
37:52يَقُولُ أَءِنَّكَ لَمِنَ ٱلۡمُصَدِّقِينَ
wi'aynooɗo: "Kere ko a jeyaaɗo e googimɓe ɓen
37:53أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَدِينُونَ
Eyoo si en maayii, en wontii mbullaari e ƴi'e, haray ko en yoɓitoyteeɓe
37:54قَالَ هَلۡ أَنتُم مُّطَّلِعُونَ
O wi'a: "Taw si ɗon yiɗi ƴeewude
37:55فَٱطَّلَعَ فَرَءَاهُ فِي سَوَآءِ ٱلۡجَحِيمِ
O ƴeewa, o haynoo oya ka tummbo Dulbunge
37:56قَالَ تَٱللَّهِ إِن كِدتَّ لَتُرۡدِينِ
o wi'a: "Mi woondirii Alla ! A eɓɓuno fii no mi halkorde
37:57وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ
Si wanaano moƴƴere Joomi am nden, mi tawdeteno e [lepteteeɓe ɓen]
37:58أَفَمَا نَحۡنُ بِمَيِّتِينَ
Wonaa non enen maayataa
37:59إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ
si wanaa maayde men aranere nden, en wonaali kadi lepteteeɓe
37:60إِنَّ هَٰذَا لَهُوَ ٱلۡفَوۡزُ ٱلۡعَظِيمُ
Pellet, ko ɗum ɗoo woni maloore mawnunde nden
37:61لِمِثۡلِ هَٰذَا فَلۡيَعۡمَلِ ٱلۡعَٰمِلُونَ
Ko fii sugu ɗum ɗoo, woni yo gollooɓe gollan
37:62أَذَٰلِكَ خَيۡرٌ نُّزُلًا أَمۡ شَجَرَةُ ٱلزَّقُّومِ
Hara ko ɗum ɓuri moƴƴude jipporde, kaa ko leggal "Zaqquumi" [ngal haaɗungal]
37:63إِنَّا جَعَلۡنَٰهَا فِتۡنَةً لِّلظَّٰلِمِينَ
Men waɗii ngal jarrabuyee tooñuɓe ɓen
37:64إِنَّهَا شَجَرَةٌ تَخۡرُجُ فِيٓ أَصۡلِ ٱلۡجَحِيمِ
Ngal, ko leggal yaltayngal ka tummbere Dulbunge
37:65طَلۡعُهَا كَأَنَّهُۥ رُءُوسُ ٱلشَّيَٰطِينِ
Dimɗe maggal, hino wa'i wa ko'e seytanooji
37:66فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ
Kamɓe on, pellet, ko e maggal ɓe nyaamirta, ɓe hebbinira ngal deedi maɓɓe
37:67ثُمَّ إِنَّ لَهُمۡ عَلَيۡهَا لَشَوۡبًا مِّنۡ حَمِيمٍ
Refti hino woodani ɓe e dow maggal, njaram fatinaaɗam
37:68ثُمَّ إِنَّ مَرۡجِعَهُمۡ لَإِلَى ٱلۡجَحِيمِ
Refti ruttorde maɓɓe nden, ko ka Dulɓoowe
37:69إِنَّهُمۡ أَلۡفَوۡاْ ءَابَآءَهُمۡ ضَآلِّينَ
Ɓe tawu baabiraaɓe maɓɓe ɓen, ko majjunooɓe
37:70فَهُمۡ عَلَىٰٓ ءَاثَٰرِهِمۡ يُهۡرَعُونَ
ɓe woni e yaccagol jokka baɗteeji maɓɓe
37:71وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ
Gomɗii, ko ɓuri ɗuuɗude e aramɓe ɓen, majjiino, ado maɓɓe
37:72وَلَقَدۡ أَرۡسَلۡنَا فِيهِم مُّنذِرِينَ
Gomɗii le, Men nuluno e maɓɓe, jertinooɓe
37:73فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ
Kono ndaaru baɗtane ɓen jertinanooɓe, no wa'unoo
37:74إِلَّا عِبَادَ ٱللَّهِ ٱلۡمُخۡلَصِينَ
Si wanaa jeyaaɓe Alla, laɓɓinaaɓe ɓen
37:75وَلَقَدۡ نَادَىٰنَا نُوحٌ فَلَنِعۡمَ ٱلۡمُجِيبُونَ
Gomɗii Nuuhu nodduno Men, Men moƴƴii jaabotooɓe
37:76وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ
Men daɗni mo, kanko e yimɓe makko ɓen, e suno mawnungo ngon
37:77وَجَعَلۡنَا ذُرِّيَّتَهُۥ هُمُ ٱلۡبَاقِينَ
Men waɗi geyngol makko ngol, heddotooɓe ɓen
37:78وَتَرَكۡنَا عَلَيۡهِ فِي ٱلۡأٓخِرِينَ
Men accani mo mantoore, e sakkitiiɓe ɓen
37:79سَلَٰمٌ عَلَىٰ نُوحٍ فِي ٱلۡعَٰلَمِينَ
Kisal wonii e Nuuhu, e nder winndere nden
37:80إِنَّا كَذَٰلِكَ نَجۡزِي ٱلۡمُحۡسِنِينَ
Ko non woni ko Men warjorta moƴƴimɓe ɓen
37:81إِنَّهُۥ مِنۡ عِبَادِنَا ٱلۡمُؤۡمِنِينَ
Kanko, ko o jeyanooɗo e jeyaaɓe Amen gomɗimɓe ɓen
37:82ثُمَّ أَغۡرَقۡنَا ٱلۡأٓخَرِينَ
Refti Men yooli heddii ɓe ɓen
37:83وَإِنَّ مِن شِيعَتِهِۦ لَإِبۡرَٰهِيمَ
Hino jeyanoo e jokkuɓe mo ɓen, Ibraahiima
37:84إِذۡ جَآءَ رَبَّهُۥ بِقَلۡبٍ سَلِيمٍ
Tuma nde ardunoo ka Joomi makko, e ɓernde hisunde
37:85إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ
Nde o maakannoo ben makko e yimɓe mun ɓen: "Ko honɗum rewoton
37:86أَئِفۡكًا ءَالِهَةً دُونَ ٱللَّهِ تُرِيدُونَ
E ko reweteeɗi fefindaaɗi, ko wanaa Alla, faalaɗon
37:87فَمَا ظَنُّكُم بِرَبِّ ٱلۡعَٰلَمِينَ
Ko sikkuɗon e Joomiraawo tageefo ngon
37:88فَنَظَرَ نَظۡرَةً فِي ٱلنُّجُومِ
O ndaariri ndaarande ka koode
37:89فَقَالَ إِنِّي سَقِيمٌ
o maaki: "Ko mi nawnuɗo
37:90فَتَوَلَّوۡاْ عَنۡهُ مُدۡبِرِينَ
Ɓe acci mo, ɓe hucciti
37:91فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ
O moltii e reweteeɗi maɓɓe ɗin, o maaki: "E on ñaamataa
37:92مَا لَكُمۡ لَا تَنطِقُونَ
Ko heɓi on, on wowlataa
37:93فَرَاغَ عَلَيۡهِمۡ ضَرۡبَۢا بِٱلۡيَمِينِ
O moltorani ɗi, piyirgol ɗi ñaamo ngon
37:94فَأَقۡبَلُوٓاْ إِلَيۡهِ يَزِفُّونَ
Ɓe fewri ka makko, hiɓe yaawno
37:95قَالَ أَتَعۡبُدُونَ مَا تَنۡحِتُونَ
O maaki: "E on reway kon ko lesuɗon
37:96وَٱللَّهُ خَلَقَكُمۡ وَمَا تَعۡمَلُونَ
hara le ko Alla tagi on, e kon ko golloton
37:97قَالُواْ ٱبۡنُواْ لَهُۥ بُنۡيَٰنًا فَأَلۡقُوهُ فِي ٱلۡجَحِيمِ
Ɓe wi'i: "Mahanee mo maadi, bugoɗon mo ka dulɓayange
37:98فَأَرَادُواْ بِهِۦ كَيۡدًا فَجَعَلۡنَٰهُمُ ٱلۡأَسۡفَلِينَ
Ɓe faandanii mo feere; kono Men waɗi ɓe sooyube ɓen
37:99وَقَالَ إِنِّي ذَاهِبٌ إِلَىٰ رَبِّي سَيَهۡدِينِ
O maaki: "Min on, ko mi feroowo ka Joomi am, aray nde O fewnata lam
37:100رَبِّ هَبۡ لِي مِنَ ٱلصَّٰلِحِينَ
Joomi am, yeɗam geɓal moƴƴuɓe
37:101فَبَشَّرۡنَٰهُ بِغُلَٰمٍ حَلِيمٍ
Men wewliniri mo, geɗal muññiiɗo
37:102فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ
Nde on yottinoo e makko jahal, [Ibraahiima] maaki: "Ko an ɓiɗɗo am, min mi yi'ii e ɗoyngol, wonnde miɗo hirse. Ndaaru ko yi'uɗaa". [Ismaa'iila] maaki: "Ko onon yo baaba'en, waɗee ko yamiraɗon kon, on tawoyay lam, si Alla jaɓii, jeyaaɗo e muñiiɓe ɓen
37:103فَلَمَّآ أَسۡلَمَا وَتَلَّهُۥ لِلۡجَبِينِ
Nde ɓe jebbilaninoo (ymiroore Alla nden), o hippiri mo tiinde nden
37:104وَنَٰدَيۡنَٰهُ أَن يَٰٓإِبۡرَٰهِيمُ
Men noddiri mo wiide: "ko yo Ibraahiima
37:105قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ
Pellet, a goonginii koyɗol ngol. Ko Menen Men yoɓirte moƴƴinooɓe ɓen
37:106إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ
Pellet, ko ɗum ɗoo woni jarrabuyee ɓannguɗo on
37:107وَفَدَيۡنَٰهُ بِذِبۡحٍ عَظِيمٍ
Men soktiri mo kirse mawɗe
37:108وَتَرَكۡنَا عَلَيۡهِ فِي ٱلۡأٓخِرِينَ
Men accani mo mantoore, e sakkitiiɓe ɓen
37:109سَلَٰمٌ عَلَىٰٓ إِبۡرَٰهِيمَ
Kisiyee wonii e Ibraahiima
37:110كَذَٰلِكَ نَجۡزِي ٱلۡمُحۡسِنِينَ
Ko wano nii Men yoɓirta moƴƴinooɓe ɓen
37:111إِنَّهُۥ مِنۡ عِبَادِنَا ٱلۡمُؤۡمِنِينَ
Kanko, ko o jeyaaɗo e jeyaaɓe Amen gomɗimɓe ɓen
37:112وَبَشَّرۡنَٰهُ بِإِسۡحَٰقَ نَبِيًّا مِّنَ ٱلصَّٰلِحِينَ
Men wewlintiniri Ishaaqa, Annabaajo jeyaaɗo e moƴƴuɓe ɓen
37:113وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٌ وَظَالِمٌ لِّنَفۡسِهِۦ مُبِينٌ
Men hebbini barki e makko e Ishaaqa. Hino e geyngol maɓɓe ngol: moƴƴinɗo, e tooñuɗo hoore-mun ɓanngini
37:114وَلَقَدۡ مَنَنَّا عَلَىٰ مُوسَىٰ وَهَٰرُونَ
Gomɗii Men moƴƴike e dow Muusaa e Haaruuna
37:115وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ
Men daɗni ɓe, kamɓe e yimɓe maɓɓe ɓen, e ngoƴo mawnungo
37:116وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ
Men walli ɓe, ɓe woni fooluɓe ɓen
37:117وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ
Men okki ɓe Deftere ɓannginnde nden
37:118وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ
Men fewniri ɓe, e laawol focciingol ngol
37:119وَتَرَكۡنَا عَلَيۡهِمَا فِي ٱلۡأٓخِرِينَ
Men accani ɓe mantoore, e sakkitiiɓe ɓen
37:120سَلَٰمٌ عَلَىٰ مُوسَىٰ وَهَٰرُونَ
Kisal wonii e dow Muusaa e Haaruuna
37:121إِنَّا كَذَٰلِكَ نَجۡزِي ٱلۡمُحۡسِنِينَ
Ko wano nii Men yoɓitirta moƴƴimɓe ɓen
37:122إِنَّهُمَا مِنۡ عِبَادِنَا ٱلۡمُؤۡمِنِينَ
Kamɓe ɗiɗo, ko ɓe jeyanooɓe e jeyaaɓe Amen gomɗimɓe ɓen
37:123وَإِنَّ إِلۡيَاسَ لَمِنَ ٱلۡمُرۡسَلِينَ
Pellet, Ilyaasa kadi, ko jeyanooɗo e Nulaaɓe ɓen
37:124إِذۡ قَالَ لِقَوۡمِهِۦٓ أَلَا تَتَّقُونَ
Janto nde o maakannoo yimɓe makko ɓen: "E on hulataa [Alla]
37:125أَتَدۡعُونَ بَعۡلًا وَتَذَرُونَ أَحۡسَنَ ٱلۡخَٰلِقِينَ
E ko "Ba'ala" rewoton, accon ɓurɗo moƴƴude tagu On
37:126ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ
Woni Alla, Jeyɗo on, Jeyi baabiraaɓe mon adinooɓe ɓen
37:127فَكَذَّبُوهُ فَإِنَّهُمۡ لَمُحۡضَرُونَ
Ɓe fenni mo, awa non, ko ɓe tawnoyteeɓe (ka lepte)
37:128إِلَّا عِبَادَ ٱللَّهِ ٱلۡمُخۡلَصِينَ
Si wanaa jeyaaɓe Alla laɓɓinaaɓe ɓen
37:129وَتَرَكۡنَا عَلَيۡهِ فِي ٱلۡأٓخِرِينَ
Men accani mo mantoore, e sakkitiiɓe ɓen
37:130سَلَٰمٌ عَلَىٰٓ إِلۡ يَاسِينَ
Kisal wonii e dow Ilyaasiina'en
37:131إِنَّا كَذَٰلِكَ نَجۡزِي ٱلۡمُحۡسِنِينَ
Ko wano nii Men yoɓirta moƴƴimɓe ɓen
37:132إِنَّهُۥ مِنۡ عِبَادِنَا ٱلۡمُؤۡمِنِينَ
Kanko, ko o jeyanooɗo e jeyaaɓe Amen gomɗimɓe ɓen
37:133وَإِنَّ لُوطًا لَّمِنَ ٱلۡمُرۡسَلِينَ
Pellet, Luutu kadi, ko jeyanooɗo e Nulaaɓe ɓen
37:134إِذۡ نَجَّيۡنَٰهُ وَأَهۡلَهُۥٓ أَجۡمَعِينَ
Janto nde Men daɗndunoo mo, kanko e ɓeynguure makko nden fow
37:135إِلَّا عَجُوزًا فِي ٱلۡغَٰبِرِينَ
si wonaa nayeeja debba, tawaaɗo e luttunooɓe ɓen
37:136ثُمَّ دَمَّرۡنَا ٱلۡأٓخَرِينَ
refti Men oƴƴi heddii ɓe ɓen
37:137وَإِنَّكُمۡ لَتَمُرُّونَ عَلَيۡهِم مُّصۡبِحِينَ
Onon non, hiɗon rewa e hoore-maɓɓe, dawol mon
37:138وَبِٱلَّيۡلِۚ أَفَلَا تَعۡقِلُونَ
e ka jemma. E on haqqiltaa
37:139وَإِنَّ يُونُسَ لَمِنَ ٱلۡمُرۡسَلِينَ
Pellet, Yuunusa kadi, ko jeyanooɗo e Nulaaɓe ɓen
37:140إِذۡ أَبَقَ إِلَى ٱلۡفُلۡكِ ٱلۡمَشۡحُونِ
Janto nde o dogirnoo ka laana hebbinaaka
37:141فَسَاهَمَ فَكَانَ مِنَ ٱلۡمُدۡحَضِينَ
o urbinii, o jeyaa e foolaaɓe ɓen
37:142فَٱلۡتَقَمَهُ ٱلۡحُوتُ وَهُوَ مُلِيمٌ
Linngii ngii moɗi mo, ko o felniiɗo
37:143فَلَوۡلَآ أَنَّهُۥ كَانَ مِنَ ٱلۡمُسَبِّحِينَ
Si wanaano tawde himo jeyanoo e subbunhinotooɓe ɓen
37:144لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ
o ñiiɓayno e reedu maggii, haa ñalnde ɓe immintinoytee
37:145فَنَبَذۡنَٰهُ بِٱلۡعَرَآءِ وَهُوَ سَقِيمٌ
Men werlii mo ka ladde, ko o nawnuɗo
37:146وَأَنۢبَتۡنَا عَلَيۡهِ شَجَرَةً مِّن يَقۡطِينٍ
Men fuɗini e mayre, leggal buudi
37:147وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ
Men nuli mo e ujune teemeder yimɓe, maa ko ɓuri
37:148فَـَٔامَنُواْ فَمَتَّعۡنَٰهُمۡ إِلَىٰ حِينٍ
Ɓe gomɗini, Men dakmiti ɓe haa e dumunna
37:149فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ
Lamndii ɓe:" E ko Joomi maa woodanta ɓiɗɓe rewɓe, kamɓe kan worɓe
37:150أَمۡ خَلَقۡنَا ٱلۡمَلَٰٓئِكَةَ إِنَٰثًا وَهُمۡ شَٰهِدُونَ
Kaa Men tagir Malaa'ika'en rewɗinaaɗi, hara ko ɓe seediiɓe
37:151أَلَآ إِنَّهُم مِّنۡ إِفۡكِهِمۡ لَيَقُولُونَ
Faamee, kamɓe e pepindaale maɓɓe ɗen, hiɓe wi'a
37:152وَلَدَ ٱللَّهُ وَإِنَّهُمۡ لَكَٰذِبُونَ
Allah jibinii"; pellet, ɓe fanay
37:153أَصۡطَفَى ٱلۡبَنَاتِ عَلَى ٱلۡبَنِينَ
Hara O suɓay ɓiɗɓe rewɓe ɓen e dow worɓe ɓen
37:154مَا لَكُمۡ كَيۡفَ تَحۡكُمُونَ
Ko heɓi on, si ɗon ñaawira non
37:155أَفَلَا تَذَكَّرُونَ
E on miijitottaako
37:156أَمۡ لَكُمۡ سُلۡطَٰنٌ مُّبِينٌ
Kaa hiɗon jogii hujja ɓannguɗo
37:157فَأۡتُواْ بِكِتَٰبِكُمۡ إِن كُنتُمۡ صَٰدِقِينَ
Haray addee deftere mon nden, si wonii ko on goonguɓe
37:158وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبًاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ
Ɓe waɗi hakkunde Makko e Malaa'ika'en, asko; hara non, Malaa'ka'en no anndi, ɓen ko tawnoyteeɓe (ka lepte)
37:159سُبۡحَٰنَ ٱللَّهِ عَمَّا يَصِفُونَ
Senayee woodani Allah, e kon ko ɓe sifotoo
37:160إِلَّا عِبَادَ ٱللَّهِ ٱلۡمُخۡلَصِينَ
Si wanaa jeyaaɓe Allah laɓɓinaaɓe ɓen
37:161فَإِنَّكُمۡ وَمَا تَعۡبُدُونَ
Anndon onon e ko rewoton kon
37:162مَآ أَنتُمۡ عَلَيۡهِ بِفَٰتِنِينَ
on wonaali majjinooɓe ɗum [goɗɗo goo]
37:163إِلَّا مَنۡ هُوَ صَالِ ٱلۡجَحِيمِ
si wanaa tawɗo on ko naatoowo ka Dulɓaynge
37:164وَمَا مِنَّآ إِلَّا لَهُۥ مَقَامٌ مَّعۡلُومٌ
[Malaa'ika'en wi'i]: "Alaa e amen, mo alanaa ɗum, darorde anndaande
37:165وَإِنَّا لَنَحۡنُ ٱلصَّآفُّونَ
Ko menen woni saffinaaɓe ɓen
37:166وَإِنَّا لَنَحۡنُ ٱلۡمُسَبِّحُونَ
Ko menen kadi woni subbunhinotooɓe ɓen
37:167وَإِن كَانُواْ لَيَقُولُونَ
Ɓe woniino e wi'ugol
37:168لَوۡ أَنَّ عِندَنَا ذِكۡرًا مِّنَ ٱلۡأَوَّلِينَ
Hara Deftere iwnde e adinooɓe ɓen, no woodannoo men
37:169لَكُنَّا عِبَادَ ٱللَّهِ ٱلۡمُخۡلَصِينَ
men wonayno jeyaaɓe Allah laɓɓinaaɓe
37:170فَكَفَرُواْ بِهِۦۖ فَسَوۡفَ يَعۡلَمُونَ
Ɓe yeddi nde, kono aray ɓe anndoya
37:171وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ
Gomɗii Konngol Amen ardinoke, fii jeyaaɓe Amen, Nulaaɓe ɓen
37:172إِنَّهُمۡ لَهُمُ ٱلۡمَنصُورُونَ
wonnde pellet, ko kamɓe woni walleteeɓe ɓen
37:173وَإِنَّ جُندَنَا لَهُمُ ٱلۡغَٰلِبُونَ
e wonnde ko konu Amen ngun, woni foolooɓe ɓen
37:174فَتَوَلَّ عَنۡهُمۡ حَتَّىٰ حِينٍ
Ɗuurno ɓee, haa e saanga
37:175وَأَبۡصِرۡهُمۡ فَسَوۡفَ يُبۡصِرُونَ
ndaaraa ɓe, ɓe aray yi'ude
37:176أَفَبِعَذَابِنَا يَسۡتَعۡجِلُونَ
E hara ko lepte Amen ɗen ɓe heñorta
37:177فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ
Si ɗe jippike ka tannde (dingiral)maɓɓe, haray bimmbi waajonooɓe ɓen bonii
37:178وَتَوَلَّ عَنۡهُمۡ حَتَّىٰ حِينٍ
Ɗuurno ɓee, haa e saanga
37:179وَأَبۡصِرۡ فَسَوۡفَ يُبۡصِرُونَ
ndaaraa, ɓe aray yi'ude
37:180سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ
Senayee woodanii Joomi maa, Jeyɗo teddungal, e kon ko ɓe sifotoo
37:181وَسَلَٰمٌ عَلَى ٱلۡمُرۡسَلِينَ
Kisyee wonii e Nulaaɓe ɓen
37:182وَٱلۡحَمۡدُ لِلَّهِ رَبِّ ٱلۡعَٰلَمِينَ
Yettoore woodani Allah, Jeyɗo winndere nden
Translation: Rowad Translation Center And Islamhouse.